Vandamál ! Frekar verkefni sem þarf að takast á við

Sporðdreki:
Þú þarft að leysa vandamál sem krefst mikillar einbeitingar
og yfirsýnar.
Vertu opin/n fyrir nýjum hugmyndum úr óvæntri átt.

Annars kalla ég þetta nú ekki vandamál sem ég er að leysa þessa daganna, verkefni eru það frekar í mínum augum, já verkefni sem eru lögð fyrir mig og það er algjörlega mitt að ákveða hvort ég stenst prófið eður ei, allir fá svona verkefni, sumir skilja þau, aðrir ekki, eitt er víst að prófið er bara mér í hag engum öðrum því við vinnum bara að okkar málum ekki annarra.

Einbeitningin er eins og er bara á næstu helgi, allt annað verður að bíða þar til eftir helgi eða lengur, það er nefnilega þannig að verkefni geta tekið afar langan tíma að leysa og ég tel þetta vera eitt af því, en svo getur þetta farið í gang og málið dautt á stuttum tíma, við sjáum hvað setur, en ég gæti þurft að taka mér fyrir hendur smá ferðalag.

Í dag er full dagskrá við hinar ýmsu reddingar, á morgun er stóri dagurinn og hér verður bara gleði á ferð með alla mína í kringum mig, hlakka svo til.

Um þessa helgi sem er hvítasunnan fara fram margar fermingar og útskriftir, einnig fer fólk í sumarhúsin sín, fellihýsi, tjaldvagna og húsbíla óska ég öllum gleðilegrar helgi og endilega munið að fara varlega og ganga hægt um gleðinnar dyr.

Kærleik á línuna

Athugasemdir

[Ásdís Sigurðardóttir, 20.5.2010 kl. 11:51]

Kærleik til baka og njóttu helgarinnar.

[egvania (IP-tala skráð) 21.5.2010 kl. 22:34]

Elsku Milla og Gísli við viljum óska ykkur til hamingju með daginn í dag sem hefur örugglega verið ykkur öllum ánægjulegur.

Knús til ykkar frá okkur.

[Guðrún Emilía Guðnadóttir, 22.5.2010 kl. 07:38]

Takk elskurnar, hugsa mikið til ykkar yfir flóann og fjörðin.
Sjáumst brátt
Milla og Gísli

[Valdís Skúladóttir, 22.5.2010 kl. 21:44]

Elsku Milla og Gísli.

Til hamingju með dömurnar ykkar.

                       Kærleikskveðjur. Vallý