Við verðum að berjast!

Bubbi Morthens. mbl.is/Ómar

Bubbi boðar til mótmæla

Bubbi Morthens, tónlistarmaður hvetur almenning til að koma saman
á Austurvelli klukkan 12 á miðvikudaginn og láta ráðamenn vita að
þjóðin vilji að þeir geri eitthvað.

„Eða eigum við að láta krónuna og ráðamenn leiða okkur sem lömb 
til slátrunar. ...þið munuð öll, þið munuð öll deyja, ef ekkert verður gert,"
segir í tilkynningu frá Bubba.

Ég veit að þetta er frétt síðan í gær, en góð vísa er aldrei of oft kveðin.
Þetta er sko góð vís, það er löngu orðið tímabært að mótmæla.

Viljum við láta koma svona fram við okkur?
Viljum við þola það misrétti sem okkur er sýnt?
Viljum við missa allt sem við eigum?
Viljum við láta tala við okkur eins og þurfalinga?

Þá meina ég ekki bara húsin, bílana og ef við eigum aðrar eignir
eða fyrirtæki, þá það líka.
Ég er að tala um sjálfsvirðinguna því hana missum við er maður getur
eigi rönd við reist þeirri hrikalegu aðför sem er að dynja á okkur núna
ef við gerum ekki neitt.
Þeir sem eiga ekki neitt eins og við þessi lægst launuðu munum samt
missa æruna, flest erum við með einhver lán og er við eigi getum borgað
þau þá verðum við gerð gjaldþrota allavega förum í árangurslaust fjárnám
og um leið á svarta listann og þá erum við úti með allar fyrirgreiðslur.

Fólk sem er á þessum lista er talið ÚRHRAK.

Ég skora á alla sem eitthvað hugsa (og komin tími til að hugsa)
að mæta fyrir sjálfan sig á Austurvöll með Bubba.
Og svo á bara að halda áfram, ekki að gefast upp.
NEMA AÐ ÞIÐ VILJIÐ DEYJA OFAN Í KLOFIÐ Á YKKUR.
                          Eigið góðan dag.
                            Milla.

Bubbi boðar til mótmæla

Fyrir svefninn.

Munið þið ekki eftir henni Gróu á leiti? Jú allir muna hana,
því allar götur hún er við líði.
Áður og fyrr gekk hún á milli húsa og sagði sögur, sem allir
gleyptu í sig og sögðu síðan áfram á næsta mann.
Í sveitasímann vogaði hún sér samt að litlu leiti þó að gaspra,
en er síminn kom, sem engin gat hlerað,
þá fékk hún byr undir báða vængi
og sögurnar flæddu út um allt.
Á blogginu verður hún Gróa að vera vör um sig, því þar má ekki
segja gróusögur, en er skilaboðin komu þá fékk hún aftur byr undir
báða vængi og sagði sögur, en Gróa fattar ekki að allt sem hún segir
kemur ætíð í bakið á henni, svoleiðis hefur það verið frá alda öðli.

Jæja í grínið.

Þegar Jón Thoroddsen var sýslumaður Borgfirðinga, höfðaði ung
stúlka barnsfaðernismál og bar það fyrir réttinum að meintur
barnsfaðir hefði sorðið sig sitjandi.
Af því tilefni kvað Jón:

                  Lýðir gera það liggjandi.
                  Lukkast má það standandi
                  en sóðast við það sitjandi
                  sýnist mér varla formandi.

Þessi lýsir best hug flestra karlmanna.

Jafnréttissinnuð menntaskólastúlka talaði mikið um jafnréttis
og launamál á heimili sínu og fannst mikið óréttlæti í því að
konur skyldu ekki fá sömu laun fyrir sömu vinnu.
Pabba hennar var farið að leiðast þófið og sagði:
"Ef þú endilega karlmannslaun, hvers vegna giftir þú þig þá ekki?"

                               Góða nótt.

Frygðarauki í formi eista

Þetta er kokkabókin sem mun verða vinsæl í kreppunni,
vona að þeir hækki ekki eistun upp úr öllu valdi á sláturhúsunum,
en ef þið ekki vitið er hægt að fara í sláturhúsin og kaupa eistu
eða allavega var það svoleiðis.

Nú þetta er ódýr matur, en aldrei hefur mér funndist hann
girnilegur, en kannski er hann frigðarauki fyrir karla, en ég
taldi það vera ástkonunnar að veita frygðaraukann.

Puff að maður skuli vera svona grunnvitur.

þekkti fyrir margt löngu konu að vestan sem keypti sér hrútspunga
síðan voru þeir verkaðir og sviðnir bara eins og sviðin, saumað
fyrir gatið soðið og borðaði hún síðan með bestu list með kartöflum.


Kannski eru þetta fordómar í manni að vilja ekki borða, svona að
annara mati, gyrnilegan mat.
Kannski maður prófi, ódýrt, allavega frygðarauki fyrir karlinn.

                                   Verði ykkur að góðu.

Karlmannleg kokkabók

Fyrir svefninn.

Er ekki bara best eftir allar gleðifréttirnar undanfarna daga
að halda bara áfram í gríninu, eða hafa kannski ekki verið
neinar gleðifréttir?
En samt fáið þið grín.

Stúlka ein fékk dágóða peningaupphæð í happadrættisvinning
og var miðin númer 51.
Einhver spurði hana hvort hún hefði dregið þetta númer eða valið.
" Valið það," svaraði stúlkan, " Mig dreymdi sjö nætur í röð
töluna sjö, og sjö sinnum sjö eru nú einu sinni fimmtíu og einn,"
sagði hún hróðug.

Tveir fermingardrengi, ræddu um " Faðir vorið" og merkingu þess
og fannst öðrum það óþarfi að hafa yfir daglega,
gef oss í dag vort daglegt brauð, vikulega væri nóg.
Hinn var ekki á sama máli, því hann taldi það nú alltaf best nýbakað.

                     Þessi er ekki fyrir viðkvæma.

                        Gamall húsgangur:

                     Sjálfs manns höndin hollust er.
                     Hér er sönnun fengin.
                     lekanda úr lófa sér
                     liðið hefur enginn.

                                           Góða nótt.

Einræðismóðir.

Hef oft hugleitt, hvernig móðir sem hefur tögl og haldir á öllum
fjölskyldumeðlimun sé innrætt. Er hún með svo háa stjórnunaráráttu
að hún ráði ekki við sig eða er hún eitthvað veik?

Mér dettur í hug mynd sem ég sá fyrir margt löngu um Kónguló eina
afar sérstaka og baneitraða, hún kom sér fyrir í útihúsi á bæ einum,
ungaði út tugþúsundum af þjónum sem gerðu allt sem hún skipaði
þeim að gera, og það var aðallega fólgið í því að drepa fólk.

Ég ímynda mér einræðismóðurina sitjandi inni í sínu virki skipandi fyrir
allt eftir sínum hentugleikum, það skipti hana engu máli hversu miklu
hún tortímir bara ef hún fær sínum hvötum fullnægt.
Hennar hvatir eru aðallega hefnd og við hverja hefnd fær hún fullnægingu
sem ekki varir lengi, og eftir stundarkorn er hún farin að huga að næstu hefnd.

Þjónarnir standa inni í sínum básum og bíða eftir skipunum dagsins,
er þær koma eru þeir eldsnöggir að uppfylla skipanir Einræðismóðurinnar,
því annars eru þeir úti í kuldanum.

Það er hægt að drepa fólk á svo margan hátt, nú bara hreinlega að drepa það
og síðan er hægt að gera það atvinnulaust, taka af því æruna, húsið, bílinn og
fyrir rest fjölskylduna og kærleikann, þá er allt farið.

Verst er með Einræðismóðurina að hún breytist aldrei.

Er bara föst í hugleiðingum.

Það gat nú svo sem verið!!! en bót í máli að þetta er náttúrulegt.
Sko ég meina nýja meðalið sem á að fara að þróa við risvandamálum.
Kennið frekar mönnum að hugsa jákvætt og borða hollan mat.
Undantekning þó ef menn eru eitthvað veikir, og það er ekkert grín.
Mér dettur í hug er maður kemur að dyrum á verslun eða hvaða
byggingu sem er, þá stoppar maður og er svo alveg hissa ef þær
opnast ekki sjálfkrafa fyrir manni.
Maður er orðin svo vanur því að vera mataður á því sem manni vantar
að meira að segja kynlífið á að vera háð pillum.
Það þarf að prófa allt annað fyrst og það er ýmislegt hægt

Bíddu aðeins elskan, þarf að taka pillu, verð tilbúin eftir hálftíma

               Gátu ekki lent í Lesbos.

Hafið þið heyrt annað eins það var bara engin starfsmaður í
flugturni er tvær farþegavélar áttu að lenda á eyjunni Lesbos
á Grikklandi. Hvað ef vél hefði þurft að lenda vegna bilunar?
Er þetta nú ekki alveg innan úr kú,  skildi ætla að það alla vega
svona 50 ár aftur í henni.

Sjóðir Glitnis opna aftur í dag og ljóst er að ávöxtun sjóðs 9
hefur lækkað um 7%.
Hvaða plott fáum við upp á borðið næst?

Eigið góðan dag kæru vinir um land allt.
Milla

Fyrir svefninn.

Merkilegt að þrátt fyrir að ég sjái ekki ljós í peningamálum
sé alveg föst, get ekki selt bílinn og ef ég ætla að láta hann
upp í annan þá þarf ég að kaupa dýrari bíl það get ég ekki
því ég vill minka greiðslubyrðina. Ef ég mundi lengja lánið
þá er ég að tapa peningum því það er svo dýrt að skuldbreyta
og ég er bara að minka greiðslubyrðina um 1.500 krónur á
mánuði, glatað, en þrátt fyrir þetta og margt annað þá er ég
svo glöð alla daga,
þó ég hafi uppgötvað að miljón króna lánið
sem ég er með og er að borga 21.000 af núna, en fyrir ári var
ég að borga 10.000 pr. mán og er ég verð búin að borga það
samkvæmt núverandi útreikun þá verð ég búin að borga 2,4
miljónir. hlægilegt er það ekki?
En ég er glöð því að í raun er ég afar rík.
Ég á kærleikann og alla þá gleði sem honum fylgir, börnin mín
og barnabörn sem færa mér allt sem ég þarf og auðvitað á ég
líka Gísla minn. Svo var ég svo lánsöm að fá að leiðbeina fólki í
Setrinu sem færir mér mikla gleði.
Þið ættuð bara að vita hvað það er gaman hjá okkur.


Góðborgarasonur í reykjavík, sem aldrei vann ærlegt handtak
á sumrin ákvað eftir 5. bekk í menntaskóla að drífa sig nú í
sumarvinnu þvert á vilja foreldra sinna.
Fékk hann pláss á togara og fór móðir hans með honum um borð.
Hún var áhyggjufull yfir aðbúnaðinum um borð,
snéri sér að skipstjóranum og spurði:
" Fær hann ekki huggulegt herbergi að búa í?"
" Jú jú, að sjálfsögðu, frú," sagði skipsstjórinn.
" Meira að segja með glugga á móti suðri."

                          Góða nótt.

Hugleyðingar.

Erfiðir gjalddagar framundan hjá Glitni alveg merkileg frétt
með tilliti til þess að allur þorri landsmanna er í erfiðleikum
með sínar afborganir og bara að lifa yfirleitt.

En var þetta nauðsynlegt, var ekki bara hægt fyrir ríkið að
ganga í ábyrgð fyrir þessu láni sem Glitnir fékk ekki frest á.
Og stór spurning hver átti það lán, hver neitaði þeim?

54 vilja stíra Landsvirkjun er nú ekki undrandi á því,
góð eru launin.

Og þar kom að því sem búið er að vera í loftinu mjög lengi
sameining Landsbanka Íslands og Glitnis, verða þeir ekki
sterkari við það? Bara spyr.
En hvað skildu margir missa vinnuna sína við þá sameiningu?
Vitið þið að ég tel að þarna sé um vel ígrundaða aðgerð að
ræða og sé fyrir löngu búið að undirbúa hana.
Eða er ég kannski svolítið græn?

Svo innilega ætla ég að vona að Stoðir haldi velli.
Við megum bara ekki við svona hruni endalaust þó að ég geri
mér alveg grein fyrir því að fækka þarf verslunum þá eigi á
þennan hátt.
Bónus verður að halda velli, hvað eigum við að gera án þeirra sem
hafa haldið í okkur lífinu með lágu vöruverði frá því að þeir byrjuðu.

Fyrirsjáanlega ruglið heldur áfram. Jón Magnússon orðin formaður
þingflokks frjálslynda flokksins og Kristinn H. að sjálfsögðu ekki
glaður með það. En hann Jón hefur verið glaður með þetta ætlunarverk sitt.
Að mínu mati þá áttu þeir báðir að víkja og breytingarnar í flokknum eru bara
rétt að byrja, sjáið bara til.

Já Já fyrsti snjórinn komin niður á tún og glittir á hann í smá sólarglætu
sem reynir að brjóta sér leið út úr muskuðum himni, smá rok er, en
það er ekkert miðað við það rok sem viðhelst í gjörningum hér á landi.

                       Eigið góðan dag góðir landsmenn.

Fyrir svefninn.

Það er búið að vera svo gaman í dag, hitti hóp af fólki
sem var til í umræður af léttara taginu um ástandið í
landinu, auðvitað er ástandið hræðilegt, en samt var
mikið hlegið og gert grín.
Svo ég held að ég haldi mig við grínið.

Fyrir all mörgum árum varð mikill úlfaþytur út af grein sem
birtist í vikunni um greinar bókmenntafræðinga um
atómskáldskap tveggja ungra blaðamanna,
og gerðu þeir lítið úr þeirra skáldskap.
Þá orti einn húmoristinn:

           Dæmi sig hinn dóma strangi
           dárann mesta í glópa flokki.
           Alltaf hefði Mera-Mangi
           munurinn þekkt á skeiði og brokki.

Hallur heitinn hallson tannlæknir, ætlaði eitt sinn að fá bíl
hjá Steindóri, en engan bíl var að hafa. Allir voru þeir uppteknir.
Halli var farin að leiðast biðin og vildi nú fá bíl strax.
Steindór, sem þá var á lífi, sagði þá við Hall:
" Hallur getur þú dregið tönn úr tannlausumkjafti?"

                       Góða nótt.

Lá við að ég ældi morgunmatnum!!!

Ekki gott að æla morgunmatnum, en lá við í morgun,
hvernig er hægt að lýða svona orðaleppa og það á Alþingi?

Las í morgun orð Péturs Blöndal formann efnahags og skattanefndar
í Fréttablaðinu um félagslega aðstoð við skuldara í landinu.

Þar segir hann: ,, Alveg eins og ríkið sker upp krabbameinssjúklinga
sem hafa reykt tóbak alla ævi, mætti athuga hvort félagsleg úrræði
þurfi til að hjálpa þeim sem af eigin vangá farið illa út úr því að taka
áhættu og lent í hruni gengis og hlutabréfa.

Þessi maður er ekki í fyrsta skipti að niðurlægja þá sem eiga í erfiðleikum,
til dæmis eins og hér um árið er hann sagði aðalvanda ellilífeyrisþega
vera þann að annað hvort drykkju þeir of mikið eða að þeir hefðu skrifað
upp á fyrir börnin sín og það fallið á þau. allt þetta er bara ólýðandi
dónaskapur og mannfyrirlitning.

Hann vogar sér að bera saman alvarlegan sjúkdóm og fjárhagserfiðleika
fólks, þó það fari oft sama, en ríkið borgar, en hver borgar þessum mönnum
laun eru það ekki við skattgreiðendur þessa lands.
þarna skaut hann langt undir beltisstað og er það hneysa fyrir hann,

Það er fullt af fólki sem fær krabbamein þó aldrei hafi reykt eða drukkið.
Og allavega fer hinn almenni borgari ekki af eigin vangá illa út úr því
að taka áhættu við nefnilega treystum því að það yrði stöðuleiki, en
það reyndist ekki vera, vextirnir hafa hækkað svo að lifibrauðinu er
kippt undan fólki.

Hann talar einnig um að það mætti jafnvel gefa fólki áfallahjálp sem
lendir í gjaldþroti.( Svo segir hann eins og hann viti eitthvað um það.)
því það geti verið mjög alvarlegt og leitt til sjálfsmorðs.

Er hann fyrst að komast að því núna að það er víða pottur brotinn í
sálarlífi fólks, nei hann er ekki að komast að því því hann hefur engan
áhuga á að vita það, hann talar bara á stundum of mikið um það sem hann
hefur ekki kynnt sér, eða þannig virkar það á mig.

Að auki kom til greina að veita almenna fræðslu í fjármálum.

Um hvernig er samið við kröfuhafa og unnið úr slæmri stöðu eða gjaldþroti.
,, Við borgum auðvitað ekki skuldirnar fyrir fólk, þá værum við að hvetja til
ábyrgðarleysis, en við gætum reynt að milda afleyðingar áhættuhegðunar."
Segir hann.

Hann segir einnig álitamál hvort ekki megi draga til ábyrgðar þá sem
kunna að hafa hvatt fólk til áhættutöku, til dæmis með erlendri lántöku
og við íbúðarkaup.
Nefnir hann sem dæmi fasteignasala og bankastarfsmenn.

Hefur eyra ykkar nokkurn tímann numið aðra eins vitleysu?
Hvernig á að draga þetta fólk til ábyrgðar fyrir það sem yfirmenn
þeirra boða þeim að gera hverju sinni.

Það er að mínu mati gert eins lítið úr fólki sem nokkur maður kann að nefna
í þessari grein, en maður ætti kannski ekki að hlusta, en gerir það samt.

                                 Eigið góðan dag.

Fyrir svefninn.

Jæja dagurinn í dag, sko, vaknað að vanda kl 6 fór og gerði
hina hefðbundnu rútínu, reyndar elska ég þessa morgna,
lesa blöðin og borða morgunmatinn, fengum okkur í hádeginu
hálfa beyglu og heimabakað maltbrauð með þessu nýja
silkiskorna kjúklingaáleggi og allskonar grænmeti rosa gott.
LAGÐI MIG SVO Í KLUKKUTÍMA hafið þið nokkur heyrt það áður?
Nei örugglega ekki. Fengum okkur kaffi aldrei þessu vant og
með því rískökur með bláberjasultu.

Og hvað haldið þið Gísli minn fékk sér síara í kvöldmat, en ég
gljáði mér grænmeti með hreindýrabollum ekki að mér finnist síari
vondur af og frá en ég vill bara hafa mikið smjör með honum
svo ég læt hann vera svona í byrjun lífstílsbreytinga.
Nota Bene ég léttist um 500 gr. í síðustu viku og er ég mjög
ánægð með það.

                 *******************************

Í tilefni af 20 ára afmæli ADHD félagsins var haldin ráðstefna í Reykjavik
25 og 26 þessa mánaðar og þar héldu erindi sérfróðir á þessu sviði.
Ekki komst ég þótt ég gjarnan hefði viljað.
Hér birti ég smá um raddir barna með ADHD.

,,Þú segir fólki frá að þú ert með þetta og ef það veit ekki hvað þetta er
þá getur þú útskýrt það fyrir þeim. Þá sér það svona betur af hverju þú
ert svona. Og þá sér það líka betur persónuleikann þinn.
Það getur hjálpað manni mjög mikið í lífinu."

,, Það er ekki létt að eignast vin sko, ég get alveg sagt þér það.
Maður er búin að reyna það allt sjálfur."

,, Ég á mjög trausta vini sem ég get svona, ef ég er í vandræðum
þá get ég hringt í þá og talað við þá... Ég hringi stundum
bara í vini mína eða vinkonur mínar. bara að tala um bara hvernig
dagurinn var og svona. Mér finnst það mjög gott...líka bara á msn
og svona...Mér finnst bara gott að geta talað við einhvern sem
maður getur treyst á (Þögn):"

Þið vitið þetta tengist einelti.

                                  Góða nótt

Dregur þessi frétt einhvern út úr glerhúsinu?

Einelti tekur á sig ýmsar myndir. Myndin er sviðsett Ásdís Ásgeirsdóttir

Ætlaði að pynta þau og drepa

„Ég ætlaði að ræna helstu höfuðpaurunum í eineltinu og fara með þau í yfirgefinn kofa úti í óbyggðum og beita þau hræðilegum pyntingar aðferðum og halda þeim nær dauða en lífi í marga daga áður en ég loks dræpi þau... og mér fannst þau SAMT vera að sleppa mjög vel miðað við það sem þau gerðu mér. Eftir á ætlaði ég síðan að fremja sjálfsmorð."

Þetta ritar ungur maður, sem varð fyrir einelti í skóla, en fjallað er ýtarlega um einelti í grein sem birt er í sunnudagsblaði Morgunblaðsins.

Ég græt yfir því hvernig vansæl börn geta eyðilagt gjörsamlega
líf annarra barna. Tekur engin eftir þessum óhugnaði eða heldur
fólk að þetta sé bara í lagi?

Fylltist hatri gegn gerendunum

Sjálfsmynd hans var lengi brotin, en eftir að hann leit aði sér hjálpar fór hann að byggja líf sitt upp að nýju. Á tímabili fylltist hann miklu hatri út í gerendurna í eineltinu.

„Eina niðurstaðan sem ég gat fundið þá var að þetta væru gjör samlega siðlausar, illar manneskjur sem væri best að fjarlægja af þessari jörð. Þannig væri ég að hjálpa bæði heiminum í dag, og í framtíðinni með því að koma í veg fyrir að þau gætu alið upp illa innrætt börn sem myndu leggja annað saklaust fólk í einelti. Og fyrir utan að hjálpa heiminum, þá myndi ég ná fram einhverju réttlæti fyrir að líf mitt og möguleikar voru eyðilögð strax í barnæsku. Þegar ég les um skólamorðingja og bakgrunn þeirra og les skilaboðin sem þeir skildu eftir sig til að út skýra það sem þeir gerðu þá sé ég óhugnanlega margt líkt með þeim og mér þegar mér leið hvað verst."

Þó maður hafi hlustað á og lesið um einelt af verstu gerð.
þá verður manni um og ó er maður les þetta og er saga
þessi ekki ein það eru margar eins ef ekki verri.
En athugið að allar eru þær verstar fyrir þolandann í hvert skipti.
Vona til guðs að þessi þolandi sem um ræðir nái sér að fullu,
þó ég viti að erfitt sé.

Eigið góðan dag

Ætlaði að pynta þau og drepa

Fyrir svefninn.

Ég ætlaði að hafa það mjög gott í dag vaknaði kl 6 í morgun
borðaði mína AB léttmjólk með All brand fór síðan aðeins í tölvuna,
fékk smá hjartakast og fór upp í rúm um kl. 8 svaf til 10.
Sjænaði mig þá til, sem betur fer, því upp úr 11 hringdi Dóra mín
og sagði mér að hún ætti að fara inn á Akureyri í myndatöku,
treystir þú þér til að fara með mig? nú auðvitað,
þá átti ég fyrst að fara upp á sjúkrahús að ná i beiðni upp á það
frá lækninum hér.
það voru náttúrlega sláturhúsið hraðar hendur  í gangi
fara í réttu fötin fyrir bæjarferð upp á sjúkrahús
setja bensín á bílinn eða sko Gísli minn gerði það
og svo var brunað af stað fram í Lauga að sækja þær.
Skutluðum henni upp á bráðadeild er til Akureyrar komum
skil ekki að bráðabíll kæmi bara ekki með öllum ljósum að sækja
sjúklingin eða sko villinginn.

Við fórum svo að versla á meðan, fengum okkur svo kaffi og brauð.
Um þrjú leitið vorum við orðin svolítið óróleg yfir hvað þetta tæki
langan tíma svo við fórum uppeftir komumst út þaðan um 5 leitið.
Fórum í hagkaup keyptum okkur samlokur og síðan var lagt í hann.
Á heimleið var ég mamman að stjórnast í að er maður væri með svona
lekkrann slaufu ristil yrði maður að taka eitthvað við því á hverjum degi,
og stelpur þið verðið bara að taka það að ykkur að minna mömmu ykkar
á þetta þá gall í þeim báðum samtímis, hvað ætlast þú sem sagt til þess
að við förum að vinna á elliheimili strax! gleymdu því, stelpur mína það er
bara gott að venja sig við, svo verður hún bráðum eins og langamma ykkar
gefur skýrslu í hvert skipti sem þið talið við hana.
Er búin að kúka í dag.

Lítið sem ekkert breyst.

Það sem hefur breyst er að ekki lengur er hægt að dæma
mann fyrir að sjást eða vera með hvítri konu, en fordómarnir
eru ennþá tilstaðar.
Í Bandaríkjunum eru þeir afar miklir og alveg ótrúlegt að það
skuli vera árið 2008.

Kannski þurfum við svo sem ekkert að vera undrandi fordómar
hafa verið við lýði frá alda öðli og eru en.
Ekki nóg með að Íslendingar séu litnir hornauga ef þeir ná
sér í maka af erlendu bergi heldur er almenningur talinn
annars flokks ef hann er talin öðruvísi, og ekki vert að
koma of nálægt svoleiðis fólki hvað þá að þekkja það.

Hvað eru þetta annað en fordómar.
Legg til að við upprætum fordóma.

                                 Eigið góðan dag.

Jack Johnson verði náðaður

Fyrir svefninn.

Hafið þið leitt hugann að því hvað margir taka sitt eigið líf'
Ekki það nei, þá skuluð þið byrja á því.
Tuga manns féllu fyrir eigin hendi á síðasta ári og aðrir tugir
voru á barminum, en það náðist að hjálpa þeim.

Það er ekki nefnilega nóg að horfa á einhverjar tölur um þá
sem hafa tekið sitt eigið líf og segja já þetta er rosalegt,
og svo hugsar fólk ekki meir um það.
Tölurnar segja nefnilega ekki neitt.

Það verður að fara að ná utan um þessi mál.
Það vantar miklu fleiri úræði fyrir þá sem vilja fá hjálp,
fyrir þá sem labba sér inn á geðdeildir og vilja fá viðtal,
til dæmis ef það er helgi, þá er sagt þú getur komið milli
13 og 17 á mánudaginn, hvað á hinn sjúki að gera þangað til?
Kannski bara fyrirfer hann sér.

Þeir þessir háu herrar eru ekki eða vilja ekki skilja vandan,
hann byrjar nefnilega jafnvel við fæðingu fer eftir ástandi heimilis.
síðan er það leikskólinn og eineltið ef börnin eru lítil í sér þá eru
þau afar mótækileg fyrir einelti bæði frá börnum og starfsfólki.
Skólinn tekur við og hvað þá fyrir þessu litlu skinn sem hafa orðið fyrir
einelti í leikskóla þarf ekki einu sinni að nefna það.
ADHD börn verða oft fyrir einelti, börn verða fyrir ofbeldi af öllum toga
Algengt er að þessi börn enda í fíkniefnum.

Vitið þið að Geðrænar raskanir eru ekki endilega meðfæddar,
Það er nefnilega það að börn geta fengið geðraskanir að illri meðferð,
Ill meðferð er t.d. afskiptaleysi í æsku, misnotkun af öllum toga,
Endalaust einelti þar til allt þrýtur.

Hvernig væri að þjóðfélagið gerði þessa málaflokka að óskabarni sínu
þar til lag er komið á?

                Þörf fyrir jákvæðni, von og trú

Mér finnst mjög skrítið að lifa stundum ... Ég byrjaði á 9 ára aldri að
vilja deyja, og bara komin með leið á lífinu, og bara komin með leið
á lífinu og mig langaði bara að, ekkert að lifa lengur ... Alveg frá
því að ég var 9 ára var ég búin að vera að hugsa svona,
og ég held áfram að hugsa þannig af og til núna."

Raddir barna með ADHA.

                                          Góða nótt

Það sem fangaði augað.

Ekki seinna vænna! Bryndís Schram skrifar bók um árin eftir fimmtugt,
Það eru náttúrlega alveg frábær ár hjá öllum konum, en alltaf gaman að
lesa þau eftir aðra.
En læt ykkur vita sem yngri eruð að þessi ár veita manni leyfi til að gera
ýmislegt sem maður gerði eigi áður, eða þannig.
Sko! ég meina maður gerist djarfari vegna aldurs, daðrar við strákanna
á kassanum í stórmarkaðnum, í bílaumboðinu,í  fatabúðinni þó maður sé
að kaupa með karlinum, og ef þú bara tekur rétt á öllum vandamálum þá
verða þau engin vandamál. Þetta er bara skemmtilegt.
Og það verður bara skemmtilegra eftir því sem þú eldist, úllala.

En endilega gerið þetta innan velsæmismarka stelpur.

Ja hérna bara tvær bækur fyrir jól um Hafskipsmálið, verður nóg að lesa.
Annars þarf ég ekki að lesa neitt um þetta, veit að allt í hjarta mínu.
Í dag yrði þetta kallað einelti á þá Hafskipsmenn.

Kom mér svo sem ekkert á óvart:
,, Þeir hjá Sævari Karli moka út dýrum fatnaði, því ef maður hefur
einu sinni komist í kynni við Armani þá ferðu ekki frá honum aftur
Sama þó ódýrustu fötin kosti 150.000 krónur. Hef skilning á því.
Og fullt er af mönnum sem hafa efni á að kaupa sér svona fínan fatnað.
En megin þorri þurfalingana mega hrósa happi ef þeir fá spariföt á
5000.00 krónur. Misskipt þessum peningum.

Ömurlegt er þetta einelti sem viðhaft er að Jóhanni R. Lögreglustjóra
á Suðurnesjum.
Mega menn ekki segja sína skoðun?
Menn með mikla reynslu eiga þeir ekki að hafa neitt til málana að leggja?
Er nú reyndar löngu hætt að skilja þennan fjandans klíkuskap sem tíðkast
í stjórnun landsins. Skyldu verða svo miklar breytingar?
Og stór spurning hver verður næsti lögreglustjóri eða yfirmaður
Lögreglunnar á Suðurnesjum?

Já og svo kemur Bubbi á , það verður nú vonandi engin dónaþáttur.

                        Eigið góðan dag.

Fyrir Svefninn.

Það er búið að vera afar skemmtilegt í dag, við gamla settið
vorum að laga til í morgun, síðan fór ég um 12 leitið niður í
Setur með sýnishorn af jólaföndri það er ekki seinna vænna
að fara að versla í það. lenti í góðu samræðum við Rósu og
Stellu sem báðar eru í starfsþjálfun á staðnum.

Svo voru Kynlegir kvistir að flytja í annað húsnæði, kynlegir kvistir
er nytjamarkaður sem er rekin af þeim í Setrinu og er allur ágóði
gefin til þeirra sem minna mega sín.
Við fórum að sjálfsögðu þangað, þar var fjör að vanda.

Kom heim um sex, hringdi aðeins í Lady Vallý, borðuðum, og svo
heyrði ég í Gillu Hún er dóttir Gísla og búa þau á Ísafirði.
Hún á 3 yndisleg börn.

Munið þið eftir honum séra Bjarna? þeir sem ekki muna hann,
hafa heyrt um hann. Hér er ein góð um hann.

Séra Bjarni heitinn Dómkirkjuprestur var mikill sjálfstæðismaður.
Eitt sinn fyrir borgarstjórnarkosningar er sagt að sr Bjarni hafi
stigið í stólinn og haldið mikla og góða ræðu og beðið
sóknarbörn sín að vera á verði gagnvart hinu illa í heiminum.
Ræðuna hafði hann endað á þessum orðum:
" Kjósið D,- kjósið D,- kjósið Drottinn.

                          Góða nótt

Hvenær hófst ferlið?

Hef nú ekki heyrt aðra eins vitleysu úttalaða á árinu 2008.
Hún þessi frábæra kona Lindsay hefur auðvitað ekki verið lengi
lesbía, hún hefur alltaf verið lesbía.
Maður fæðist samkynhneigður, hélt að allir vissu það í dag,
en sumir eru náttúrlega ennþá í afneitunar ástandinu
Sérstaklega í henni siðmiklu Ameríku.
Ekki er það nú viðurkennt þar í öllum ríkum að fólk sé samkynhneigt,
Nei þetta á víst að vera ímyndun í fólki.
Það eru í Ameríku meira að segja til meðferðastofnanir
sem eiga víst að taka á þessu með fólki.

Ég tel að nú til dags eigi að vera nóg,
að segja að þessi eða hinn sé með þessum eða hinum.
Það er ef fréttnæmt þykir.

Ég hef aldrei talið þetta neitt öðruvísi, bara eðlilegt.
                 
              Sjáið fegurðina í öllu sem fyriraugum ber.

                     Milla.

Lindsay lengi verið lesbía

Fyrir svefninn.

Merkilegt hvað fólk getur drottnar, já drottnað yfir fólki,
Hafið þið ekki orðið vör við það? JÚ víst bara ef þið hugsið smá.
Drottnar yfir öllum sem eru fyrir þeim á einhvern hátt,
En ég er svo vitlaus að það er engu lagi líkt,
þess vegna hef ég aldrei látið drottna yfir mér.
Jú ég skrökva því, en eftir þau ár tók ég það í mig að engin
skyldi fá að drottna yfir mér oftar, held að ég hafi staðið
mig í því.
Ég tek mig bara til og þurrka þá út sem reyna að drottna yfir mér,
það kallast bara heimska , er það ekki annars?

                        Skapadægur.

            Hann gerði sér hest úr hugarviti,
            svartan hest úr sorg,
            söðul úr skapadægri,
            beisli úr baktali og rógi.
            Stekkur stoltur á bak
            stolta hestinum góða,
            geysist með gusti og gný
            og góða vininum, Téra
            Æðir út með ströndu,
            öslar í votum sandi
            heim til mildrar móður.

                           Góða nótt.

Vitið þið að ég er bara leið.

Sko fór í þjálfun í morgun rosa fjör, síðan heim að fá mér millibita
var sagt í gær að ég mætti ekki sleppa þeim, veit þetta bara svo
vel, en var samt að sleppa þeim nú verð ég að vera góða stelpan.
Átti svo að fara til næringarfræðings kl 11. en hún var veik,
ekkert við því að gera.
Ætlaði á fyrirlestur í hádeginu en treysti mér ekki upp alla þessa
stiga sem þar voru. þetta var fyrirlestur um hvernig maður á að
lesa úr merkingum á vörum sem þú ert að kaupa.

Svo skal ég segja ykkur að ég er bara sorgmædd.
Ég er bara ekki að sætta mig við að missa svona góða penna út
af blogginu eins og hana Hallgerði mína.
Hvað gerðist eiginlega? eru bloggstjórnendur að gera eitthvað,
eða geta þeir ekkert gert?

Bara farin í frí, farin út að hitta góða vinu.
Takk fyrir mig.