Kemur þetta á óvart. NEI!

Það kemur mér ekki á óvart. Börnin horfa upp á,
Klám, blöð, myndir og fréttir af klám óhugnaði allstaðar,
ekki veit ég með þessa tilteknu drengi, en eitthvað stórkostlegt
hlýtur að vera að í uppeldi þeirra og ekkert eftirlit með hvað
þeir taka sér fyrir hendur.

Höfðu nýlega horft á klámmynd með vini sínum og systur hans,
halló!!! það er náttúrlega ekki í lagi heldur með systurina.

Ekki veit ég hvar þetta tekur enda þessi viðbjóður,
en eitt veit ég að aldrei verður hægt að uppræta hann alveg.

Reynum eins og við getum.

Nauðguðu 10 ára stúlku og mynduðu árásina

Skoðun Geirs aftan úr fornöld.

Ég er svo undrandi á formanni sjálfstæðisflokksins,
er það nú ekki í fyrsta skipti, hef nú varla heyrt nokkuð
frá honum sem að notum kemur,
en lokksins er heyrist eitthvað í manninum þá segir hann:
,, Ég vill ekki ganga í  Evrópusambandið".
Ja há! hélt að það væri nú í lagi að skoða það mál.
Þorgerður Katrín kemur þó fram af einlægni og segir:
,, Það er í lagi að skoða málið, það er þá búið að ræða það".
Flott hjá henni, enda að mínu mati á hún að verða næsti
formaður flokksins.
Hún hefur kjarkinn, víðsýnina og þorir að tala.

Geir: Ég vil ekki ganga í ESB

Kraftaverk gerast.

Maður gleðst yfir fréttum sem lúta að björgun fólks
úr rústunum. Maður er orðin úrkulna vonar, og þá
gerist kraftaverk, fólk finnst og börnin elsku börnin
vonandi á þeim eftir að farnast vel í lífinu.

Mikið vildi ég að það væri möguleiki að senda þúsundir
manna til allra svæða sem svona verða úti, en
einhverra hluta vegna þá er allt svo seint í vöfum
eða það er ekki tekið á móti hjálpinni.
Hvernig stendur á því?.
Kínverjar eru reindar búnir að þyggja hjálpina
sem betur fer,
en þarf ekki meira til?.

Börn fundust á lífi í rústunum

Hvað er það sem skiptir máli.

Jú það skiptir miklu máli að vinna vel að björgun, hreinsun
og hjálpar og uppbyggingarstarfi.
Að mínu mati skiptir ekki máli hver bjargast heldur hvað margir.
Tilkynning um að refsa mönnum fyrir hitt og þetta er seinni tíma mál
Auðvitað á að rannsaka uppbyggingu allra húsa í þessu landi,
það hljóta að vera vankantar þar á.
Þessar náttúruhamfarir eru óhugnaður eins og alstaðar þar sem fólk deyr,
og manni verður bara mikið sorgmæddur yfir svona fréttum.
               Guð veri með öllu mannkyni.

Ferðamanni bjargað úr rústum

Fyrir svefninn.

         Hugleiðingar mínar um karma og hvert
         hugsunin leiðir, til einhvers sem gerist

Ég Guðrún Emilía Guðnadóttir  eignaðist bloggvinu um
daginn sem heitir Ásdís Emilía hún er frá Akranesi, en býr
í Vestmannaeyjum.
Ég fór einhverra hluta vegna að segja henni frá heimsóknum
mínum á Skagann er ég var barn, kom ég þá iðulega til vinafólks
foreldra minna, sem hétu Gísli Vill og Karen, sagði Ásdísi Emilíu
jafnframt að hún væri svo ung að hún myndi trúlega ekki eftir þeim,
en þau fluttust til Sauðárkróks, og komum við líka þangað.
Man ég afar vel eftir þeim ferðum því leiðin þangað var svo falleg,
og ekki var nú krókurinn síðri með lækinn liðandi í gegnum bæinn.

Ásdís Emilía kommentaði á mig til baka og hafði þá innt mömmu
sína eftir þessu fólki og kom þá í ljós að þau voru tengt.
og sagði hún mér jafnframt að þau mektarhjón Gísli og Karen,
hefðu flutt aftur til Akranes, og Karen hefði opnaðHannyrðabúð Karenar.
þessu var ég búin að gleyma.

þessar gömlu æsku minningar létu mig ekki í friði,
það er svo gaman að rifja upp æskuna sína og hvað var í raun gaman að lifa.
Hringdi síðan í mömmu til að skerpa þetta betur var hún sem betur fer í
stuði og mundi þetta alveg. kannski hringdi pabbi heim og sagði:
,, Hann Gísli Vill, aldrei var hann kallaður annað, kemur með mér
heim í mat", þá gall í mér, ,,þá fáum við síld"
Því mér fannst víst ný síld með kartöflum herramannsmatur.
og ætíð kom hann með síld, ef síldarveiðitími var.

Fyrir nokkrum dögum kom í fréttum að sjálfstæðisflokkurinn mundi mynda nýjan
meirihluta þar sem Karen og Gísli ekki Gísli Vill.
hefðu gengið til liðs við flokkinn.
Ekki ætla ég að tala um það hér, er búin að segja mitt í því máli.

Ég hugsaði strax, hún Karen er örugglega barnabarn Gísla og Karenar.

Daginn eftir kommentaði Ásdís Emilía og staðfesti það sem ég hafði hugsað.
Er ég fletti fréttablaðinu daginn þar á eftir er sagt frá, og þar er hún nefnd
Karen Emilía.

Hvað kallið þið þetta?.
ÉG kalla þetta hugsun sem sækir á, hugsun sem leiðir til einhvers.

                                      Góða nótt.

Selur þroskahefta konu sína.

Eru engin takmörk fyrir viðbjóðnum í heiminum,
eitt skrímslið í viðbót.
Selur öðrum karlmönnum þroskahefta konu sína, hann er líka
ákærður fyrir misnotkun á börnum kynferðislega,
hótanir og misþyrmingar.
Sem sagt algjört skrímsli. Hvað með alla þá menn sem
keyptu þessa þjónustu sem hann bauð upp á,
þeir eru að sjálfsögðu sömu skrímslin.

Allstaðar er þessi óhugnaður hvað verður næst?.

Svíi hélt konu sinni í kynlífsþrælkun

Kallast svona bitlingar ekki mútur?.

Hugsa sér hættir við að bjóða fjölda manns í veiði,
hverjum er boðið í veiði, eru það þeim sem mesta peningana
eiga inni í bankanum, kannski stórum hluthöfum og öðru
mektarfólki, að þeirra mati.
Í eina tíð og ennþá held ég, eru svona boðsferðir kallaðar mútur.

Þeir sem minna eiga inni fá húfur, handklæði og allskonar dót,
og allt er þetta merkt Glitni:
"Sem sagt gangandi auglýsing fyrir bankann".

Síðan verður örugglega farið í flestar þessar ferðir,
því það var allavega svo, hér á árum áður að maður þurfti að borga
veiðiferðirnar snemma vors, en það hefur kannski breyst.

En ég tel að svona yfirlýsingar séu bara til þess að slá
ryki í augun á fólki,
Og eru þeir ekki einir um það.

Mín skoðun og góðar stundir.

Stórlaxar Glitnis hætta við laxveiðina

Þeir hljóta að sjónvarpa þessum gjörningi.

Annað er nú bara ekki sæmandi, en að bjóða okkur
landsbyggðarpúkunum upp á þennan gjörning í TV.
Því ekki vitum við hvað svona sýning inniber,
svo við þurfum ekki að nota ímyndunaraflið,
að við fáum að sjá, herlegheitin.

Kynlífsgjörningar Dr. Ruth

Fyrir svefninn.

Jórunn heitir fátæk kona í Vestmannaeyjum og er
kölluð Jóka.
Hún kom í búð Gunnars Ólafssonar á tanganum
og bað um einhverja úttekt fyrir jólin.
Jóhann alþingismaður, félagi Gunnars, sem annars
er greiðamaður, neitaði henni um úttekt,
þar sem hún skuldaði allmikið fyrir.
Gunnar ber þar að, og segir Jóka honum þá frá
erindi sínu og málalokum.
,, Já , já", segir Gunnar, ,, Það eru ekki kosningar núna,
Jóka mín",---færir henni síðan 100 krónur og segir:
,, Hérna eru 50 krónur frá hvorum okkar Jóhanni".

Sumt fólk virðist ganga nokkuð langt í því að knýja út
tryggingarbætur fyrir slys.
Kona nokkur hafði orðið fyrir bíl og var lögð í sjúkrahús.
Maður hennar gerði ýtrustu bótakröfur.
meðal annars lagði hann fram reikning fyrir blóm,
er hann hafði fært konu sinni í sjúkrahúsið.

Þegar Sigurður Sigfússon tók sér ættarnafnið Bjarklind,
var þessi vísa kveðin.

                   það er á því varla von,
                   að við það yndi glaður
                   að vera bara Sigfússon
                   svona tigin maður.
                               
                             Halldór Hallgrímsson.

Hugurinn ber mig---

                  Eina ég hitti um aftanskeið
                  austur í svartaveri.
                  Hugurinn bar mig hálfa leið,
                  --- hitt fór ég á meri.
                                                     K. N.
                  Góða nótt.

Er þjóðin að tapa sér í meðvirkni?.

Mætti halda það, ekki er fólk að vakna til lífsins með
að það sé ekki skammarlegt að láta í sér heyra.
það hefur nefnilega lengi loðað við Íslendinga að það sé
niðurlægjandi að mótmæla.
það sé bara verkalýðurinn sem fari í mótmælagöngur.

Einu sinni sagði maður við mig, það var 1 maí, og það var verið
í fréttum að sýna frá 1 maí göngunni í Reykjavík,
hann sagði: ,, þetta er nú meira pakkið". Sýnir bara hugsun manna.

Erum við ekki öll verkalýður ég tel það vera þannig,
þeir sem vinna lægst launuðu störfin hafa yfirmenn
sem telja sig yfir þá hafna, en fyrir hverja þurfa þeir að svara?.

Þeir sem telja sig æðri öðrum, sem margir telja sig vera, eins og læknar,
þingmenn, ráðherrar og lengi mætti telja,
eru bara óvart á launum á launum hjá okkur þegnum þessa lands.


það sannaðist í morgun er bara 100 manns komu á Austurvöll
til að styðja kröfur um betri kjör fyrir alla landsmenn, að menn
eru ennþá í gömlu súpunni að það sé skömm að láta í sér heyra,
bara að taka því þegjandi sem að manni er rétt.

Meðvirknin í fólki er á svo háu stigi að það telur sér trú um
að svona eigi hlutirnir að vera.
                                 Góðar stundir.

 

Hrópað af þingpöllum

Stuðningur við, já við hvað?.

Stjórn Landsambands ungra frjálslyndra lýsir yfir
fullum stuðningi við Magnús Þór Hafsteinsson.
Það vakna nú margar spurningar við svona stuðning.
En svörin við þeim, munu koma fram síðar.

Sagt er að Karen hafi lítilsvirt og svikið sína kjósendur,
HÆGAN! Vilja þeir sem kusu Karen til að vinna fyrir sig að
hún gerði það ekki af heilindum og af sinni hjartans sannfæringu.
Það held ég ekki

Vilja þeir sem kusu þennan lista vera með mönnum í flokki sem hafa
þessa stefnu í innflytjendamálum?, nei ég tel svo ekki vera.

Veit ég vel eins og víða var að menn kusu þennan lista vegna óánæju  
við sinn flokk, þeir sem gerðu það munu kjósa annað næst.

Allavega var ég sem óánægð, búin að ákveða að í næstu kosningum
til þings mundi ég snúa mér að þessum flokki,
en það mun ekki verða.
                            Eigið góðan dag.

Lýsa yfir stuðningi við Magnús Þór Hafsteinsson

Fyrir svefninn.

Frú Sigríður, tengdamóðir Skúla Gíslasonar prófasts
á breiðabólsstað, var hjá honum í elli sinni.
Sr. Skúli jarðaði seinni mann hennar, sr. Sigurð Thorarensen,
en hún gat ekki fylgt honum til grafar vegna ellilasleika.
Þegar prófastur kom frá jarðaförinni, spurði Sigríður hann,
hvað hann hefði sagt yfir moldum manns síns.
Sr. Skúli sem var orðhvatur og kerskinn,
hyggst nú stríða tengdamóður sinni og segir:
,,Ég sagði, að allir hefðu verið honum bölvaðir í lífinu,
bæði skyldir og vandalausir".
,, Ekki tek ég það til mín", svaraði Sigríður,
,, því hann var mér hvorki  skyldur né vandalaus".

Verkamaður hjá ,,Kol og Salt" sagði, þegar gengi Hitlers
var sem mest í stríðinu
og Þjóðverjar hernámu hvert landið á fætur öðru:
,, Ekkert skil ég í, hvað hann Hitler vill með öll þessi lönd,
--- barnlaus maðurinn".

Eftirmæli fyrirfram.

                  þegar Pétur þreytir skeið,
                  þannig hermir saga:
                  Ómennskunnar ösnu reið
                  alla sína daga.
                                 Þormóður Ísfeld Pálsson.

Önnur eftirmæli.

                 Hlaut af flestu lítið lof,
                 lasta þræddi götu,
                 bæði drakk og át um of
                 annarra tíðast mötu
                                     Þormóður Ísfeld Pálsson.

                                                Góða nótt.

Auðvitað er þetta fagnaðarefni.

Ef að það hefði náð fram að ganga að ekki hefði verið tekið á móti
flóttafólkinu, vegna ummæla Magnúsar Þórs hefði það verið hneisa fyrir
Akranesbæ.

En Karen Jónsdóttir fulltrúi F-lista hefur ákveðið að ganga til liðs við
Sjálfstæðisflokkinn,
og er það skiljanlegt í ljósi þeirra skoðana sem sumir flokksmenn F-listans hafa,
en það vissi að sjálfsögðu Karen er hún gekk til liðs við flokkinn.
Óska ég ykkur alls hins besta í nýrri bæjarstjórn.

Á flokkur sem hefur svona hugsandi menn innanborðs nokkra framtíð fyrir sér?,
Ekki að mínu mati.
Það þarf að hreinsa til fyrir næstu kosningar, engin mun gleyma þessu.

Sjálfstæðismenn með hreinan meirihluta á Akranesi

Skildu þeir beita táragasi, eins og 1949?.

Fólki smalað í mótmæli á Austurvelli í fyrramálið,
það verður spennandi að sjá hvað þegnar þessa lands gera,
taka þeir þátt, eða láta þeir vanvirðinguna fótum sér troða
aftur og aftur.
Ég hvet alla að mæta á Austurvöll, það er komin tími á
að menn fari að skilja að við erum ekki greindarskert.

En skildi það fara svo, eins og í mótmælunum 1949, að
þeir finndu sig knúna til að beita táragasinu á fólk,
NEI! kæru landsmenn allir verða að sýna kurteisi.
Er það ekki annars?.

Boða fólk á Austurvöll til að mótmæla

Fundað í Dubai.

Til hamingju strákar þið eruð bara flottastir, komnir
alla leið, eftir að sjálfsögðu áralanga vinnu. streð,
puð, en ætíð bara gaman. Er það ekki?.

Íslendingur kjörinn heimsforseti matreiðslumeistara

Sprengjur, flóttafólk og hraðakstur.

FLÓTTAFÓKL.
Undur og stórmerki gerast enn. hef ekki orðið vör við að undrið,
sem heitir að taka til í sínum ranni, mundi fyrirbyggja að hægt væri
að taka á móti fólksaukningu í bæjum landsins,
en  Magnús Þór Hafsteinsson telur það ekki möguleika vegna bágra
stöðu, (eða hvað sem hann er eiginlega að meina)
á skaganum að auka við íbúafjöldann.
Eða er þetta kannski bara af því að nýu íbúarnir eru flóttamenn,
sem það hugnast honum eigi að taka á móti íbúunum.
" Afar neikvætt".

Hvernig væri að leita til bæjarfélaga sem mundu taka við flóttafólki
alla leið, ekki bara segja við komu fólksins: ,,verið velkomin",
Punktur basta.
"Afar neikvætt".

SPRENGJA Í HELGUVÍK.

Sprengjuvörpusprengja fannst í drasli í Helguvík, en löggustrákarnir
okkar komu og lokuðu staðnum, þar til strákarnir okkar í
landhelgisgæslunni komu og tóku ófögnuðinn,
en sprengjan var ekki virk. "Jákvætt".

HRAÐAKSTUR.

Löngum hefur Grindavíkurvegur freystað þá sem vilja kitla pinnann
og of margir, hafa ekki komið vel út úr því og sumir lennt handan við
glæruna, en samt láta þessir menn sér ekki segast.
En löggustrákarnir okkar liggja í leyni og taka þessa brotagikki.

Jákvætt í fréttum var að tveir voru sektaðir fyrir að vera ekki í beltum.
Þarna má gera betur og taka á símanokun fólks við akstur.

Algengt er að sjá fólk tala í símann, jafnvel reykjandi, ekki í belti 
og með börnin í aftursætinu.
"Afar neikvætt".

Fyrir svefninn.

Á leiðinni út í Vík eru hraunhólar nokkrir,
sem nefndir hafa verið Ömpustekkir, en ekki vita
menn lengur af hverju það nafn er dregið. Sagt er
að Vilborgarstaðabræður hafi haft þar stekki,
meðan fráfærur voru tíðkaðar í Vestmannaeyjum,
en það stóð aðein skamma hríð, eftir að konungur
fyrirskipaði fráfærur um miðja 18. öld.
það er haft fyrir satt, að einhverjar verndarvættir
ættu hæli í hraunhólum þessum, því sú var reyndin,
að öll ásókn hætti, er menn komu að ömpustekkjum
á leið sinni utan úr Klauf eða Vík.
Á þeim slóðum hafði jafnan verið reimt, enda þótt það
ágerðist eftir að útlendingarnir voru dysjaðir í
Erlendarkróm á fyrri hluta 19. aldar.
Einhverju sinni voru menn í þangfjöru úti í Vík.
Reiddu þeir heim þang á mörgum hestum,
að þangskurði loknum. Áleiðinni áttu þeir fullt í fangi
með að halda böggunum á hestunum, jafnvel þó að
þeir legðist á baggana, svo þeir færu ekki um þvert bak.
Áttu þeir í þessu stríði með baggana, þangað til þeir komu
að Ömpustekkjum, þá hætti ásókn þessi með öllu, og þurfti
ekki að lagfæra á hestunum úr því. héldu mennirnir,
að vættirnir í Ömpustekkjum hefðu lagt þeim lið.
Svo var trú manna sterk á þessu, að talið var varhugavert,
að vera á ferli eftir dagsetur fyrir sunnan Ömpustekki.
( Sögn Sigfúsar Jhonsen).
Sögur og sagnir úr Vestmannaeyjum.

                    Góða nótt.

Ýmislegt sem vert er að vita.

Þið getið nú rétt ímyndað ykkur, verðum að vita allt,
eins og þetta sem hér fer á eftir.

Cindy Crawford er komin með gráa fiðringinn, getur það verið,
er hann til hjá konum?, allavega er það einhver vöntun hjá henni
því hún er farin að dansa upp á borðum fyrir manninn sinn og vini
hans, en tekur fram að hún dansi ekki nakin.

Hún er nú bara eins og fyrri kona langalangafa míns, sem skemmti
gestum í vertshúsi sem hann átti á Ísafirði, og sagt er að hún hafi
dillað pilsum ört og haft dóttur sína sér til hjálpar í dansinum,
eins gott að hún var ekki langalangamma mín, þá hefði ég kannski,
NEI nei aldrei. Ekki ég.

Og hvað eru nú foreldrar að hugsa, er þeim alveg sama þó elsku
litlu börnin þeirra séu blindfull  á afskektum stað án eftirlits, en
sem betur fer kom löggan og ók öllum á stöðina, svo komu foreldrarnir
að ná í elskurnar.

Nú vitum við það með vissu, ef við lendum í gini hákarls, þá bara borum
við í augu hans þá sleppir hann takinu, en þá er hann auðvitað búin að
klippa smá í mann

Núna vitum við að það er alveg bannað að stríða rauðhausum, það segir
allavega söngvarinn Mick Huchall, hann telur það vera einelti eða jafnvel
rasisma, ja hérna! en hvað með alla aðra stríðni, einelti eða rasisma?.

Gott er að vera umhverfisvænn, eins og allir vita hefur Paul McCartney
verið að vekja athygli á svokölluðum grænum bílum.
Þeir voru svo stórmannlegir að gefa honum eina Lexus Limósínu með
tvinnvél, enn þeir gerðu þann feil að senda bílinn með flugvél frá
Japan, sem að sjálfsögðu mengaði andrúmsloftið á leiðinni.
Eigi var Aðalsmaðurinn  Paul ánægður með það.
það er nú bara ekki í lagi með svona fólk, er hann kannski hættur
að fljúga á milli landa?.
                                                Góðar stundir.

Ekki allir sneplar lent í sorpu?. Sko úr brúðarbílnum.

Það fór nú svo vel á með þeim í brúðarbílnum á leið
í bæinn, frá Þingvöllum, að skilnaður getur varla verið í
aðsigi, en eins og allir vita stjórnar konan í farsælum
hjónaböndum, þau endast betur þannig.
Geiri sem vill halda friðinn leyfir henni að ráðskast,

Enn mikið er nú gott að breyta á þannig að menn geti
ekki verið bæði á launum og eftirlaunum.

Ekki getum við það hinn almenni borgari

Hver lagði annars fram þetta frumvarp?.

Höfðu ekki heyrt af fyrirhuguðu eftirlaunafrumvarpi

Fyrir svefninn.

Jarðskjálfti í Kína þúsundir manna látnir og slasaðir.
Við tölum um að vonandi kemur þetta ekki fyrir hjá okkur.
En við vitum aldrei hvað gerist.
Og það hefur að sjálfsögðu ýmislegt gerst í gegnum tíðina.

1943.

Um klukkan 1.30 laugardaginn 2. júní kom geysiharður og
snöggur jarðskjálftakippur við Eyjafjörð.
Er þetta mesti jarðskjálfti sem komið hefur í minnum elstu
manna á þessum slóðum.

Um tuttugu hús ónýt eða stórskemmd og 200 manns húsnæðislaus.
Þetta kom eins og reiðaslag, kippurinn fannst víða um land.

Hrikalegar öldur risu og lentu skip í mynni Eyjafjarðar í háska,
en engan sakaði.

1948 þann 19/3.

Snjóflóð fellur á bæinn Goðadal í Bjarnafirði
og verður 6 manns að bana.
Bóndinn einn heldur lífi meiddur og kalinn.

Snjóskriðan var 130 metra breið og hafði klukka sem grafin
var úr rústunum stoppað klukkan 18.15.
fjórir sólahringar liðu áður en fólk vissi af flóðinu en þá kom
pósturinn að rústunum.
Ætla ég ekki að rekja það nánar, en allir geta lesið um
þetta í Öldinni Okkar.

Meðvituð þurfum við að vera um allar þær hörmungar sem dunið hafa
yfir okkur undanfarin 100 ár,
við erum fljót að gleyma og það er það sem má ekki gerast,
því ef við gleymum þá erum við ekki fær um að hjálpa öðrum.
                      
                                         Góða nótt.