Hugleiðing á föstudegi.

Það gerist margt og mikið bæði hérlendis og erlendis.

Hugsið ykkur, gott að vita að það sé bara gott að láta sig hverfa
í Dubai, ekki er staðurinn allavega neitt slor.
Hann Stein Bagger lét sig hverfa með nokkur hundruð miljónir sem
hann var búin að svíkja út úr viðskiptavinum danska upplýsinga-
fyrirtækinu IT-Factory. hann finnst nú örugglega aldrei það er svo
auðvelt að láta sig hverfa ef maður á peninga.

Já loforð eða hótun hvað er eiginlega DO að meina heldur hann
að alþjóð titri eða pirrist eitthvað þótt hann sé með svona
yfirlýsingar? Nei þetta kætir mig bara til hláturs, hann gæti til dæmis
bara verið að undirbúa skrif á grínbók.

Barnapía bjó til klámmyndband með 2ja ára stúlkubarni sem hann
tók að sér að passa, bara til þess eins að gera myndbandið.
Löngum hef ég nú vitað að heimurinn væri sýktur, en ég meina það.

Maður var dæmdur í 4 ára fangelsi fyrir að kynferðisbrot gegn 5 ára
stúlku sem svaf við hliðina á ömmu sinni, þær vöknuðu og ráku
manninn út, áður hafði hann komist inn í hús og borið litla stúlku út
frá heimili sínu um miðjan vetur, einnig fengið dóm fyrir kynferðisbrot
gegn konu, líkamsárás og ítrekuð húsbrot.
Þetta er ljótt að lesa og vitið þið af hverju, jú að því að þjóðfélagið
hefur brugðist þessum manni, hann er búin að taka þunglyndislyf í
9 ár og drukkið ofan í þau.
Maður sem hefur brotið þetta af sér og er í svona vandræðum á hann
ekki heima á viðeigandi stofnun og undir eftirliti bara honum og öðrum
til öryggis. Jú það á hann, en því miður þá er svoleiðis ekki til hér á landi
nema í afar litlu mæli.

Og þeim er bara alveg sama þessum ráðamönnum þessa lands eins
og til að mynda er geðsjúklingar koma á geðdeildina þá er þeim
bara sagt að koma daginn eftir og ætla ég eigi að fara út í þá sálma
því þá verð ég svo reið og sár.

Við sem erum á gólfinu ætlum að njóta aðventunnar með okkar fólki
eins og kærleikurinn býður okkur.
Og ég er alveg viss um að þeir sem eru uppi á lofti muni njóta hennar líka
því þeir kunna bara að njóta hennar á einn hátt, sem uppskafningar.

Kæru vinir eigið góðan dag í dag.
Milla.

Fyrir svefninn.

Fyrir 47 árum eignaðist ég stúlkubarn sem fæddist eftir að
mér fannst mikið strit, en að sjálfsögðu var þetta allt bara
eðlilegt með fyrsta barn.
Hulda Jensdóttir sem þá var yfir fæðingarheimili Reykjavíkur
hjálpaði mér gífurlega, hafði ég verið í meðgönguleikfimi hjá henni
og hún kom inn og hjálpaði mér að ná slökun, hún var og er yndisleg
kona.

Dóttir mín sem fæddist þarna er að sjálfsögðu hún Dóra mín sem er
einnig moggabloggari.
Get nú alveg sagt ykkur að hún hélt fyrir mér vöku fyrstu 5 mánuðina,
var hún með magakrampa eftir það vissi ég nú ekki af henni.
Var hún ætíð hress stelpa elskaði að vera bara úti að leika sér
eins og flestir krakkar á þeim tíma.
Takk fyrir að vera til elsku Dóra mín og hafa gefið mér yndislegu
tvíburana þína.

Þetta er búin að vera svolítið skrítinn dagur fór eldsnemma á fætur
settist við tölvuna já og stóð ekki upp fyrr en um tólf leitið það er nú
svolítið öðruvísi en ég er vön að gera. jæja fór þá í sturtu og sjænaði
mig, við fengum okkur svo Rúgbrauð og síld og drifum okkur svo í tiltektina.
litla ljósið kom klukkan 2 og vorum við bara að dandalast hér saman
dansa syngja horfa á Þumalínu, hún er svo yndisleg.
Svo borðuðu þau hér í kvöld, en það sem ég vildi sagt hafa,
andrúmsloftið í kotinu var svo meyrt og hugljúft í dag.

              Stundum þarf að hreinsa út
              stundum gamalt stundum nýtt
              stundum sallast upp í stút
              stundum svo, maður getur spítt.

Góða nótt.

Valdanauðgun og ofbeldi.

„Ég vona að þér verði aldrei nauðgað."

„Ég vona þér verði aldrei nauðgað. Ef svo illa fer vona ég að þú hafir kjark til að kæra og að ofbeldismaðurinn verði handtekinn. Að málinu verði ekki vísað frá og það rati fyrir dómsstóla." Þannig hefst opið bréf til dómsmálaráðherra og hæstaréttardómara, frá Femínistafélagi
Íslands í tilefni af 16 daga átaki gegn kynbundnu ofbeldi.

Bréfið er sent til Björns Bjarnasonar, dómsmálaráðherra og hæstaréttardómaranna Árna Kolbeinssonar, Garðars Gíslasonar, Gunnlaugs Claessen, Hjördísar Hákonardóttur, Ingibjargar Benediktsdóttur, Jóns Steinars Gunnlaugssonar, Markúsar Sigurbjörnssonar, Ólafs Barkar Þorvaldssonar og Páls Hreinssonar.

Bréf Femínistafélags Íslands 

Ég vona þér verði aldrei nauðgað. Ef svo illa fer vona ég að þú hafir kjark til að kæra og að ofbeldismaðurinn verði handtekinn. Að málinu verði ekki vísað frá og það rati fyrir dómsstóla. Ég vona að þú fáir réttláta dómsmeðferð og að lögunum í landinu okkar verði beitt af réttsýni og með hag þinn að leiðarljósi.

Ég vona að ofbeldismaðurinn verði dæmdur sekur og að dómurinn endurspegli alvarleika glæpsins.

Ég vona að eftir þessa skelfilegu reynslu náir þú að sofa á næturnar. Ég vona að þú vaknir ekki upp um miðja nótt við eigin öskur. Ég vona að fjölskylda þín og vinir trúi þér og snúi ekki við þér baki.

Ég vona að þú hættir þér út úr húsi. Ég vona að þú sjáir ekki nauðgarann í hverjum manni sem þú mætir. Ég vona að þú getir haldið áfram að stunda vinnu og  umgangast fólk á sama hátt og áður. Ég vona að sársauki þinn verði ekki svo mikill að þú deyfir hann með efnum.

Ég vona að enginn segi þér að þú verðir að „taka þig saman í andlitinu og jafna þig á þessu".

Ég vona að þér finnist ekki að líf þitt sé endanlega í rúst. Ég vona að einn daginn takir þú sjálfan þig í sátt og setjir sökina, skömmina og smánina þar sem hún á heima.

Ég óska þér alls hins besta og vona að þér verði aldrei nauðgað. 
Kveðja Femínistafélag Íslands.

               *******************************

Þetta átak snertir mann djúpt ekki það að mér hafi verið nauðgað
í þeim skilningi sem um ræðir hér að ofan, en eru ekki allar
nauðganir eins gagnvart sálartetri konunnar, til dæmis.
Maður konu lemur hana og lemur er honum hentar sér svo eftir
öllu saman og leitar eftir samförum við konuna hún er ekki viljug
til þess, en þorir eigi annað en að láta undan svo hún fái ekki
fleiri högg og er hann hefur lokið sér af, þá segir hann kannski.
gott að við sættumst því annars???

Ekki er það algengt að kona kæri eiginmann sinn, hún þorir því
ekkert frekar en að fara frá honum.

Konan vaknar kannski upp við martröð er hún leggur sig á daginn
því eigi sefur hún mikið á næturnar, gæti vaknað úti á gólfi.

Stundum hætti konan sér eigi út úr húsi, var bara í rúminu er
bankað var, treysti sér ekki til að hitta fólk.
Stundum sást stórum á konunni, en þá hafði hún bara dottið,
rekið sig á skáphurð eða eitthvað annað álíka vitlaust.

Konan sá ekki nauðgarann í hverjum manni því hennar ofbeldismaður
var bara bundin við einn mann sem hún vissi hver var.
Í vinnunni var hún hult, enda undir vernd þar.

Engin sagði konunni neitt því engin átti að vita neitt.

Engin sagði konunni að taka sig saman í andlitinu, því hún gerði
það sjálf er hún loksins sleit þessu sambandi.

Hún öðlaðist nýtt líf, en margra ára vinnu í að koma til baka
sem venjuleg kona. Í marga mánuði þurfti konan að líta út ef
hún var að fara út úr húsi, hrædd um að hann væri þarna,
þorði ekki að hafa opna glugga nema er einhver var heima,
og lengi gæti ég talið upp.
Vonandi tekst konunni að vinna sig alfarið út úr þessari
sálarkreppu sem hún er í og poppar ætíð upp sterkt annað slagið.

Konan er í dag afar hamingjusöm og á hún það að þakka fyrst
og fremst fjölskyldu og góðum vinum sem hafa hjálpað henni til að
hjálpa sjálfum sé.

Þessi viðbót konunnar er vegna þess að þetta er svo líkt.
Allar nauðganir og ofbeldi hafa sömu áhrif á konur og menn reyndar.
Aldrei skal gera lítið úr frásögnum kvenna og karla um nauðganir
og ofbeldi.
Þetta er þeirra reynsla og þeirra sorg.

Eigið góðan dag í dag og lítið á þessa daga sem tækifæri breytinga.
Milla

„Ég vona að þér verði aldrei nauðgað“

Fyrir svefninn.

Dagurinn í dag var bara góður fór í þjálfun í morgun,
fer ekkert í næstu viku þjálfarinn minn er að fara í smá aðgerð.

Fengum okkur kaffi og brauð er heim kom áður en við fórum út
aftur, til að panta jólakjötið sem upp á vantaði, fór í apótekið
Að sjálfsögðu til að byrgja mig upp á hinum ýmsu lyfjum fyrir jól.

Versluðum smá í kaskó, það er alltaf eitthvað sem vantar.
Var svo bara heima að dandalast þangað til ég fór á afar
skemmtilegan fyrirlestur hjá henni Láru Ómars hann var haldin
í þekkingarsetrinu, afar skemmtilegt, fróðlegt og snjallar ráðleggingar
sem hún kom með.

Litla ljósið mun svo koma á morgun til okkar á meðan mamma hennar
fer í klippingu fyrir jólin. þau munu svo verða í mat því það tekur nú
tíma sinn að verða flottur um hárið.

Svo á hún Dóra mín afmæli á morgun en þær systur Milla og hún
munu bjóða til veislu þegar englarnir mínir koma í jólafrí.

Góða nótt kæru vinir
Milla

Mikil vonbrigði.

Héraðsdómur Suðurlands hefur sýknað séra Gunnar Björnsson,
sóknarprest á Selfossi, af ákæru um kynferðisbrot og brot gegn
barnaverndarlögum gagnvart tveimur unglingsstúlkum í október
í fyrra og mars sl.

 Það er alveg greinilegt að það er ekki sama Jón og séra Jón.

Ekki get ég dæmt um þessa atburði þar sem ég var eigi með nefið
á milli þar á bæ, en eru sögur sem maður hefur heyrt í gegnum tíðina
frá konum á öllum aldri á þeim stöðum sem þessi maður hefur þjónað
á allar bara hugarburður þeirra og tær lýi?
nei og aftur nei þær eru það ekki.

Er aldrei hugsað hvað konur upplifa mikla höfnun og lítilsvirðingu við
svona dóm, þær vita alveg hvað hefur gerst, en nei það passar eigi
alveg við og er eigi nógu alvarlegt brot til þess að refsing sé talin
réttmæt, manni verður nú bara illt.
Svei þessu dómskerfi Íslands.

Sendi öllum konum sem lent hafa í svona málum baráttukveðjur.
Látið ekki buga ykkur.

Sýknaður af ákæru fyrir kynferðisbrot

Fyrir svefninn.

Í morgunn er ég vaknaði sko klukkan 5.30 fór ég að hugsa um
þakklætið, við eigum svo mikið að þakka fyrir þrátt fyrir allt.
Flest okkar eiga góða fjölskyldu og ef við eigum það ekki getum
við þá ekki lagað það, oft þarf ekki mikið til,
flest okkar eiga góða heilsu, og þess vegna getum við beðið fyrir
þeim sem ekki eiga hana.
það er sama hvar við berum niður við getum alltaf hjálpað á einhvern
hátt. Látum engan vera afskiptan sem þarf á okkur að halda.

Merkilegt gerðist í morgun er ég var að flýta mér að blogga
eitt blogg áður en ég færi á Eyrina, þá fór það bloggið tvisvar
inn ég opnaði færslulistann og eyddi auðvitað kolrangri færslu,
eyddi færslunni fyrir svefninn í gærkveldi, gerist á bestu bæjum.

Já við fórum á eyrina í morgun, beint finnst við höfðum tíma, að fá
okkur kaffi og smá með því á bakaríinu við brúnna, síðan upp á
sjúkrahús þar sem ég átti að fara í sneiðmynd 11.20, en það dróst
nú til 12 vegna þess að þeir voru að ákveða hvernig þeir ættu að
hafa þetta með gallagripin mig.
Er með gangráð, má eigi fara í segulómun, var sett í alveg splunkunýtt
sneiðmyndatæki, talið og vonað að það mundi duga, mátti fara það yrði
hringt innan 3 tíma ef ég þyrfti að koma aftur, var orðin vongóð er
liðnir voru 3 tímar, en nei, var þá ekki akkúrat hringt og ég þarf að koma
í nánari myndatöku þar sem sprautað verður skyggniefni inn að mænu
þeir eru að kanna hvað /ef eitthvað er að gera það að verkum að ég
lamast svona niður í fótinn, eftir þessa myndatöku þarf ég að leggjast
inn á deild og hvíla mig í nokkra klukkutíma á eftir
Ætla að reyna að fara í þetta bara eftir jól.
Við notuðum náttúrlega tímann til innkaupa bæði í mat og gjöfum
fórum bara á Glerártorg því ég var svolítið þreytt.

Fengum okkur heita eitthvað á olis hrikalega góð og svo að Laugum
til að hitta þær aðeins.
Hittum Valgerði skólastýru og fengum kaffi í eldhúsinu hjá því
frábæra fólki sem þar vinnur.

Er til Húsavíkur var komið fórum við að hitta ljósin okkar á Baughólnum
það er alltaf tekið jafn vel á móti okkur þar.

Fengum okkur síld og rúgbrauð í kvöldmat.

Góða nótt kæru bloggvinir og fyrirgefið hvað ég hef
haft lítinn tíma í komment undanfarið.
Milla.

 

Hvað segir maðurinn?

Eru litlu, sætu, stóru, dúllujólasveinarnir okkar
handbendi djöfulsins?
Hef ekki á ævinni heyrt aðra eins hugaróra.

 

// Danski presturinn Jon Knudsen staðhæfir að litlir jólasveinar eða jólaálfar sem víða eru notaðir til skreytinga fyrir jól séu í raun verkfæri djöfulsins. Vill hann vekja fólk til vitundar um heiðna merkingu þeirra. Þetta kemur fram á fréttavef Jyllands-Posten.

Knudsen, sem tilheyrir Løkken frikirke sem leggur mikla áherslu á trúboð, segir jólasveinana bera vott um djöfladýrkun og því séu þeir í raun tákn um það stríð sem djöfullinn herji gegn jólahátíðinni. „Við eigum ekki að skreyta hýbýli okkar sem slíkum verum," segir hann.

„Þetta er bara regla sem við verðum að fara verður eftir alveg eins og múslímar mega ekki borða svínakjöt."

Þá segir hann jólahátíð nútímans vera hættulega blöndu af kristnum og heiðnum jólum. „Mér finnst kirkjan ekki hafa haldið nógu vel utan um það hvað tilheyrir hinum kristnu gildum jólanna," segir hann.

 Þessi maður hlýtur að vera handbendi einhvers, eða er hann
bara lokaður inni í sínum hugarheimi. Var nú svo græn að
halda að svona tal og hugsanir væru bara til í Ameríkunni
sko ég meina um jólin.

Hvað langt aftur þurfum við að fara til að finna ekki
einhverskonar jólasveina, mjög langt.

Það kemur nú ekki til greina að hætta að gleðja sig og
börnin með jólasveinum og öðru dúlleríi jólin eru bara
besti tími sem börnin upplifa.

Svo eru náttúrlega þeir sem eru jólasveinar af guðs náð,
sumir eru saklausir og gera ekki flugu mein aðrir eru frekar
ráðríkir, þykkjast vita allt betur en aðrir, og vera ofurvitrir
og að þeir eigi þar af leiðandi sess á toppnum, þá má reka heim
því þetta er ranghugmynd hjá þeim blessuðum.

Eigið góðan dag.
Milla

Það góða við þetta, jú gisting innanhúss.

Lögreglunni á höfuðborgarsvæðinu var tilkynnt um sofandi mann á Austurvelli um kl. 10 í morgun. Þegar lögreglumenn bar að garði fór maðurinn inn í runna og gekk örna sinna. Að sögn lögreglu var maðurinn drukkinn.

Maðurinn, sem telst til góðkunningja lögreglunnar, var handtekinn og látinn sofa úr sér á lögreglustöðinni við Hverfisgötu í dag, en honum var sleppt nú síðdegis.

Manninum var hins vegar gert að þrífa upp eftir sig, sem hann gerði.

Þetta er dapurleg frétt, veit ég að svona er algeng þó
við heyrum eigi um þetta blessaða fólk nema ef það gengur
örna sinna utanhúss í vitna viður vist og það lögreglunnar,
ekki er ég að setja út á löggufólk þau gera bara það sem þeim
er uppálagt og ávallt það besta sem hægt er,
En hvar haldið þið að þetta fólk sem býr á götunni geri þarfir sínar,
Jú í runnum út um allt.
Tel einnig að alþjóð viti hvernig lífið er hjá þessu afvegaleidda fólki
og ætla ég ekki að fara að tala um það hér því eigi bæti ég neitt
úr því þótt ég gæti.
Gott samt að vera myntur á þetta svona annað slagið, skildi þetta
ná inn á rétta staði?????????????????????

Eigið góðan dag í dag.
Milla

Gekk örna sinna í runna á Austurvelli

Fyrir svefninn.

Fyrir nokkrum árum gerðu tveir menn það sér til gamans
að spyrja nokkra drykkjumenn, hvað þeir mundu gera ef
sjórinn breyttist í vín. Menn reyndu auðvitað að svar sem
frumlegast.
Ótvíræður sigurvegari var þó Gvendur stofnauki fyrir svar
sitt; " Ég mundi reyna að slá fyrir blandi."

Áveitingahúsi í Reykjavík var boðið upp á nýjan rétt sem
bar nafnið Poulet a la Ferrari.
þegar gestur nokkur spurði þjóninn hvers konar réttur
þetta væri, svaraði hann:
" þetta er kjúklingur sem varð undir sportbíl."

Kolbeinn Högnason, skáld, fór út í skógrækt á nýræðisaldri.
Einhver hóf máls á því að þetta færi nú seint að skila arði.
" Já blessaður vertu," svaraði Kolbeinn. " Það er vonlaust
að við getum farið að græða á þessu fyrr en eftir 20 - 30 ár."

Góða nótt

Heimilisofbeldi.

Las afar þarfa og góða grein í blaði í morgun, um að mjög
algengt sé að kalla þolendur heimilisofbeldis geðveika.
Í flestum tilfellum ef eigi öllum eru það fyrrverandi eiginmenn
og eða sambýlismenn sem gera það.

Ég hef nú oft áður bloggað um þessi mál sem ætíð hefur verið
þörf á, en nú er nauðsyn. Þetta er grafalvarlegt og ætti aldrei
að gantast, mistúlka, efast um eða gera lítið úr er konur koma
og leita eftir hjálp.

Ein kona sagði er hún gat slitið sig frá og skilið við manninn sem
hún átti með eitt barn að hann hefði strax byrjað að segja að hún
væri geðveik. Margir af ættingjum og vinum snéri við henni baki,
trúðu honum,
Konan gekk til sálfræðings vegna sinna vandamála eftir tíu ára
ofbeldi og varð sterkari með hverju deginum sem leið svo afneitun
ættingja mannsins skiptu eigi svo miklu.

Það sem mér finnst ógnvægilegt er að þessum mönnum sem fremja
þennan glæp að beita ofbeldi ná á svo ótrúlega stuttum tíma að
brjóta niður allt sjálfsmat kvennanna, hvað er þessum mönnum gefið
til að þeir nái þessum völdum?

ERT ÞÚ BEITT OFBELDI?

Á eitthvað af neðantöldu við þig?

1 Óttastu hann undir einhverjum kringumstæðum ?
2 Er hann uppstökkur skapbráður og/eða fær bræðiköst?
3 verður hann auðveldlega reiður undir áhrifum áfengis?
4 Reynir hann að koma í veg fyrir að þú farir þangað sem þú vilt fara
   eða að þú stundir vinnu, skóla eða áhugamál?
5 Fylgist hann með þér hvar og hvenær sem er?
6 Ásakar hann þig sífellt um að vera honum ótrú?
7 Gagnrýnir hann þig, vini þína og /eða fjölskyldu?
8 Ásakar hann þig stöðugt -- ekkert sem þú gerir rétt eða nógu vel gert?
9 Segir hann að ,,eitthvað sé að þér ", þú sért jafnvel geðveik?
10 Gerir hann lítið úr þér fyrir framan aðra?
11 hefur hann yfirráð yfir fjármálum ykkar og krefst skýringa á hverri krónu?
12 Eyðileggur hann persónulegar eigur þína af ásettu ráði?
13 hrópar hann / öskrar á börnin eða þig
14 Ógnar hann þér með svipbrigðum, hreyfingum eða bendingum?
15 Hótar hann að skaða þig börnin eða aðra nákomna ættingja?
16 þingar hann þig til kynlífs?
17 Hefur hann ýtt við þér, hrint þér, slegið til þín eða slegið/barið þig
     eða börnin.

Flest af þessu átti við mig og miklu verra en þetta og er ég bara
að koma inn á þetta núna vegna þess að nauðsynlegt er fyrir
alla að vera meðvitaðir um hvað gæti verið að gerast í umhverfi
okkar, ekki síður er það nauðsynlegt fyrir þá sem verða fyrir
heimilisofbeldi að vita og trúa, ,,Sá sem lemur einu sinni lemur aftur".

Mig langar líka til að allir lesi þetta bæði konur og karlar og hugleiði
hvort jafnvel það sé svona hegðun í þeirra fari og hvort sú hegðun
sé réttlætanleg, Nei hún er það aldrei ofbeldi er aldrei réttlætanlegt.
Þið sem verðið fyrir þessu vitið að þið eruð ekki ein.
Ekki bíða eins og ég gerði að því að það voru að koma jól. ferming,
afmæli eða bara eitthvað komið ykkur strax út úr þessu ástandi
og þið munuð komast að því að þið fáið nýtt líf.

Eigið góðan dag og gæfuríka framtíð.
Milla.

Fyrir svefninn.

Við gamla settið erum búin að dandalast hér í dag, reyndar
tók Gísli minn nokkur ljós og þreif, ég skreytti svolítið meira,
ætíð hægt að bæta á sig fjöðrum, ákvað nefnilega að hafa svona
gamaldags yndisleg jól með öllu skrautinu sem ég á, og það er nú
ekkert smá sem til er eftir 47 ára búskap. Þetta er svo gaman.

Nú við vorum búin að bjóða Millu minni með sína yndislegu fjölskyldu
í kvöldmat og var ég með Indverskan karrý rétt með grjónum og
dill steiktum kartöflum. Æði. Kókóskaffi og doblerone með
hnetum og rúsínum á eftir, þær fengu ísblóm.
Ingimar hengdi upp myndir sem Milla mín málaði og gaf mér í fyrra
um jólin, var aldrei búin að finna stað fyrir þær, en nú eru þær komnar
heim til sín yfir buffettinu mínu, þetta eru yndislegar landslagsmyndir.

Heyrði í englunum mínum á Laugum það var æði hjá þeim í gærkveldi,
mamma þeirra, hún Dóra mín var kosin starfsmaður skólans og er hún
vel að þeim titli komin hún er ætíð til taks fyrir þau og kemur fram við
þau bara eins og þau eru.

                       Ljóð

             Ég kveð þér ekki kvæði
             en kem sem barn til þín
             -- elsku mamma mín.
             Góðu börnin gefa
             gullin sín.

            Ég gaf þér ekki gimstein
            sem glitrar eða skín
            -- elsku mamma mín.
            Líf mitt verði ljóða-
            ljóð til þín.

                           Kristinn Reyr.

Góða nótt.

Það er til fólk sem kann að meta.

Ríflegir bónusar.

// Tár runnu niður kinnar nokkurra starfsmanna fyrirtækisins Peer Bearing Co þegar þeir opnuðu launaumslögin um mánaðamótin. Ólíkt svo mörgum sem eiga um sárt að binda þessa dagana hafði fólkið ríka ástæðu til að gleðjast.

Meðal þeirra var Dave Tiderman sem velti því fyrir sér hvort um prentvillu væri að ræða þegar hann horfði á 35.000 dala aukagreiðslu með mánaðarlaununum. 

Kollegi hans, Jose Rojas, trúði ekki eigin augum þegar hann sá 10.000 dala aukagreiðslu sér til handa.

„Þetta getur ekki verið rétt," sagði hann þá furðu lostinn. 

Aukagreiðslurnar má rekja til þess að Spungen-fjölskyldan, sem svo er kölluð, vildi þakka starfsmönnum fyrirtækisins, sem staðsett er í Waukegan, um 65 kílómetra, norður af Chicago, fyrir framlag þeirra við þau tímamót þegar fyrirtækið var selt nýjum aðilum. 

Þessar þakkargreiðslur þykja afar rausnarlegar á bandarískan mælikvarða, en alls var 6,6 milljónum dala úthlutað til um 230 starfsmanna fyrirtækisins og var farið eftir starfsaldri við úthlutunina.

„Þau komu fram við okkur eins og fjarskylda ættingja," sagði Maria Dima, sem starfar hjá Peer Bearing ásamt eiginmanni sínum.

„Við unnum í happdrættinu."

Sænskt fyrirtæki tók nýlega yfir Peer Bearing, sem veltir um 100 milljónum dala á ári, og að sögn Danny Spungen, barnabarn stofnanda fyrirtækisins, sem stofnað var 1941, var það samdóma álit fjölskyldunnar að launa skyldi starfsfólkinu fyrir vel unnin störf

Já það er til fólk sem kann að meta starfsmenn sína,
veit ég vel að það eru fleiri, en allt of fáir.
Að sjálfsögðu hefur þetta fólk unnið að sínum störfum
eins og þau væru að vinna að sínu eigin vegna þess að
það var komið fram við það af virðingu.

               *****************

Starfsfólkið í Straumsvík fékk svona bónus um daginn
skyldu fleiri fylgja í kjölfarið?

Eigið góðan dag í dag.

Ríflegir bónusar

Fyrir svefninn.

Ætlaði að vera svo dugleg í dag, byrjaði daginn að vanda með
öllu því sem vön ég er að gera.
Fórum síðan í búð gamla settið, verslaði smá í bakstur og sitt
hvað sem vantaði. Gengið var frá vörunum þegar við komum heim.
Ekki varð úr neinum bakstri eða neinu því frúin sko ég datt á gólfinu
rennisléttu og það afar illa fyrir mig með svona gikt og allt, veika hnéð
mitt er allt blátt og bágt meira að segja sprakk fyrir svo það blæddi
vinstri olnboginn er smá laskaður svo ég tali nú ekki um alla tognunar-
verkina í öllum skrokknum.
Milla mín og Ingimar komu með litla ljósið og hún kyssti á báttið, þá var
auðvitað allt búið.
Við sátum svo inni í stofu með kaffi, gos, osta, Þýskar pulsur og heimabakað
brauð, yndislegt að setjast svona niður og bara spjalla.

Englarnir mínir á Laugum eru á 1 desember hátíð í skólanum sem haldin er
að Breiðumýri í Reykjadag rétt hjá skólanum.
Allir eru þar í sínu fínasta pússi, vonandi fáum við myndir strax eftir helgi.
Í matinn er  jólahlaðborð sem snillingarnir í eldhúsinu eru búnir að vera að
vinna að undanfarið.

             Einn fjölómenntaður maður

      Einn fjölómenntaður maður
      margt vissi um lítið
      og undi sér aðallega
      við allt sem var skrýtið.

      Einn fjölómenntaður maður
      mæddist í litlu-- en víða.
      Fagnaði í fræðunum öllu
      sem fátt virtist þýða.

      Einn fjölómenntaður maður
      varð margfáfróður
      vissi ekkert um æðri plöntur
      en allt um lággróður.

      Einn fjölómenntaður maður
      margs gekk því dulinn
      voru sei sei já, svokölluð æðri
      sannindi hulin.

      Einn fjölómenntaður maður
      mjúklega kyngdi þeim bita.
      Hann sagði gjarnan sisvona:
      Sælla er að gruna en vita.

                         Þórarinn Eldjárn.

Góða nótt

Desemberuppbót.

Það er svolítið gaman að hugsa um þetta, Desemberuppbót,
hvað er það og hvernig kom hún til í upphafi?
Er náttúrlega uppbót, en er eiginlega búin að gleyma
því hvort hún er tekin af laununum okkar og vinnuveitandi
borgi á móti, eins og með orlofið eða hvað.
Kannski bara uppbót á launin yfir árið?

Fór bara allt í einu að hugsa þetta er ég borðaði morgunmat
í morgun og þá hversu mikill munur er á desemberuppbót fólks
hér á landi, þetta er náttúrlega viss prósenta af launum, en er
þetta nokkurn tíman minna en 50.000, nema hjá okkur þurfalingum
þessa lands eins og þeir sumir kalla okkur.
Getur einhver svarað því?
Ég fékk nefnilega svona tekjuáætlun frá TR í henni stendur hvað
ég fæ í  uppbót ca 22.000 og þar af borga ég fullan skatt,
flott uppbót eða finnst ykkur ekki?
Ætíð verið hálf undrandi yfir gjafmildi TR, en samt spurt mig að því
hvað þeir hjá því batteríi hefðu í uppbót.

Jæja ekki þíðir að fást um það, maður heldur bara gleðileg jól og
nóg er til af kærleikanum í minni fjölskyldu til að gera það.

Hér er enn þá leiðindaveður og ég held að ég fari bara ekkert út í dag
kannski við bökum smákökur það er svo gaman.

Eigið góðan dag í dag.
Milla

Fyrir svefninn.

 Vitið þið að ég er búin að vera ofurdugleg í dag, sko miðað
við mitt úthald svona yfirleitt, sem er eigi neitt til að hrópa
húrra fyrir öllu jafna.

Fór í þjálfun í morgun Auðvitað ók Gísli mér alveg inn í anddyrið
í þjálfunin, sótti mig sömu leið.

Er heim var komið fengum við okkur te og brauð, setti síðan í
heilsubrauð og meðan það bakaðist þá tók Gísli niður allt
jólaskrautið og ég skreytti aðventubakkann, gluggann í
eldhúsinu  og stofunni var aldrei búin að klára þá að fullu.
Setti svo bara upp skraut hist og her er eigi búin
geri þetta smá saman svona fram í desember.

Hér er búið að vera brjálað veður í dag svo gott var að dunda
sér inni við.
Borðuðum gufusoðin þorsk með kartöflum, grjónum, lauk og papriku.

Það var hringt í mig í morgun og seinkaður tíminn minn í sneiðmyndina
sem ég átti í fyrramálið, það var bara fínt því veðrið verður svona áfram.

Hér kemur kvæði eftir Ásdísi Jennu Ástráðsdóttur
samið 1989.

                Að sigra

        Stundum kemur örvæntingin
        til mín eins og refsinorn
        og öskrar í eyru mín:
        Þú getur ekki gengið,
        þú getur ekki notað
        hendur þínar.

        Þegar sorgin sker í hjarta mitt
        heyri ég hlýja rödd hvísla:
        Hugur þinn skynjar heiminn
        í sárustu sorg og dýpstu gleði.

       Og ég finn kærleika umvefja mig
       í nálægð vina minna
       eins og stjörnur jóla
       sem lýsa sáttfúsum augum okkar.
       Og lífsgleði mín kemur á ný
       og sigrar.

Góða nótt.

Afsökunnarbeiðni! Eigið þið annan?

Ung vinstri græn gagnrýna  framgöngu Páls Magnússonar, útvarpsstjóra, gagnvart G. Pétri Matthíassyni, fyrrum fréttamanni Ríkisútvarpsins, og krefjast þess að Ríkisútvarpið fari að fordæmi G. Péturs og biðji þjóðina afsökunar á að halda að sér upplýsingum um ráðamenn.

„Viðbrögð útvarpsstjóra í þessu máli bera merki ritskoðunar á fréttaefni sem kemur almenningi mjög við, og er grafalvarleg árás á málfrelsi fréttamanna. Ung vinstri græn skora á Pál Magnússon að biðjast afsökunar á að hafa hótað G. Pétri með lögfræðingum fyrir að hafa sýnt þjóðinni það sem RÚV hefur leynt hana, algerlega óviðeigandi framkomu forsætisráðherra gagnvart fjölmiðlamanni sem hafði í sér dug til að spyrja stjórnvöld erfiðra spurninga," segir m.a. í ályktun samtakanna.

Hvað er eiginlega að? eins og segir í góðu myndbandi.

Hvað er RÚV gamalt? nei bara spyr til að minna fólk á að allar götur
hefur það verið ritskoðað  af þeim flokkum sem setið hafa í stjórn
hverju sinni.

Það er með ólíkindum hvað blessaðir Útvarpsstjórarnir hafa þurft að
taka á sig í gegnum árin, fela gögn, reka menn, ritskoða og hvað veit
ég svo sem hvað meira af skítverkum þeir þurfa að inna af hendi fyrir
yfirvaldið.
Verð nú bara að segja fyrir mína parta að veldi ég nú frekar að hætta
heldur en að vinna svona gjörninga.

Og ef fólk er svo bjartsýnt að halda að RÚV stjórinn biðji afsökunar
þá er það hinn mesti misskilningur, því finnst hann velur eigi að hætta
yrði hann rekinn ef hann bæðist afsökunar á þessum sem öðrum málum,
hann er undir handajaðrinum á veldinu.

Eigið góðan dag í dag.
Milla.

Vilja að RÚV biðji þjóðina afsökunar

Fyrir svefninn.

Góður dagur á enda runninn, kláraði maltbrauðið í dag
eins og allir vita þá byrjar maður á maltbrauði kvöldinu áður,
síðan gerir maður smá og lætur hefast og bakar svo, þetta
tókst með ágætum, gerði einnig Chilly sultu
gott að eiga með ostum, steik og bara hverju sem er.

Litla ljósið kom og kúrði hjá ömmu og við horfðum á eina mynd
saman, ég var nú annað slagið að fara fram til að athuga með
pottréttinn sem mallaði á eldavélinni er það var tilbúið þá
borðuðum við saman en litla ljósið vildi fyrst fá morgunkorn svo ís
síðan mat og ís aftur í restina, en amma sagði nei þú borðar matinn
þinn og  svo færðu ís OK hún gerði það en er hún var búin að borða
þá bað hún um morgunmat ( Cheríos) og fékk það.

Mamma hennar kom svo að sækja okkur það voru tónleikar í skólanum
þetta voru Afríku tónleikar og Afró dans og svo sungu þau líka.
þetta var bara æðislegt hjá þeim og gaman að sjá hvað þessi börn
fá mikla útrás og eru ekkert feimin.

Kláraði að föndra saman einu harðangurshjarta í dag og er svo alltaf
að bæta við jólaskrautið.
Gaman gaman.

Góða nótt

Kemur mér eigi á óvart.

Ekki þekki ég Kristinn H. Gunnarsson neitt nema af því að hafa
fylgst með honum í pólitíkinni.
Hann er vestfirðingur og þeir eru nú þekktir fyrir festu á sínum
skoðunum og reyndar þykja þær á stundum öðruvísi en annarra.

Þó eru undantekningar sér í lagi hjá okkur kvennaskörungunum.

Það sem vekur undrun og spurningar hjá mér er.
Hvernig getur maður, sem ætíð / oftast er á móti sínum flokki í
skoðunum, snýst gegn flokknum í atkvæðagreiðslum undir því
yfirskyni að hann sé að fara eftir sannfæringu sinni, passað
þá í einhvern flokk, enda búin að prófa þá marga og það skyldi
þó aldrei vera að blessaður maðurinn sé búin að gera sér grein fyrir
því að eigi er honum vært lengur í frjálslyndum og er að undirbúa
flokkaskipti  eina ferðina en og ætli sér í Samfylkinguna.
Taldi nú að nægilegt væri af silkihúfunum þar á bæ.

Maðurinn hlýtur að elska úlfúð vera með athyglissýki
og spennufíkill á háu stígi.

Ég spyr hvernig er hægt að treysta mönnum sem hlaupa svona til
og frá maður veit svo sem aldrei hvenær má treysta þeim frekar en
öðrum á þingi reyndar.

Eigið góðan dag í dag

Milla.

 

Afstaða Kristins tekin fyrir

Fyrir svefninn

Maður kemur sjálfri sér ætíð á óvart, enda gaman að því,
tilbreyting frá hinu venjulega.
Ekki að það sé svo venjulegt hjá mér svo langt frá því, er alltaf
á fullu í stjórnsemi og ræðuhöldum, elska að lesa yfir fólki
eða það segir fólkið mitt, en stundum fæ ég hifive að því að ég
er svo klár

Jæja eins og ég sagði í gær fengum við svona róbót ryksugu í
jólagjöf  frá einum bróðir mínum og var ég nú ekki par hrifin,
þvílíkt rugl.
Nú sá tækjasjúki setti hana í hleðslu í gærkveldi.
Um leið og Gísli minn ók mér í þjálfun í morgun fórum við í
Húsasmiðjuna til að kaupa batterí sem vantaði í gervigeislann
sem settur er upp til að varna róbótinum að fara herbergi úr
herbergi.
Er hann Gísli minn sótti mig í þjálfun var hann svolítið sposkur
á svipinn, ég vissi um leið að hann væri búin að setja viðhaldið
af stað, já já viti menn hún var á fullu að taka eldhúsið er við
komum heim, síðan var hún sett fram á gang þar sem hún tók
hann og svo herbergin og fremri forstofuna.
Maður minn lifandi ef einhver hefði gengið svona á eftir mér
svona eins og Gísli gekk á eftir þessu viðhaldi sínu þá væri ég
afar ánægð.
Svo ég komi nú að þessu með að maður komi sjálfum sér á óvart,
Þá varð ég bara yfir mig hrifin af þessum róbót hann bókstaflega
ryksugar betur en við nokkurn tíman höfum gert, skynjara hefur
hann í burstaformi og taka þeir allt ryk í hornum og kverkum.
En í guðs bænum ekki segja Gísla að ég sé búin að sætta mig við
tækið, ég bölva því að sjálfsögðu áfram, svona smá, bara eins og
þurrkaranum sem hann keypti, hef aldrei átt þurrkara á ævinni
svo á gamals aldri þurfa menn að fá þurrkara og uppþvottavél.
Finns ykkur þetta nú ekki vera tækjasíki?
Nei bara spyr sá sem ekki hefur fundið fyrir þessu, sko tækjasýkinni.
Er farin að sofa var vöknuð fimm í morgun.

Góða nótt

Traustið er brostið.

Traustið er brostið sagði Margrét Pétursdóttir verkakona og spurði Geir H. Haarde, forsætisráðherra hvort ekki væri kominn tími til að hreinsa út úr seðlabankanum og víkja svo sjálfur.

Verkalýðsfélög séu enn rétt að ranka við sér úr doða og þeim sé líka um að kenna að traustið sé brostið. Fólkið sem búi við verstu kjörin sé fólkið sem ekki mátti svíkja eða taka frá traust. Þeirra sé ekki glæpurinn og þeirra vegna þurfi að fara í aðgerðir strax. Sárast sé þó að sjá Alþingi lamað og lúið og stjórnandstöðunni sé líka að kenna að traustið sé brostið. „Er stjórnarandstaðan líka tilbúin að víkja ef almenningur gerir þá kröfu?" spurði Margrét. Strax eigi að fara í eignaupptöku hjá þeim sem að útrásinni stóðu því að slóðin sé að kólna. Nú ríkir hvorki skattaleynd né  launaleynd og bankaleyndin skuli burt líka. Það sé ekkert annað en efnahagslegt ofbeldi sem við séum að upplifa núna.

Margrét fékk  þá fólk í sal til að rísa úr sætum sínum. „Svona auðvelt er fyrir karl að standa upp úr valdastóli og láta af hendi til konu," sagði hún og uppskar mikið lófatak frá salnum. Við hefðum ekki efni á að sniðganga annað kynið þegar kæmi að uppbyggingu hins nýja Íslands. Nú sé lag að kollvarpa viðvarandi óréttlæti. Sterk réttlætiskennd þess fólks sem mæti á mótmæla- og baráttufundi geri hana hins vegar stolta af þeirri þjóð sem hún sé að kynnast

Ég ætla að bæta við það sem upp á vantar orð Margrétar
Og þið eruð bara flottust.

Ég hlustaði á ræðumenn þessa fundar og ég verð að segja að ég varð
afar stolt og hefði viljað vera með.
Margrét Pétursdóttir þú ert bara frábær, ræðusnilli þín er hnitmiðuð og
eigi skemmir þinn góði talandi.
Það er nefnilega eigi sjálfgefið að hafa þessa hæfileika.



Benedikt Sigurðarson, framkvæmdastjóri frá Akureyri, gerði harða hríð að verðtryggingu lána, sem verið hefur við lýði á Íslandi síðustu áratugi, á borgarafundi í Háskólabíó í kvöld. Hann sagði að við núverandi aðstæður væri jafnræði brotið á margvíslegan hátt.

Það er afar gaman að hlusta á svona ræðusnillinga, ég tala
nú ekki um er þeir segja sannleikann, tala Íslensku og koma
fram af virðingu við fólk.

Ef að þessi fundur og það sem kom þarna fram hefur ekki vakið
fólk til umhugsunar um hvað er að gerast í landinu okkar
þá er því ekki viðbjargandi.

Áfram Ísland!

Eigið góðan dag í dag.

Bankaleyndina burt