Fyrir svefninn.

Jæja nú er Gísli minn kominn á fullt, var að taka til útiseríur
á morgun á að setja þær upp, tókum líka gestaherbergið í
dag, á morgun á einnig að taka fram aðventuljósin og athuga
hvort þau eru ekki í lagi, skelli þeim svo bara í gluggana og skreyti
svo bara allt heila batteríið, nema jólatréð bíð aðeins með það.

Það er að segja ef Gísli fæst frá nýju robot ryksugunni, hef nú bara
ekki á ævinni vitað aðra eins vitleysu, einn bróðir minn sem á svolitla
peninga, býr í Japan, var hér heima um daginn fór hann og verslaði
svona tæki fyrir okkur systkinin, þær kosta 84.000 hver. 
Maður á ekki bót fyrir boruna á sér og á svo bara allt í einu Robot
upp á 84.000, læt nú Gísla þennan hlut algjörlega eftir, enda eru
karlmenn miklu tækjasjúkari en konur.

Fórum til Millu minnar í kaffi í dag þau gáfu okkur þýskar áleggspulsur
eigi er það nú af verri endanum, einnig Ítalskan gordonsola ost
nú og ýmislegt annað. þetta verður geymt til jólanna og borðað með
góðu chiabatta-brauði, tappinadi og svoleiðis gormetmat.

Litla ljósið var búin að sega við mig áður en hún fór út að hún ætlaði
að gefa mér augnskugga svona glimmer þegar hún kæmi heim frá Köpen
fékk ég fjögra lita augnskugga í dag ég sagði að við gætum átt hann saman
hún fær nefnilega svo oft að mála sig hjá ömmu og á sitt eigið dót til þess.
Hún sættist á það og valdi strax að hvíti og bleiki pössuðu vel fyrir hana.

Núna er ég bara að hugsa um að fara að hvíla mig og lesa
Twilight það er fyrsta bókin um hana Bellu eftir Stephenie Meyer,
ég ætla eigi að lýsa henni nánar því hún var að koma út á Íslensku
en ég er að lesa hana á ensku, þær vildu endilega lána ömmu
þessar bækur englarnir mínir á Laugum,
 en þær eru búnar að lesa þær allar og bíða bara eftir
myndinni eftir fyrstu bókinni, sem er að slá öll sýningarmet erlendis núna.

                       Eigi get þeirra verið án
                       bóka af öllum gerðum,
                       það var okkar heilla lán
                       að læra úr þeim við verðum.

Góða nótt

Hvað er ábyrgð?

Já hvað er ábyrgð? Sumir henda þessu orði frá sér í tíma og ótíma,
Hvort sem það á við eður ei.
Minn skilningur á þessu orði er sá: " Þú berð ábyrgð á öllu því sem
gerist í þínu lífi, því þú leifir því að gerast".
Í þessum orðum er allt sem þú tekur að þér í lífinu.

Í Fréttablaðinu í gær var spurt: "Hvað er ábyrgð?"

Frábær svör fengust og langar mig til að eftirhafa svar
Herdísar Egilsdóttur, alþjóð veit hver sú mæta kona er.

Móðurmál okkar á mörg meiningarþrungin orð.
Þau eru misjafnlega hörð af sér í daglegri klisjukenndri notkun.
Þau orð sem líða mest og missa smá saman meiningu og áhrif
eru einmitt þau orð sem rista dýpst í vitundina og eitt af þeim
er ábyrgð. Þessa daganna heyrist sem aldrei fyrr dynja á eyrum
orðið ábyrgð og ábyrgðarleysi og þau orð sem af þeim eru dregin.

Ágyrgðin eða ábyrgðarleysið finnur sér farveg í gjörðum, orðum og æði.
með óábyrgum orðum er hægt að eitra líf saklauss fólks og eyðileggja
orðspor þess og möguleika í lífinu.
Líklega er þessi tegund ábyrgðarleysis ein sú lúmskasta og hættulegasta
vegna þess hversu hratt hún vinnur, erfitt er að leiðrétta afleiðingar
hennar og sá ábyrgðarlausi gerir sér oft ekki grein fyrir hve mikill
skaðvaldur hann er.
Ábyrgð eða ábyrgðarleysi í gjörðum er sýnilegra en skiptir þó sköpum
í lífi fólks. Ábyrgðarleysið  vinnur oft óbætanlegan skaða ef þeir sem
standa álengdar stara galopnum augum á það sem fram fer en gera
ekkert til að skakka leikinn. Ábyrgð í starfi er oft undarlega metinn þar
sem oft reynist þyngra í metum að gæta fjármuna en fólks.
Að axla ábyrgð þýðir að taka á sig byrði annarra og lofa að leggja
hana ekki frá sér fyrr en annaðhvort þörfin fyrir þennan stuðning er liðin
hjá eða annar ábyrgur tekinn við.
Ábyrg manneskja nýtur trausts og virðingar og er litið á hana sem
máttarstólpa í hverju samfélagi. En einnig slíku fólki getur mistekist
svo óbætanlegur skaði hlýst af.
Það hlýtur að taka vel á þá sem vilja vel. það fylgir því ævilega kvöl
að bregðast trausti þeirra sem á mann trúa.
Megi hin sanna merking orðsins ábyrgð í orðum sem gjörðum vera
í heiðri höfð um ókomna framtíð til heilla landi og lýð.
Ég vill til einföldunar gera greinamun á tvenns konar ábyrgð,
ábyrgð gagnvart lögum og siðferðilegri ábyrgð.

Frábærileg lýsing á orðinu ábyrgð.
Eigið góðan dag í dag
Milla.

Fyrir svefninn.

Bræðurnir á Fjalli í Þingeyjarsýslu þóttu nokkuð góðir
með sig, eða að minnsta kosti eigi mæddir af sjálfdæmi.
Þó orti einn þeirra:

             Allir hafa einhvern brest.
             Öllum fylgir galli.
             Öllum getur yfirsést.
             Einnig þeim á fjalli.

           ******************************

 Þegar vélbáturinn Skúmur strandaði við Grindavík síðast
liðinn vetur, lýsti fréttamaður ríkisútvarpsins björguninni
meðal annars svo, að hún hefði tekist með slíkum ágætum,
að skipbrotsmennirnir "vöknuðu ekki einu sinni."

         *******************************

Jón Sigló er maður nefndur. Hann orti eitt sinn eftirfarandi
vísu. Ekki er kunnugt um tilfellið, en hægt að hugsa sér
ýmislegt:

          Notaðu bæði kjaft og kló
          og kærleika til vara.
          Þá ertu efni í Oddfellow
          eða Frímúrara.

         ******************************

Jæja nú eru allir komnir til síns heima, Gísli er að aka
englunum mínum fram í Lauga.
Milla og Ingimar komin heim með ljósin mín.
Við borðuðum öll saman í kvöld og var fiskurinn vel þeginn.

Ég fann í morgunn rautt efni og ákvað að sauma vængi fyrir
gestaherbergið, þar var eigi vel hægt að draga fyrir, vöktu
þær mikla gleði er þau komu öll heim því þetta var svo
jólalegt og nú fer ég bara að skreyta á fullu.

Góða nótt

Fórum á Eyrina í gær.

Lögðum af stað í bítið í gærmorgun, fram í Lauga að sækja
englana mína þar, síðan brunað í hálkunni á Eyrina sem tók
á móti okkur að vanda með hlýleika.
Búið var að setja upp jólastjörnur á alla ljósastaura, hjörtun í
ljósunum á öllum vegamótum, og svo hjörtun þeirra frægu sem er
búið að setja út um allt.
þeir sem eigi vita þetta með hjörtun, var það, að ég held,
hönnunarstofa á Akureyri sem hannaði þessi hjörtu úr plasti
(trúlega) og svo keyptu fyrirtæki, sjúkrahúsið og allir þeir sem vildu
hjörtun og taka þau á móti manni út um allt og ylja um hjartaræturnar.

Nú við fórum strax að versla á Glerártorgi síðan í bakaríið við brúnna
að sjálfsögðu til að fá okkur smá kaffisopa, þeir sem voru svangir fengu
sér smurt brauð ég fékk mér hafraköku.eða þannig.

Fórum svo til Ernu og Bjössa og eins og ég hef sagt áður er bara
yndislegt að koma þangað, hittum mömmu Bjössa og systur,
síðan kom galgopinn bróðir Ernu, hann sagði að við værum villingar,
en eins og bloggvinir okkar geta staðfest þá passar það ekki
Takk elsku Erna mín fyrir ævilega góðar móttökur.

Fórum svo á hittinginn það var bara frábært, mikið hlegið og skrafað
bæði um landsins gagn og nauðsynjar og gaman mál.
Á hittinginn komu Ásgerður, Ólafsfirði, Anna Guðný, Akureyri,
Sigga sem einu sinni var bloggari og verður það vonandi aftur er
um hægist hjá henni. Huld, Halli og Eva Lind dóttir Huld, Akureyri,
Víðir, Akureyri, Erna, Akureyri, Unnur, Akureyri,  Dóra og tvíburarnir
hennar, Laugum, ég Milla og Gísli minn fékk að koma með, Húsavík.
Alveg í restina kom maður Önnu Guðnýjar og fékk sér kaffi með okkur.
Ef ég er að gleyma einhverjum þá vill ég fá skammir.


Ég bað nú Gísla minn að taka upp myndavélina, en viti menn,
eins og oft kemur fyrir hjá gamla fólkinu,
var þá ekki blessuð myndavélin, eða sko batteríin óhlaðin
Nú gamla fólkið mun víst læra af þessu.

En það voru teknar margar myndir svo þið sjáið þær á öðrum síðum.


Það sem er svo gleðilegt við þennan dag er að Milla mín,
Ingimar og ljósin mín koma heim í dag, eru búin að vera í Köpen
og Reykjavík. Eins og allir vita þá er farið til útlanda til að vera til,
af sem áður var er maður verslaði eins og brjálaður, kemur maður
heim og verslar í Reykjavík áður en maður kemur heim til sín.
Svolítið skondið.
Englarnir mínir á Laugum ætla að koma líka og munu amma og afi
hafa steiktan fisk í matinn, því eigi fær maður góðan fisk beint úr
sjónum er maður er á ferðalagi.

Eigið yndislegan dag í dag
Milla.

Fyrir svefninn

Magnað hvernig allt er orðið, það er búið að óskapast og
troðast með fréttir af hinu og þessu, aðallega þessu sem
maður skilur ekkert í, eins og þið vitið er það svo margt og
engum er treystandi, hvorki í verki eða orði.

Nú á maður víst að kaupa jólagjafirnar sem fyrst því þær
hækka í hverri ferð, en hvaða ferð,þar sem lítill sem enginn
innflutningur á sér stað og talað er um vöruþurrð allavega
eftir áramót og svo er útsölurnar verða búnar eftir jól þá
verður ekkert til í búðunum. gaman, gaman.

Annars ætla ég eigi að hafa svo miklar áhyggjur af þessum
jólagjöfum, einhverjar verða þær.
Búið er að fá allan jólamatinn sem verður í ár að gömlum
Íslenskum sið rjúpur, hangikjöt jú og svo verður
hamborgarahringurinn að fylgja með.


Það sem er mest um vert er að eiga góðar stundir saman
borða góðan mat, eiga vel til af smákökum og góðu brauði
til að hafa með afgöngunum sem ætíð eru afar miklir.

Jæja er að fara til Akureyrar á morgun, förum snemma í fyrramálið,
verslum og borðum förum síðan og hittum bloggvini á kaffi Karólínu
í Listagilinu, það verður nú fjör í því.

Steinn Steinar orti 1934.

           Svo legg ég glaður frá mér bók og blað
           og birti ei framar spádóms heimsins lýði.
           En samt er ég viss um eitt, og það er það,
           að Þjóðstjórnin okkar tapar sínu stríði.

                                     Góða nótt   

Svo eiga foreldrar að vera rólegir.

Manni verður nú bara illt, hvað er eiginlega að hjá börnum sem
framkvæma svona ofbeldi? Það hlýtur að vera mikið, hljóta að
kveljast af vanlíðan, einhver er ástæðan fyrir því að þau koma
svona fram.

kannski hafa þau bara fengið að komast upp með hvað sem er
frá því að þau fæddust, þar byrjar þetta nefnilega. Það er svo
auðvelt að láta allt eftir þeim er þau eru pínu pons og svo sæt
þessi kríli, en er það heldur áfram og engin agi er viðhafður
þá er voðin vís.
Börn þurfa aga, ást og umhyggju, en ég tel að börn sem fara út í
svona vonsku fái það ekki því miður.
Alla vega er eitthvað mikið að.

Ég er ekki að ásaka hvorki einn eða neinn, það er eigi í mínu
valdi að gera það, þetta bara gerist hjá  foreldrum og þeir
ekki einu sinni uppgötva hvað er að,
allir þurfa að vinna mikið, síðan er það heimilið er heim kemur og
það sem er mikilvægast (börnin) hefur ekki forgang vegna tímaleysis.

Vona bara að það verði tekið rétt á þessu máli það er svo mikilvægt
fyrir framtíð þessara barna.

Eigið góðan dag.
Milla

 

Gerðu myndband af líkamsárás

Fyrir svefninn

Hugsið ykkur! hef eigi farið út úr húsi í dag. Svaf til sex í morgun,
fékk mér ab mjólk og meðulin mín, upp í rúm aftur og svaf til níu.
geri ég nú betur, þetta er sko ekki mín deild eins og allir vita nú.
Er ég vaknaði dandalaðist ég í tölvunni þar til ég hafði list á te og
brauði fékk mér það og síðan í sjæningu, allir vita orðið hvað það er.
Sko rúsínan í pylsuendanum kemur hérfór að strauja.
Ég er nefnilega ein af þeim sem strauja bara er allt er orðið fullt af
óstraujuðu og núna voru allir dúkar og allar tauservétturnar mínar
í strau körfunni + koddaver svona punti þið vitið og bara ýmislegt,
Allt var tekið og steinkað og sorterað eftir gerð síðan var byrjað að
strauja tók mér annað slagið smá hvíld, fékk mér kaffi og síma-mal,
ekki síma-poka heldur síma-mal og stóð það yfir svona smástund.

Kláraði ekki á eftir smá jóladútl, ætla að klára það fyrir helgi.
Ég er nefnilega þannig að ef ég byrja á einhverju þá verð ég að klára
það í samhengi, þó það taki marga marga daga.

Englarnir mínir sem voru úti í Köpen hringdu í mig frá flugvellinum,
voru að versla svona eitthvað smá í fríhöfninni úti áður en lagt var
af stað heim. þau koma samt ekki hingað fyrr en á sunnudaginn.
Hlakka ég mikið til, búin að sakna þeirra mikið.

Ein góð eftir hana Ósk hún er sko hin amman við eigum
ljósálfinn og litla ljósið saman.

                    Möguleg eftirmæli.

               Af minningum um þig er ég rík
               aldrei þeir fjársjóðir tæmast.
               Amma mín þú varst engum lík
               það var unun að heyra þig klæmast.

Góða nótt.

Hef áhyggjur, ef eigi fæ egg í jólabaksturinn.

Hvað er þetta eiginlega kæra fólk, haldið virkilega að þið fáið
Þjóðstjórn út á eggjakast? NEI og aftur Nei.
Ég er afar hlynnt mótmælum og það kröftugum, en engu ofbeldi
er ég meðfylgjandi, sjáið þið ekki, að þá erum við sem viljum
breytingar, ekkert betri, því það er að sjálfsögðu ofbeldi sem er
búið að beita okkur í áraraðir, þá er ég að tala um andlegt
ofbeldi og það er slæmt og engri þjóð sæmandi að koma þannig
fram við fólkið sitt.

Elskurnar mínar látum af eggjakastinu, bæði kosta þau peninga
og svo gæti farið að við fengjum eigi egg í jólakökurnar.

Við leisum heldur ekki neitt í reiði því , ef við erum reið,
þá getum við eigi hugsað rökrétt

Við munum fá nýtt blóð í stjórnina við næstu kosningar.
En vita skuluð þið að djúpt þarf að grafa til að finna ósýkta
faglærða menn til að koma á í þessu landi stjórn heilinda.

Því það hefur gleymst í árana rás hvað heilindi eru.

Eigið góðan dag.
Milla.

Eggjum kastað í ráðherrabifreið Björns Bjarnasonardi

Fyrir svefninn

Þetta er saga af langafa og ömmu í föðurætt og hversvegna
afi og bræður hans tveir heita allir Sigurðar.

Árið 1887--'98 bjó á Hvallátrum bóndi, sem hét Guðmundur
Sigurðsson. Hann var fæddur á Neðra vaðli á Barðaströnd
sumarið 1835. Faðir hans var Sigurður Sigurðsson, sem kallaði
sig Breiðvíking, enda ættaður úr Breiðuvík. Feður þeirra Össurar
Össurarsonar, voru hálfbræður. Sigurður Breiðvíkingur var mikill
hagleiksmaður og víðkunnur bátasmiður,og var bæði vandvirkur
og stórvirkur.Kona hans og móðir Guðmundar hét Þórdís.
Hún var dóttir Jóns bónda í Botni í Tálknafirði.
Guðmundur var kvæntur Helgu Beatu Árnadóttur. Faðir hennar
var Árni Thoroddsen, sonur Jóns bónda Thoroddsen sem lengi
bjó á Hvallátrum, en áður á Hvalsskeri í Patreksfirði, og var
Árni þar fæddur. Árni á Hvallátrum og Þjóðskáldið Jón Thoroddsen
boru bræðrasynir.
Árni bjó í Kvígindisdal í Patreksfirði frá 1862--'70, en fluttist síðan að
Hvallátrum og bjó þar til æviloka, síðustu árin sem húsmaður.
Hann var kvæntur Sigríði Snæbjörnsdóttur frá Dufansdal, systir
Guðrúnar seinni konu Össurar, og Markúsar á Geirseyri.

Guðmundur og Helga voru gefin sama  árið 1885, og bjuggu þau
síðan í Hænuvík þar til þau fluttust að Hvallátrum.

Þau eignuðust þrjá sonu og sá fyrst fæddist 1886 og var skýrður
Sigurður Andrés. Ári seinna fæddist sonur tvö og var hann skýrður
Sigurður. Sá yngsti fæddist 28/7 1893. hann var skýrður tveim nöfnum
eins og sá elsti og var það Sigurður Jón, og er það afi minn.
Undarlegt að skýra þrjá syni sína sama nafninu, en það voru ástæður
fyrir því. Þegar langamma gekk með sitt fyrsta ætlaði hún að yngja upp
föður sinn, en hana dreymdi skömmu eftir að hún ól drenginn, að til
hennar komu tveir menn. Annar kvaðst heita Sigurður Jónsson og
hafa búið í Breiðuvík, hinn Sigurður Sigurðsson, Breiðvíkingur, það
vissi hún að voru komnir feðgarnir afi og langafi drengsins.
Sigurður leit son sinn óhýru auga og sagðist vilja ganga fyrir með
nafnið og eiga það einn, ég skal bíða sagði hinn. þegar langamma
varð vanfær í annað sinn kom til hennar Sigurður Breiðvíkingur og
sagði, þú manst eftir mér nú bíð ég ekki lengur.
þar með var drengurinn skýrður Sigurður.
Þegar afi minn fæddist þá hélt nú langafi að hún vildi skýra eftir föður
sínum, en nafnið var Sigurður Jón.
Svona er sagan sú. Þrjóskan í vestfirðingum hefur löngum fræg verið.

                                          Góða nótt.

Til hamingju Herdís Albertsdóttir.

 

//

„Strákarnir okkar" í sérstöku uppáhaldi hjá Herdísi

Herdís Albertsdóttir á Ísafirði fagnar í dag 100 ára afmæli. Hún fæddist í húsinu að Sundstræti 33 þar í bæ og bjó þar  fyrstu 99 árin og hálfu betur þar til í sumar, að hún flutti á öldrunardeild sjúkrahússins.

Afmælisbarnið er stálhraust og ber sig vel, en heyrir reyndar mjög illa og sjónin er ekki góð. „En hún segir að ekkert sé að sér og hún er stálminnug; það er hægt að fletta upp í henni," sagði dótturdóttir Herdísar, Kristjana Sigurðardóttir, við Morgunblaðið í gær.

„Strákarnir okkar" í handboltalandsliðinu hafa löngum verið í miklu uppáhaldi hjá Herdísi og árum saman fylgdist hún með hverjum einasta leik sem sýndur var í sjónvarpinu. „Hún hefur fylgst grannt með þeim alveg frá því þeir fóru að spila af einhverju viti, eins og hún segir sjálf!" sagði Kristjana í gær. Örvhenta stórskyttan Kristján Arason var í sérstöku uppáhaldi. „Hann er drengurinn hennar!"

                       *******************

Fyrverandi nágranni minn á Ísafirði er 100 ára í dag.
Við Gísli bjuggum við hliðina á henni Dísu,
Silfurgatan skildi okkar hús að,
Húsin okkar stóðu bæði á horni Silfurgötu og Sundstrætis.
Hugsið ykkur hvað þessi stórkostlega kona er búin að upplifa og
áorka í sínu langa lífi. Unga fólkið getur örugglega ekki sett sig inn í
þann lýfsferil sem fólk á þessum aldri þurfti að upplifa, en við sem
erum eldri vitum nokk söguna um þann feril.

Hún á góða og henni mikið kæra afkomendur og þykist ég alveg
vita að öll eru þau stödd fyrir vestan í dag.

Má til að segja ykkur frábæra sögu af henni Dísu, einhverju sinni var
brotist inn hjá henni, hún fer ofan og sér þá mann nokkuð ölvaðan.
Hún fer eitthvað að tala við hann og býður honum kaffisopa sem
hann þáði og var orðin sá spakasti er einhver kom sem hún hafði
hringt í, þau skildu mestu mátar, en öldin var nú önnur þá.
Sel þessa ekki dýrari en ég keypti hana.

Til hamingju Dísa mín og öllum ættingjum óska ég til hamingju
með að hafa upplifað þau forréttindi að njóta þessara konu.
Það er eigi sjálfgefið að eiga góða að.
Ljós og kærleik til ykkar allra.
Milla og Gísli Indriða.

„Strákarnir okkar“ í sérstöku uppáhaldi hjá Herdísi

Fyrir svefninn

Já það er þessi dagur, einn en, sem líður hjá eins og
sólargeislinn á stuttum degi vetrar.
Í dag fór ég í vinnuna að vanda var mikið gaman hjá okkur,
allir eru svo afslappaðir og komnir í jólastuð.
Ráðgert var á húsfundi í gær að fara í smákökubakstur, síðan
í laufabrauð.
Farið verður í leikhús á föstudaginn, það er verið að sína
Emil í kattholti ekkert slor það hjá litlu leikfélagi eins og er á
Húsavík, allir vinna sjálfboðavinnu og krakkarnir leggja heilmikið
á sig.
Hjá okkur í Setrinu verður haldið aðventukvöld í byrjun desember
og föndrið verður nú á fullu hjá okkur að vanda.

Og mikið er ég nú fegin að hafa eitthvað annað að hugsa um
heldur en verki, og stjórnmál, ekki að það sé ekki talað um
stjórnmálin í Setrinu, bara á léttari nótum, við gerum bara
eiginlega bara grín að þessu öllu saman.

Allt í einu kemur óveðursský,
og það rignir gasi.
þrumurnar fella trén með ofsalegum látum
eftir nokkurn tíma léttir veðrinu.
Óveðursskýin labba burtu,
sólin kemur og skýin labba inn í himininn.
Fiðrildin byrja að fljúga á nýjan leik,
og fuglarnir syngja sætan söng.

Góða nótt

Hvar er manngæskan?

Mehdi Kavyan Pour hælisleitandi frá Íran hefur verið í hungurverkfalli í níu daga til að mótmæla þeirri ákvörðun yfirvalda að senda hann aftur til heimalandsins. Mehdi hefur beðið þess í fjögur ár að niðurstaða fáist í mál hans.

Í fjögur ár! hvað er eiginlega í gangi, er ekki möguleiki á að
afgreiða svona mál á stittri tíma, nú eða bara að senda þetta
vesalings fólk aftur strax.
Hér er þessi maður búin að vera í 4 ár og auðvitað vonar að hann fái
hæli hér á voru fagra landi.
En nei við getum því miður ekki gefið honum/öðrum þá gleði, þó að það
sé kreppa þá eigum við ennþá manngæsku til, er það ekki annars?

Hera Ósk Einarsdóttir verkefnastjóri hjá Reykjanesbæ segir að  þrír hælisleitendur hafi verið í hungurverkfalli, einn þeirra er þó nýlega farinn að borða aftur.  Fyrir helgi hættu þeir tveir sem eru áfram að svelta sig að drekka vökva og þurfti í kjölfarið að flytja Medhi  á sjúkrahús.

Hann var útskrifaður af sjúkrahúsi á laugardag og féllst á að ræða við MBL Sjónvarp  á Fit í Njarðvík þar sem hann dvelur ásamt öðrum hælisleitendum.  Mehdi segist hafa unnið fyrir póst og símamálastofnun í heimalandinu og haft þann starfa að hlera síma. Trúnaðarupplýsingar hafi horfið af skrifstofunni og kjölfarið hafi tveir samstarfsmenn hans látist við dularfullar kringumstæður. Hann hafi flúið land en kona hans og dóttir orðið eftir í Teheran. Hann hefur nú samþykkt að drekka vökva en segist ætla að svelta sig þar til málið verður tekið upp að nýju. Hann vilji frekar deyja í rúminu sínu heldur en í fangelsi í Íran.

Hefur þessi maður gert eitthvað af sér á meðan á þessari dvöl
hefur staðið, eða hvað er í veginum fyrir því að veita honum og
öðrum hæli. Erum við hrædd við þetta fólk, viljum við ekki svona
fólk í landinu, eða hvað er eiginlega að okkur?

Gefum nú okkur sjálfum það í jólagjöf að veita nokkrum sem verið
hafa hér sem lengds, hæli á Íslandi.

Eigið góðan dag í dag
Milla

Vill frekar deyja en snúa aftur

Fyrir svefninn

Í dag höfum við gamla settið bara verið að dóla okkur, fyrir
utan að ég fór í þjálfun á óeðlilegum tíma hvað mig snertir,
er yfirleitt snemma á morgnanna, en var í dag klukkan eitt.

Við löguðum aðeins til og fórum svona yfir eins og maður segir.
það var bara dandalaveður um miðbik dagsins, en vona að það
verði eigi eins slæmt í nótt eins og þá síðustu.

Um nónbil sagði ég niðri í þjálfun að það væri komið dandala veður,
kona ein spurði hvað það þýddi og hvaðan ég hefði þetta,
ég sagði það þýða gott veður, en vissi eigi hvaðan ég hafði það
hafði bara fylgt mér svo lengi sem ég man.
Tel það annaðhvort vera komið af vestfjörðum eða bara að sunnan.

Það er þetta með rétt hvers og eins.

                       Þann rétt hver héri hefur
                       að háma kál í svanginn,
                       á meðan maginn krefur,
                       -það má hann litli anginn,
                       og liggja í leiðslu værri,
                       sé lágfóta ekki nærri.

                       Og vilji vondur refur
                       sér veiða héra í soðið,
                       þann rétt þá hérinn hefur
                       - og honum er það boðið -
                       að hlaupa á harðasprett, til
                       að hættu hann undan beri,
                       - en að heita annað en héri
                       á hérinn engan rétt til.

                                       Gústaf Fröding.

Góða nótt.                                         

Er ekki nokkuð seint í rassinn gripið?

Steingrímur J. krefst upplýsinga

Steingrímur J. Sigfússon, formaður Vinstri hreyfingarinnar græns framboðs, óskaði í dag eftir fundi í utanríkismálanefnd Alþingis. Hann krefst þess að öll skjöl og gögn sem snúa að lánsumsókn Íslendinga til Alþjóðagjaldeyrissjóðsins og umræðu um samkomulag vegna Icesaeve-reikninga, verði þar lögð fram og gerð opinber.

Hvað heldur Steingrímur að hann og við öll þurfum að bíða lengi
eftir svari þessu?
Það verður eins og ævilega búið að ganga frá öllum þessum málum
og við búin að fá rýtinginn í bakið áður en við vitum af,
sanniði til.

Þingflokkur VG átelur ríkisstjórnina fyrir að ganga frá samkomulagi um Ice-save reikningana án aðkomu Alþingis og krefst þess að málið verði tekið til lýðræðislegrar afgreiðslu og umræðu fyrir opnum tjöldum.

Hvenær hefur okkur komið við það sem þeir eru að gjöra þessir
Háu herrar?

VG segir ríkisstjórnina hafa hundsað löggjafarþingið og haldið upplýsingum frá almenningi í þessu máli sem öðrum.

það vita það allir í dag, en hvenær hefði verið hægt að grípa inn í?

Þingflokkur Vinstrihreyfingarinnar - græns framboðs hvetur stjórnvöld til að breyta starfsháttum sínum og taka  tafarlaust upp lýðræðislegar leikreglur,  tryggja upplýsingagjöf til almennings og gegnsæi í ákvarðanatöku.

Steingrímur minn áttu annan handa mér?

Skjölin Sem VG vill að gerð verði opinber eru eftirfarandi;
 
1. Öll gögn vegna umsóknar um lán til IMF

2. Samkomulag við Hollendinga sem fjármálaráðherra undirritaði í Washington vegna Ice-save deilunnar

3. Skjöl vegna fundar fjármálaráðherra EES/ESB í Brussel 4. nóvember og skjöl sem tengjast vinnu embættismanna í framhaldinu undir forustu formennskulandsins Frakka

4. Bréf sem fjármálaráðherra ritaði 6. eða 7. nóvember þar sem Ísland sagði sig frá því vinnuferli sem ákveðið var í lok áður nefnds fjármálaráðherrafundar (sjá tölulið 3)

5. Lagaálit, ef einhver eru til, hjá íslenskum stjórnvöldum vegna Ice-save deilunnar

6. Fundargerð, minnisblöð eða nótur frá fundi Björgvins G. Sigurðssonar og fjármálaráðherra Breta Alister Darlings 2. september sl.

7. Öll önnur skjöl sem til eru hjá ráðuneytum og opinberum stofnunum, hvort sem þau eru bundin trúnaði eða ekki, og þessum ofangreindu málum og samskiptum við aðra um þau tengjast.

Sko ef þið fáið þessu framgengt, sem ég vona svo heitt og innilega,
þá erum við á grænni grein.
En sannleikurinn er sá að spillingin hefur og mun aldrei koma upp á
borðið hjá þessum mönnum, þeir hafa allar götur komið sér undan
því að mæla af einhug til fólksins í landinu með því að tala og tala
þar til engin skilur neitt í neinu.

Löngum hef ég á tilfinninguna fengið, er mæla þeir til okkar, þeir
menn sem eru nefndir ráðamenn vorra þjóðar, að þeir séu að ljúga
að okkur og gera það án þess að blikna.

Er ég nokkuð sú eina sem fæ þetta á tilfinninguna?

Áfram með ykkur VG og eigi megið þið gefast upp.

Steingrímur J. krefst upplýsinga

Eigi ætla ég að rækta reiðina.

Nei ætla eigi að rækta reiðina, en bara að fá hér smá útrás.
En hugsið ykkur það var þvílíkt Kuppsveður hér í nótt að eigi
svaf ég mikið, fyrir þá sem ekki vita hvað þetta veður er þá
myndast þvílíkar vindkviður og koma með tröllslegum látum
niður yfir bæjinn að maður heldur bara að allt sé að fara að
gerast og kannski ekkert skrýtið eins og ástandið er.
Rétt núna er bara rjómalogn í tröllinu.

Var að lesa svolítið skondið, kaupmenn hafa ekki áhyggjur af
of lítilli jólaverslun.
Það kemur mér ekkert á óvart að þeir telji verslunina eigi verða
minni í ár en undanfarinn, því þeir sem eiga peninga sem eru jú
fleyri en við teljum, halda bara áfram áeyðslutrippi, hinir sem eiga
minni peninga kaupa bara lítið að vanda, því hvar ættu þeir svo sem
að taka peninga til að versla fyrir?
Inn í verslunardæmið koma hingað útlendingar til að versla
því það er svo ódýrt að versla við þjóð sem er farin svona vel á
alþjóðavettvangi.
Og okkar fólk, þó það fari til útlanda þá verslar það ekki mikið
því það er svo dýrt.

Annað það sem ég hef verið að huga að undanfarin ár, er þvílíkt
fjandans drasl er verið að glepja okkur til að kaupa, það er ónýtt
strax á jólum.
Kaupum bækur í ár, það er ég búin að gera í mörg ár hef gefið
barnabörnunum mínum bækur.
Ef við höfum eigi efni á því í ár þá gefið eina fjölskyldubók á heimili.
Það bindur fólk saman að mamman eða pabbinn lesi fyrir alla hina,
get eiginlega ekki hugsað mér yndislegra.

                     *********************

Að allt öðru

Icesave-deilan leist! Kjaftæði! Kjaftæði! Kjaftæði!
Þessi deila er bara á yfirborðinu sögð LEIST, þar til að búið er
endanlega að selja okkur til undirgefni og þakklætis til þeirra landa
sem munu koma okkur til hjálpar, Svo er verður endanlega búið að
ganga frá öllum lausum endum þar á bæ, fáum við rítinginn í bakið.
Æi, þá koma þeir bara með einhverja fúla afsökun, sem við verðum
eigi neitt undrandi á, því við erum svo vön að það sé talað við okkur
smábarnamál, sem við eigi skyljum, þvi við erum fullorðið fólk.

Eitt rak ég augun í og það er að Norðmenn og Danir sækjast eftir
Íslendingum í vinnu.
Mér var bara hugsað til þess, hvernig við komum fram við útlendinga í
okkar landi.
Skyldi það verða eins gagnvart okkur í þessum löndum?

Eigið góðan dag í dag
Milla

Fyrir svefninn

Dagurinn í dag, Þau hringdu frá flugstöðinni, Milla mín,
Ingimar og ljósin mín, þau voru að fá sér að borða áður
en þau færu út í vél, það lá nú við að ég fengi smá hnút í
magann, langaði auðvitað með.
Kaupmannahöfn er bara yndisleg á þessum árstíma.

þau voru síðan að hringja, búin að koma sér fyrir og fara
út að versla smá til að hafa á herberginu, nauðsynlegt er
maður er með litlar títlur eins og ljósin mín.
Sú litla var nú eigi bangin við þessa flugvél vildi bara sitja
með systur sinni, eins og hún hefði aldrei gert annað en að
vera í flugvél, sú eldri orðin vön.

Gísli minn fór heim með elskurnar mínar frá laugum rétt um
fimm-leitið , við borðuðum síðan smá snarl er hann kom
heim og núna er ég bara að fara að sofa, þjálfun í fyrramálið.

Smá eftir Stefán hörð Grímsson.

              Á tímum vor Bjölludýra.

                       Smæðir og stærðir ...
                       allt nær harla skammt.
                       Vísast að hið sanna
                       reynist hvergi satt
                       og sönnun engin sönn
                       né nokkur merking,
                       en forsendur liðist
                       hægt í andstæð tákn.
                       Njótum þess morgunglöð
                       að villast rétta leið!
                       Næsta fótmál skín í undrafrið.

Góða nótt

Aflétta banni, þvílíkt rug, væri nær!

Umdeildu banni Evrópusambandsins, ESB, gegn bognum gúrkum
og kræklóttum gulrótum hefur verið aflétt.
Haft er eftir talsmanni ESB á fréttavef Aftenposten, að reglurnar
um stærð og lögun 26 mismunandi ávaxta- og grænmetistegunda
séu ekki lengur í gildi.

Var mér nú kunnugt um hinar ýmsu bannir ESB, en þið vitið, maður
geymir svo margt í hólfum í heilabúinu sem svo rifjast upp við slík skrif.

Stór hluti heimsins sveltir og það er verið að setja svona rugl reglur.
þeim væri nær, að setja reglur um hversu gamalt og ógeðslegt
grænmeti og ávextir mega líta út í kæliborðum verslana þá meina
ég að sjálfsögðu hér á landi, því eigi kannast ég við hvernig það er
alla jafna erlendis.
Finnst að það er svona mikið grænmeti til að það er sent í
verslanir hálf skemmt, er þá eigi hægt að gera eitthvað úr því og
gefa til þeirra sem svelta?
Spyr sá sem eigi veit neitt, en væri þetta ekki möguleiki.

Löngum er ég búin að kvarta, við toppana fyrir sunnan um lélegt
grænmeti og ávexti í þeirri verslun sem ég versla í,
en að það batni eitthvað, af og frá.
Vörutegundir koma á staðin, jafnvel ónýtar strax, stundum settar
fram í búð, þeim er sjálfsagt uppálagt að reyna að selja þennan
viðbjóð, en stundum, eigi oft, endursend.

Það er nefnilega þannig að toppunum er alveg sama bara ef
verslunin gefur af sér vissa prósentu í hagnað.
Auðvitað verslar fólk við búðina sem á í hlut, fólk hefur ekkert val,
það er önnur verslun, með sömu eigendum á staðnum.
Þar er meira úrval og yfirleitt betra grænmeti, en hún er svo dýr
að fólk veigrar sér við að fara þar inn.
Og þeir sem eigi komast reglulega til Akureyrar að versla,
verða að sætta sig við að versla í þessum búðum.

Ég bjó á Suðurnesjum frá 1965 og verslaði þá við
Kaupfélag Suðurnesja, og Nonna og Bubba í Sandgerði.
Auðvitað var vöruúrvalið eigi svona mikið eins og í dag, en allir gerðu
eins vel og þeir gátu fyrir kúnnann.
Nú svo reis þessi líka verslunin, sem sagt Samkaup, kaupmennirnir dóu
smá saman út, síðan kom Hagkaup á fitjum og síðan Bónus og fleiri
og fleiri búðir
Samkeppnin er mikil fyrir sunnan og gaman að koma inn í þessar búðir
er suður maður kemur og þá aðallega á Suðurnesjum,
því þar þekkir maður sig.

En þið ættuð að sjá muninn á þeim og hjá okkur, hann er "STÓR"
Og ennþá verri er hann og dýrari á smástöðunum hér í kring, þar
sem er bara ein verslun.
Ég gæti endalaust haldið áfram, en hlakka bara til er BÓNUS kemur
á svæðið þá þarf ég eigi lengur að fara til Akureyrar til að versla.

TEK ÞAÐ STÍFT FRAM AÐ ÞAÐ ER EKKERT ÚT Á STARFSFÓLK
HÉR AÐ SETJA, ÞAÐ ER ALLT MEÐ EINDÆMUM YNDISLEGT.

Eigið góðan dag í dag.
Milla.

 

Fyrir svefninn

Fyrir nokkrum árum, þegar deilurnar um líkbrennslu stóðu
sem hæst, sátu nokkrir menn saman og ræddu það,
hvort væri nú huggulegra að vera jarðsettur eða brenndur.
Loks sagði einn þeirra: " Mér finnst það nú ákaflega
tilhugsun að láta brenna sig, og svo gæti maður haft
öskuna á náttborðinu hjá sér."

                        **************

Ólafur þ. Jónsson, sem margir þekkja undir nafninu Óli kommi,
spurði kunningja sinn eitt sinn hvort hann vissi hvað væri
sameiginlegt með sér og Alþýðubandalaginu.
Kunninginn gat að sjálfsögðu ekki svarað, enda vandséð.
Rétta svarið var:
" Við erum bæði hætt að skipta okkur af pólitík."

                      ****************

                      "Kriminel" er kynvilla,
                      Konur að serða áhætta,
                      en að gilja greip sína
                      geysimikil fúlmennska.

                                     Andrés Björnsson, eldri.

                     Gamall húsgangur.

             Hans var jafnan höndin treg
             að hjálpa smælingjonum.
             Gekk þó aldrei glæpaveg,
             en götuna meðfram honum.

                                          Góða nótt

Merkilegt, eða hvað?

Þau komu hér í bítið í morgun að kveðja, Milla, Ingimar og
ljósin mín, þær eru svo yndislegar og knúsuðu okkur svo vel,
Við ætlum svo að hugsa til hvor annarra þá verður söknuðurinn
eigi eins mikill.
Þau fá nú sæmilegt veður nema að það er óveður á Holtavöruheiði.

Við elsku Dóra mín erum að fara smá í búðir, förum svo á fjölþjóðadaginn
síðan bara heim að spila og elda góðan mat.
Það er verst að hún þessi angalóra mín vinnur mig alltaf, en er maður
ekki bara að þessu til gamans?

Eigið góðan dag elskurnar mínar
Milla.

Fyrir svefninn

Við fórum að sjálfsögðu í allar búðir bæjarins, og eigi svo fáar
eru þær. Versluðum í matinn í kaskó, komum við í Esar, þar er
allt svo yndislega jólalegt með öllum fallegu skrautmununum.
fórum síðan í kynlega kvisti þar höndlaði ég mér eina karöflu,
Hand made á 300 krónur, fannst það of lítið svo ég borgaði
bara 500, það er eigi of mikið fyrir þennan glæsilega nytjamarkað.
Fórum svo í apótekið, þaðan í Töff föt, þá var nú kominn tími til
að fara heim og útbúa pitzzuna sem að vanda var ólýsanlega
góð. kaffi og Mosart-kúlur á eftir.

Þreyta var komin í ljósin mín, litla ljósið spurði ömmu sína
hvort hún mundi eigi sakna hennar á meðan hún væri í
kaupmannahöfn, jú það mun ég gera ljósið mitt sagði ég,
þá tók hún um hálsinn á ömmu og sagði ég mun sakna þín líka
amma mín.
Þau koma svo í bítið í fyrramálið til að kveðja.

Við ætlum svo á morgun englarnir, Dóra mín og ég að fara á
fjölþjóðadag sem haldin verður hér á morgun, og þær mæðgur
fara ekki heim fyrr en á sunnudaginn.

Og nú ætla ég að bjóða dömunum mínum að yfirtaka tölvuna
því amma er að hugsa um að fara upp í rúm og byrja á bók
númer eitt af fjórum sem þær voru að lána mér.
Bókin heitir Twilight eftir Stephenie Meyer og eru þetta víst
afar flottar bækur, það kemur í ljós.

                         Góða nótt