það fer að skella á, sko fjörið.

Gísli minn er að sækja englana mína fram í Lauga og þá verður
nú fjör í bænum, er þær koma förum við að versla mæðgur og
tvibbarnir druslast með, vilja náttúrlega helst leggjast í dvala
með bækur, eða í tölvuna.
Þær ætla svo í kvöld að búa til þeirra listapitzzur og er Millu,
Ingimar og ljósunum mínum boðið í mat.
Þau eru svo að fara suður í fyrramálið og út til köpen á sunnudaginn
það á að leifa ljósunum að njóta jólastemmingar í tívolí og allri köpen
reyndar, ekki dónalegt það, en ömmu kvíðir fyrir að vanda, er aldrei í
rónni er fólkið mitt er erlendis, en það er nú víst bara móðursíki,
kannist þið nokkuð við svoleiðis síki? Ekki ég.
Mun verða eitthvað lítið í tölvunni um helgina, það er svo gaman er þær
eru í heimsókn mæðgur, það er helst að ég kíki aðeins á ykkur áður en
þær vakna á morgnana.
Ljós í helgina ykkar
Milla

Er alvarlega að hugleiða.

Já mér er bara spurn, hvað á maður að hugsa annað en að
borga í sömu minnt ef svo heppilega vildi til að maður fengi
það upp í hendurnar á sér að þurfa að bjarga einum danski,
og öðrum þeim þjóðum sem koma fram við okkur,
eins og hryðjuverkamenn.
Ólafur Harðarson, lenti í því að
stranda Bát sínum við Randnes á Jótlandi. og eins og allir
geta lesið þá var eigi komið par vel fram við hann, var meira að
segja skilin eftir um borð í bátnum vatns og matarlaus.
En það fór sem betur fer vel, þess vegna getur maður bara hlegið
að þessum bjánum, sem haga sér eins og smákrakkar.
Hvar er mannkærleikurinn?

Nú það er þetta með ferðaskrifstofurnar erlendis, þær ættu nú
að vita að eigi ber að lesa allt upp sem í stendur þeirra skrautlegu
blöðum, en þeir gera það og þess vegna þarf ferðamálastofa
að fara til nokkurra landa til að fullvissa þessa bjána um að það sé
nú bara allt í lagi að selja ferðir til Íslands.
Er nú samt að furða mig á þeim hæfileikum íslendinga, endalaust
að vera að afsaka sig og búkka fyrir þeim sem troða okkur um tær.
Og er það nú eigi bara á þessu sviði.
Af hverju ekki bara að leita á önnur mið?

Svo við komum aðeins að lyfjakostnaðinum, hann er nú alveg sér
kafli út af fyrir sig, en flest þurfum við á þeim kafla að halda.
það kostar að vera: Hjarta og skjaldkyrtilsveikur, einu sinni voru
þau lyf frí, en eigi lengur, síðan þarf maður að taka kalk, lýsi,
hormónatöflur að því að maður er með svo mikla kölkun í þessum
elsku beinum, hjarta magnil, blóðþrýstingslyf, magalyf til að þola nú öll
þessi andstyggðarlyf sem alveg lífsnauðsynlegt er að taka.
Nú ef ég tek eigi hjartalyfin mín sem eru þrjú, þá bara fer ég
sex fetin. það væri kannski bara ódýrast fyrir ríkið ef maður hætti að taka
þennan ólyfjan, nú ef einhver mundi nú ná að bjarga skjóðunni, þá yrði
manni slett inn á sjúkrahús, nú ef ekki þá mundi maður bara fara sex fetin
niður, og það á kostnað ríkisins, því ekki á maður fyrir útförinni.
Ekki veit ég hvað er ódýrara fyrir ríkið, en þeir eru að hækka lyfin,
en eitt veit ég að hærri lyfjakostnað get ég eigi tekið á mig.
Finnst ykkur þetta ekki skondið og svo ef maður sækir um endurgreiðslu
vegna lyfjakostnaðar, þá er það eigi möguleiki vegna þess að ég er of tekjuhá.
Maður fær nú bara hláturskast

Ljós og gleði í daginn ykkar
Milla sem er ætíð í góðu skapi.

Fyrir svefninn

Kaupmaður í Reykjavík fór til lögfræðings og lét hann gera
erfðaskrá sína, Hann tók fram, að líkið skyldi brennt,
" Og hvað með öskuna?" spurði lögfræðingurinn.
" Sendu hana til skattstofunnar. Þá hafa þeir fengið allt,"
svaraði kaupmaðurinn.

                   ***********************

"Mér þykir það leitt, Óli minn, að ég verð að hafna þínu góða
boði," sagði ung stúlka við dansherra sinn eftir dansleik.
" Síðast er ég þáði boð um að koma með þér heim, var
ég níu mánuði að ná mér."

                  ***********************

Gvendur stofnauki, sem margir Reykvíkingar kannast við,
var kunnur Bakkusarþræll en þekktur fyrir orðheppni sína.
Nokkru eftir þorskastríð Íslendinga og Breta út af 12 mílna
landhelginni, en í því stríði hafði Hermann Jónsson
ráðherra bannað varðskipsmönnum að skjóta á breska
togara, var Gvendur viðstaddur landsleik Íslendinga og
Englendinga í knattspyrnu. Leikar stóðu 6-0 fyrir enska líðið
og var orðið örvænt um að Íslendingar mundu skora.
Þá hrópaði Gvendur:
" þið þurfið ekki að taka það svona hátíðlega strákar,
þó hermann hafi bannað að skjóta."

                                    Góða nótt

Hittingur á Akureyri.

Bloggarahittingur á Akureyri

Bara svona að láta vita með góðum fyrirvara.

Staður: Vonandi verðum við á sama stað og síðast, læt vita með 
fyrirvara. Það var á kaffi Karolínu.

Stund: Laugardagur 22. nóvember kl. 16.00

Þetta með tímasetninguna er allt með ráðum gert. Þær sem eru
að vinna vaktavinnu og vinna aðra hvora helgi og voru að vinna
síðast, þær eru í fríi núna.

Ég held að allir hafi verið ánægðir með staðsetninguna. Nóg pláss,
samt hægt að bæta við stólum.

Langt frá háværu kaffivélunum, það finnst mér mikill kostur þegar
fleiri eru.

 Endilega setjið þetta inn á ykkar síður.

Hlakka til að sjá sem flesta

Anna Guðný

897-6074

Endilega látið sjá ykkur, það er fjör hjá okkur er við hittumst
það vita þeir sem hafa komið.
Knús í knús
Milla.

Fyrir svefninn

Einar Magnússon fyrrum kennari og rektor við
menntaskólann í Reykjavík gerði mikið í því að fá nemendur
sína til að tala hátt og skýrt í stað þess að muldra í barminn.
Einhverju sinni var Einar að spyrja nemanda út úr í dönsku.
Sá tuldraði eitthvert svar, svo að Einar greindi ekki orðin.
Einar sagði þá, að þó sér væri margt til listannalagt,
þá kynni hann ekki að lesa af vörum.
Sverrir Hólmarsson, sem var nemandi í þessum bekk,
orti þá í orðastað Einars.

                 Flest er mér til lista lagt,
                 að lesa dönsku og vinna úr svörum,
                 en um mig verður ekki sagt
                 að ég kunni að lesa af vörum.

Nemendur skrifuðu vísuna upp á töflu fyrir næsta dönskutíma.
Einar, sem var mikill andstæðingur allrar nýlistar, las vísuna
og sagði síðan, að sá, sem hefði sannað að hann gæti ort
svona, hefði heimild til að yrkja atómljóð.

Fyrir allmörgum árum varð mikill úlfaþytur út af grein sem
birtist í vikunni um greinar bókmenntafræðinga um
atómskáldskap tveggja ungra blaðamanna, og gerðu
þeir lítið úr þeirra skáldskap.
Þá orti einn húmoristinn:

                Dæmi sig hinn dóma strangi
                dárann mesta í glópa flokki.
                Alltaf hefði Mera Mangi
                munninn þekkt á skeiði og brokki.

Góða nótt.

ALLT ER ÞETTA FRÁ SAMA GRUNNI.

Hafið þið tekið eftir! er börn eru í  leikskóla, skóla, starfi eða
bara við leik/skemmtun.
Ef maður skoðar hópinn þá er ávalt einhver sem reynir að ná
sem mestri athyglinni.
Það er gert á mismunandi hátt og ólíkar eru uppskerurnar,
bara eins og börn/fólk er mörg.

Tökum börnin t.d. þau eru að leik eitt er það sem ber mest á,
eitthvað kemur upp , þá er þessu barni sem er með mestu
athygli-vöntunina tekið fyrir, af hverju? Jú það heyrðist mest í því,
hlýtur að vera að það barn sé sökudólgurinn.
Eins er með barnið sem fer einförum, engin vill leika við, það er
svo auðvelt að kenna því barni um eitthvað sem annar sterkari
gerði.

Þeir sem eiga að taka á þessum málum gera það eigi því það
er fundin sökudólgur.
Auðveldasta leiðin.


Hvað skildu verða margir núna í ár sem þurfa athygli, bara vegna
svo margra hluta sem þau skilja ekki.

Ölum börnin okkar upp í því að vera góð við alla
og að það sé í lagi að vera öðruvísi.

Það heldur nefnilega áfram þetta með athyglissýkina,
því hún hættir eigi fyrr en þú færð hlýu og skemmtileg heit
frá þeim sem eru í kringum þig.
Ef fólk fær hana ekki þá getur það orðið veikt og gerir hina ýmsu
hluti sem mundu eigi gerast ef fólk hefði fengið kærleik í sálartetrið sitt.

Það er verið að tala um að allir eigi að vera á varðbergi yfir þeim sem
jafnvel eiga erfitt, og hjálpa, gerum það þá, því þetta kemur allt frá
sama grunni einmammaleikanum sem byrjar er maður lítill er.

Ég hvet alla til að gefa af sér við fólk, talið jafnvel við þá sem ykkur
finnst þurfa þess umfram allt brosið og segið góðan daginn.
það gefur ykkur jafn mikið og þeim.

Eigið góðan dag kæru vinir
Milla.

Fyrir svefninn

Jóhannes heitinn Kjarval hitti kunnan athafna- og peninga mann
á götu og bað hann að lána sér 100 krónur.
Hinn taldi Jóhannes ekki með traustustu skuldurum og sagðist
því miður ekki eiga neinn pening.
Nokkru seinna hittust þeir aftur í fjölmennu samkvæmi, Jóhannes
vatt sér að manninum, rétti honum 100 krónu seðil og sagðist
ætla að borga honum.
Vinurinn varð vandræðalegur og sagðist aldrei hafa lánað honum.
" Nei ég veit það," svaraði Jóhannes, "en þú vildir gera það.
þú bara gast það ekki."

Tveir fermingardrengir, ræddu um "Faðir vorið," og merkingu þess
og fannst öðrum það óþarfi að hafa daglega,
gef oss í dag vort daglegt brauð, vikulega væri nóg.
Hinn var nú ekki á sama máli, því hann taldi það nú best nýbakað.

                Brosmilda nótt.

             Allt mitt hugarfár
             það er til einskis,
             en ég felli tár
             um brosmilda nótt.

                     Máninn skein,
                     á okkar algleymi,
                     er við mættumst fyrst,
                     í fjörusandinum,
                     á brosmildri nótt.

                             Þú blómstraðir
                             við eignuðumst Perlu
                             sem að minnti mig
                             á brosmilda nótt.

            Ég elskaði
            þína englaásjónu
            með gyltan geislabaug
            sem að minnti mig
            á brosmilda nótt.

                            Ljós þitt slokknaði,
                            í drunga vetrar,
                            og þú hvarfst á braut,
                            á silfruðum öldunum
                            sem að bera þig heim.
 

                                        Allt mitt hugarfár
                                        það er til einskis,
                                        en ég felli tár
                                        vegna minninga
                                        um brosmilda nótt.

                         Gísli Þór Gunnarsson.

Góða nótt.

Hugleiðingar á þriðjudagsmorgni.

Þar sem ég fyrir nokkru síðan tók þá ákvörðun að eiða eigi
minni orku í að blogga um kreppu eða annað slíkt þá reyni
ég að gera það ekki, en á stundum er afar erfitt að finna
jákvæðar fréttir, og þó, kannski neikvæðar sem enda jákvæðar.

                   *************************

Þjófur sem iðraðist gjörða sinna, Frábær frétt, sendi eigendum
verslunar einnar í Bristol á Englandi afsökunarbréf og í því voru
100 pund, sagðist hann hafa stolið frá þeim sígarettum árið
2001. Ja hérna batnandi mönnum er best að lifa.

                ***************************

Ársgamalt barn í umsjá barnaverndarnefndar, það er sorglegt
að foreldrar skulu eigi hugsa um barnið sitt betur enn
skemmtanalífið. Vona að allt fari á besta veg.

                ***************************

Skotar saka Íslendinga um ofveiði á Makríl, ja svei skítalikt,
þetta er náttúrlega ekki satt, en ef er þá verðum við nú að
bjarga okkur.
þeim ferst að tala.

               ****************************

Nú máttu bara skammast þín Bjarni Harðarson að gera Valgerði
þennan ljóta grikk.
Var hún ein um gjörninginn? Held eigi.

              *****************************

Ég var að tala um reiðina í gær, sannast hefur að reiðin er skaðleg.
maður nokkur var reiður og braut rúðu á skemmtistað og hlaut
það mikla áverka að það þurfti að flytja hann til læknis, þar á
eftir fékk hann að dúsa fangageymslu lögreglunnar yfir nótt.

             *****************************

Gleðifrétt af Skaganum þar fékk maður hjartaáfall úti á golfvelli
vinir mannsins hringdu 112 og þeir voru snöggir að bregðast við
ásamt sjúkraflutningamanni sem þeir tóku upp á leiðinni.
Hjartastuðtæki var í bílnum og björguðu þeir manninum.
Yndislegt er að þessi maður og hans fjölskylda skuli geta verið
saman um jólin.
Og til hamingju strákar með þessa björgun, það eru svona atvik
sem gefa starfinu gildi.

                 ***************************

Jæja svo er ég að fara að vinna í dag og það verður bara
skemmtilegt að vanda.
Litla ljósið mitt mun svo koma í pössun kl 4 því það er
bekkjarskemmtun hjá Ljósálfinum.

Heyrumst í kvöld og eigið góðan dag í dag.
Milla

Fyrir svefninn

Í morgunn er ég fór í þjálfun þá var grenjandi rigning, svo
Gísli minn keyrði mig, því stundum er erfitt að fá bílastæði
upp við húsið, er hann kom að sækja mig var komin slydda,
nú er heim var komið fórum við að sneiða niður brauðið sem
ég bakaði í gær, Nei! nei, ekki í höndunum heldur í brauð-
hvífnum, og gengum frá því í frystiskápinn.
Það er bara yndislegt að eiga nóg af brauði.

Fór aðeins að vinna um 2 leitið og er Gísli minn sótti mig kl 4
þá voru tvær heima, Ljósálfurinn og litla ljósið, mamma þeirra
var að vinna og pabbi þurfti að skreppa aðeins í vinnu.
Fljótlega kom Milla mín til að fara með Ljósálfinn í fimleika,
en við höfðum það bara fínnt hér á meðan.
Litla ljósið mitt var orðin svöng og henni langaði í brauð með
mysing og kavíar, sko saman, hef nú aldrei skilið þann smekkinn,
afi og Neró sofnuðu í sínum sófa, en við fórum að horfa á Garðabrúðu.
Bara gleði og kærleikur á þessum bæ, allir ætíð í góðu skapi.

Áfram færi ég ykkur smá úr Bændablaðinu.

                Fífl og dóni

Geir H Haarde sagði við upplýsingafulltrúa að Helgi Seljan
fréttamaður væri algjört fífl og dóni og heyrðist það vel
í sjónvarpinu, þótt svo hafi eflaust ekki átt að vera.
Þá orti Kristján Bersi:

             Í viðtölum elginn vaða kann,
             veldur samt engu tjóni.
             En ég er alveg eins og hann,
             ,,algert fífl og dóni".

            Engin grætur auðkýfing

Jón Ingvar Jónsson orti þessa bráðsmellnu vísu
sem þarfnast eigi skýringar:

            Meðan okkar þjóðar þing
            þarf að halda á lausnum
            engin grætur auðkýfing
            einan sér á hausnum.

Góða nótt.

Yfirgangur og reiði.

Sporðdreki:
Þú þarft ekki að hlusta á þá sem sýna þér yfirgang.
Reyndu að sættu þig við það sem þú færð ekki breytt
og njóta svo lífsins.

Já það er nú akkúrat það sem ég geri, á mjög auðvelt með að
þurrka það fólk út úr mínu lífi sem sýnir mér yfirgang og vanvirðingu.
Hver hefur svo sem rétt til þess, hvort það er ég eða einhver annar.
Mér finnst þannig fólk vísast fyndið með meiru,
en snerti það mitt fólk og mína vini getur það tekið svolítinn tíma á
stundum að fá fólk til að skilja það siðleysi sem það við hefur.

REIÐIN.

Já það er þetta með reiðina. Ég spurði fyrir nokkrum vikum að mig
minnir, í könnun,  hvort fólk vildi lifa í reiði? 80,6% sögðu nei
6,5% sögðu já og 12,9% sögðu bæði og.
Sem segir okkur að flestir vilja eigi lifa í reiði, skiljanlega það er hundfúlt
að vera ætíð reiður.
Ef maður er reiður þá er maður svipljótur, fasljótur, ósanngjarn svo ég tali
nú eigi um leiðinlegur fram úr hófi fram.

Ég er búin að komast að því að reiðin skapast af fljóthugsun, maður leifir eigi
skynseminni að komast að fyrst til að hugsa til enda hvað sé best að gera,
þið skuluð nú eigi halda að ég viti ekki af eigin raun hvað þetta er erfitt,
en prófið, það léttir lífið.

Við bætum ekkert með reiðinni, hún skapar bara glundroða.

Eigið góðan dag í dag
Milla.

Fyrir svefninn

Jæja eins og ég tjáði ykkur í dag þá fæ ég eigi að vera í minni
eigin tölvu er þær, englarnir mínir eru vaknaðar og það gerðu
þær klukkan þrjú, þá fengu þær sérmorgunmat, hádegismat og
eftirmisdagskaffi, sá matur sem varð fyrir valinu, var að sjálfsögðu
buff-afgangar síðan í gær.
Nú afi fór síðan með þær fram í  Lauga um fimmleitið.
Neró fékk að koma með.

Hann kom tilbaka með matinn sem Dóra var búin að kaupa til jólanna,
og látið ekki líða yfir ykkur, straujuð og fín rúmfötin sem þær ætla að nota
hér um jólin, vilja hafa sitt eigið, en það er sko bara 9/11, svo er verið að
tala um mig þó ég sé búin að öllu um miðjan.

Nú að því að ég elda ætíð fyrir 10 mans þá var afgangur í kvöldmat fyrir
okkur Gísla, enda bara ágætt því ég er orðin þreytt eftir daginn.
bakaði matarbrauð í dag og kryddbrauð til að gefa þeim með sér heim
þeim finnst það svo gott.

Það eru oft snjallar vísur í bændablaðinu,
og hér koma nokkrar.

                     Heppni.
Einhvern tíman á dögum holóttu veganna lenti bíllinn
hjá Bjarna Jónsyni úrsmið á Akureyri,
svo harkalega ofan í holu að konan hentist upp í bílþakið
og fékk gat á höfuðið.
Þá orti Bjarni:

            Aftur í bílnum Ólöf sat,
            ólmur hossast jeppinn,
            á hana er komið annað gat,
            alltaf er Bjarni heppinn.

                 Ljótur poki.

            Bjarni orti þessa líka.   

            Lífið er eins og ljótur poki
            sem lafir á snúru í norðanroki.
            Svo fyllist pokinn og fýkur tuskan
            og fer einhvern andskotann út í
                                               buskann!

Góða nótt og munið ljósin 

Sunnudagur að morgni dags.

Ja hérna! Ef morgun skildi kalla, klukkan er að verða tíu,
undur og stórmerki gerast enn.
Haldið ekki að ég hafi sofið til níu, fór reyndar seint að sofa,
en það er nú engin afsökun fyrir þessari leti.
Þau voru hjá okkur í gær Milla mín og Ingimar með ljósin mín,
englarnir voru hér og eru búnar að vera alla helgina, maður veit
nú ekki mikið af þeim frekar en vant er nema ef við dettum inn í
umræður um einhver mál.

Í gær voru þær að kenna ömmu hægfara, ( sko að þeirra mati) á
Diggital myndavélina sem þær gáfu mér, en þær keyptu sér nýja í
Ameríkunni. Ég á sko rosa flotta og dýra myndavél með linsum og alles
en sko með filmu það er eigi nógu gott er maður er með tölvu og langar til
að setja  inn myndir.

Núna eru þær steinsofandi þessar elskur, Gísli minn farinn í göngutúr
í hellirigningu, en reyndar logni svo hann mun bara koma blautur heim
ekki veðurbarinn.
Ég er að hugsa um að fá mér bara sjæningu, þið vitið þetta hefðbundna
sem  maður gerir á  hverjum morgni.

En vitið þið að í hvert skipti sem ég opna blað sem hefur að geyma
mataruppskriftir þá er einhver vín ráðgjafi að ráðleggja vín sem passar
vel með þessari uppskrift, og er vínið nafngreint, er það ekki auglýsing?

Nei mér datt þetta bara svona í hug vegna dóms sem var að falla á
fyrrum ritstjóra DV vegna auglýsingar sem birtist í DV um Amarulla liqor
þeir fengu upphaflega 400.000 króna sekt, en Hæstiréttur hækkaði sektina
í 800.000. Jón Steinar vildi hinsvegar sýkna þá og láta kostnað falla á
ríkissjóð.
Nú les ég aldrei DV en mér fannst þetta skondið þar sem ég las þetta í
frétta blaðinu með tilliti til þess sem maður les í öllum blöðum sem snerta mat
Hafa þau einhvern sérsamning við lögin.
JA bara eins og svo margur annar virðist hafa.
Það er svo margt sem ég skil eigi í þessu þjóðfélagi.

Eigið góðan dag í dag.
Milla                                                                                                                                                                                         

Fyrir svefninn

 

 

 

 

 

 

 

 

 

 

 

 

 

 

Þessi mynd heytir Bláu augun  og er af litla ljósinu hennar
ömmu sinnar.

 

 

 

 

 

 

 

 

 

 

 

 

 

 

 

 

 

 

 

Þetta er Ljósálfurinn minn.

Englarnir mínir, tekið á mæra-dögum í sumar.

Hér er búið að vera fjörugt og skemmtilegt að vanda er
fólkið mitt er hjá okkur, borðuðum saman í kvöld, og var
ég með buff og spælegg, bara upp á gamla góða mátann.

Góða nótt kæru vinir
Milla

Var ríkið að reyna að bjarga bankanum?

Eða voru þeir bara að henda okkar peningum er þeir settu
x marga miljarða inn í KB banka til að reyna að bjarga honum?

Voru þeir að þessu til að reyna að bjarga fjárhag viss hóps
manna og kvenna, hafa kannski haldið að það yrði friður
um alla gjörninga, er ró kæmist á, nei ekki aldeilis, fólk bæði
hér heima og erlendis vill fá sína peninga og við viljum fá
skýringar á öllum þeim sora sem hefur viðhafts hér á landi
undanfarin ár.

Merkilegt hvað þessir menn hafa lengi haldið að þeir kæmust
upp með allt sem þeim datt í hug, og þó, við erum svo meðsek,
hvernig? Jú við erum búin að kjósa þetta yfir okkur allar götur,
er búið er svo að kjósa, mynda ríkisstjórn, setjumst við í helgan
stein og sinnum eigi eftirlitsskyldu okkar frekar en aðrir sem áttu
að hafa eftirlit með bönkunum í landinu.
Við höldum nefnilega að ekkert sé hægt að gera fyrr en í næstu
kosningum. Regin misskilningur.

Ef einhverjir eru ennþá svo grænir að halda að botninum sé náð
þá vaknið til lífsins og þroskist.

Eigið góðan dag í dag
Milla

Sameinast gegn Kaupþingi

Ljós í myrkri.

 

Á þessum skammdegisdögum er nauðsyn að birta og ylur kærleiks
og vinskapar streymi um nágrenni okkar. Við þyrftum nú strax að
hvetja alla til að byrja á því sem kallað er -Ljós í myrkri-.
Í fyrstu væri einungis lifandi kertaljós í einum glugga, falleg kveðja
til nágrannans.

Þetta er í raun byrjun á ljósaskreytingu aðventunnar en væntanlega
meir með hvítum ljósum sem síður eru tengd sjálfum jólunum. Stígandi
væri í þessu sem byrjaði á kertaljósi í glugga og endar í fallegum
velupplýstum gluggum í byrjun aðventu.

Látið þetta berast.

                      Á jökultindinum
                      lýsir bergkristallinn
                      langar leiðir
                      allt í kringum hann
                      svífa ljóðin
                      fjólublá
                      turkís rauð
                      í morgunkyrrð.

                      Við göngum
                      inn í ljósið
                      ljóðin
                      ljóðlýst
                      í tindinn.

Úr ljóðabók um Hvannadalshnjúk
Hallfríður Ingimundardóttir.
                                                  Góða nótt.

Betra er seint en aldrei.

Heyrt í sveitinni, ritar Kristján Gunnarsson mjólkureftirlitsmaður
pistil um að hann öðru hvoru heyri um náttúrulegar lækningar
á mönnum og dýrum.
Hann minnist á að hvort sem er um inntöku ýmissa Elixíra þ.e.
samsuða ýmissa efna og jurtaseyða af öllum gerðum, eða þá
breyttum samsetningum á matarræði.
Í öðru lagi eru náttúrulækningar sem byggjast aðallega á breyttum
lífstíl, hreyfingu og ástundun heilbyggðs lífernis yfirleitt.

Hann minnist á hvað frakkarnir hafa ofurtrú á að Rauðvínið sporni
við því að þeir detti niður dauðir, einn góðan veðurdag.
Talar um að hann nýti sér þessa speki er hann kemur kannski of
ört heim með rauðvín að konunnar mat.

Þetta er nú að sjálfsögðu gletta hjá manninum. Eða er það ekki?

Hann talar einnig um að sumir bændur hafi prófað hinar ýmsu aðferðir
við hinum mörgu kvillum sem hrjá kúastofninn, með misjöfnum árangri,
og á stundum engum. Sumir gefa skít í slíkar kúnstir og kalla bara til
dýralækni.


Já mín skoðun er sú , eftir að vera búin að lesa læknisdóma alþýðunnar
síðan 1970, að ef þú ætlar að nýta þér þessar umræddu lækningar
þá getur það tekið tíma og þolinmæði, en oftast kemur bati fljótlega í ljós.
þeir sem ekki hafa tíma, reka sitt bú bara á hraðanum bjalla bara í dýra
og fína dýralæknirinn.
Ég tel nú á þessum síðustu og bara yndislegustu tímum að bændur
ættu að taka þetta í sínar hendur.
Kaupið bara Læknisdóma Alþýðunnar, sem ég veit nú ekki hvort að er
til lengur, en kannski er hægt að nálgast þessar upplýsingar
t.d. hjá bændasamtökunum, eða hvað?
Ráðin sem í þessari bók standa, duga, og kosta eiginlega ekki neitt
nema þolinmæði.

Þessi merka bók sem Kristján rakst á,  var gefin út 1962 af
D.C. Jarvis M.D. eftir að hafa numið til læknis fluttist hann til Barre
og stundaði þar sína sérgrein háls,nef, eyrna og augna-lækningar.

Þar fékk hann áhuga á því að nema sér kenningar Alþýðulækninga
sem urðu til þess að hann gaf út þessa bók til að miðla því sem hann
var búin að afla sér í áranna rás,
hann vildi síður að það færi með honum


Hann talar um að Húnvetningar hafi verið fikta með eplaedik við
júgurbólgu og væri nú fróðlegt að heyra af reynslu þeirra.

Já það væri gaman og annarra á landinu sem hafa notað þessar
Náttúrulækningar og fleiri sem í þessari fróðu bók stendur.
verð nú að segja að mér finnst það frekar neikvætt að tala um að
þeir hafi verið að fikta við, annað hvort er maður í þessu eða ekki.

Í kreppunni ætlar hann svo sannarlega að velja Rauðvínið, en eitt
skal ég segja ykkur að eplaedikið er bara miklu heilsusamlegra en
rauðvín.

Allir ættu að eiga þessa bók, það er að segja ef fólk hefur áhuga á
að bæta heilsu sína og dýranna sinna.
Svo hvet ég alla til að lesa Bændablaðið, það er bæði skemmtilegt og
fróðlegt.

Mælt af munni fram.        Tekið úr bændablaðinu.


Bjarni Jónsson á Akureyri orti þessa vísu á krepputíma.

Hugarvíl og harmur dvín
er horfi ég á frúnna
hún er eina eignin mín
sem ekki rýrnar núna.

Bjarni mun einnig hafa ort þessa vísu.

Gleðinnar dyr

Gleðinnar ég geng um dyr
Guð veit hvar ég lendi
En ég hef verið fullur fyrr
og farist það vel úr hendi.

Eigið svo góðan dag í dag
Milla.

Fyrir svefninn.

Jæja góður dagur á enda runnin. Fórum á eyrina í dag,
byrjuðum á því að fara upp á dýraspítala til að kaupa hundafóður.
Þar sáum við einn af þessum stóru köttum sem geta orðið 16 kg
þessi var æðislegur, litirnir stórkostlegir og svo eru þetta bara
keli dýr, aldrei nein læti í þeim.
Vorum orðin svöng að því loknu, höfðum eigi mikinn tíma svo við
skelltum okkur inn á olis, fengum okkur take a way coffy og einhverja
brauðbáta, æðislegir., síðan með fötin í herinn og svo upp á spítala
ég inn á hlaupum orðin of sein, en það slapp til.
Allt kom afar vel út betur en síðast, ætli ég geti ekki þakkað breytta
lífsstílnum það ekki að hann taki frá mér fjandans fæðingargallann,
en hann bætir heilsuna sko lífsstíllinn.
Hjartalæknirinn minn var mjög ánægður með mig.
Ég var náttúrlega í skýjunum yfir þessu hrósi sem ég fjékk, sko
maður ætti nú eigi að fá hrós fyrir að halda í sér lífi, það ætti nú
að vera sjálfsagður hlutur.

Fórum síðan í Bónus að versla í bakaríið við brúnna í kaffi.
Og það er allt svo friðsælt á Eyrinni hjörtu út um allt og maður fyllist
gleði við að horfa á þau.

Brunuðum svo Austur í Lauga til að hitta englana mína það.
fengum sko kaffi hjá Kristjáni kokk og nýbakaðar gamaldags lummur,
ekkert er nú hægt að fá það betra, spjölluðum heil lengi fórum svo upp
til þeirra og stoppuðum þar dágóða stund.
Núa sit ég hér eins og ég hafi orðið undir valtara, úrvinda eftir daginn.
En hann var æðislegur að vanda.

                             Við Landsteina

                    Hve undurhægt vaggar bátur þinn
                    við landsteina eigin bernsku.
                    I mjúkum silkispegli,
                    bak við langa ævi,
                    horfist þú í augu við litla stelpu,
                    slegið hár hverfist  í leik smárra fiska,
                    í sólskini fljúga þeir á gullnum vængjum
                    inn í laufgrænan skóg.

                                                             Jón úr Vor.

Góða nótt.                                   

Þetta er nú bara skemmtilegt.

Get nú eigi orða bundist því þetta er bara flott.
Sko þessi flotti strákur kemur einhvernvegin ætíð aftan að
ráðamönnum, allir halda að nú sé hann loksins að fara á hausinn
þessi skaðvaldur í útrásinni, svo bara er hann allt í einu búin að kaupa
fullt af mikilvægum fyrirtækjum hér á landi, og ráðamenn snúast í hringi
og undra sig á því hvað hafi verið að gerast.

það sem gerðist var að Jón Ásgeir aðaleigandi Rauðsólar sem nú heitir
Ný sýn hf. hefur keypt 365 og ýmislegt annað og ráðamenn froðufella
yfir því að það sé verið að rétta einum manni allan auglýsingamarkaðinn
í landinu, þetta verði nú að stoppa, eins og einhver komst að orði.

Ég spyr nú bara hefði þá ekki átt að stoppa einhverja aðra fyrst,
og láta menn sem hafa leikið sér með landið okkar að sinni vild
bera ábyrgð?

Það hvarfar að mér sú hugsun að ef einhver í þeirra röðum hefði
keypt þetta allt hvort það hefði eigi bara verið kallað eðlilegt eins
og málin stæðu í dag, það væri jú verið að halda uppi atvinnu fyrir
fólkið á þessum stöðum, sem væri þarft verk, en að því að það var
götustrákurinn, Jón Ásgeir þá hentaði það eigi.

Þú ert bara flottur strákur Jón Ásgeir og er mér bara alveg sama
hvort þú hefur brotið einhvern tíman af þér í einhverju, þá bara
gerum við það öll einhvern tímann á lífsleiðinni.

Ath. Útrás er nauðsynleg annars stöðnum við inni í okkar kæra landi.

Ath. Til að afla peninga þarf að fjárfesta.

Ath, Hvernig fór eigum við vonandi eftir að fá skýringu á.

En vill einhver svara í einlægni: " Veit einhver sannleikann í því,
hvort hann hefur gert það?"

Heyr heyr fyrir þér flotti strákur.

Er að fara til Akureyrar í dag og klakka til að lesa viðbrögð ykkar
er heim kem

Eigið svo góðan dag í dag.
Milla.

Tilbúinn til að fara niður fyrir 40%

Fyrir svefninn.

Sáuð þið fréttirnar um jákvæðnina og gleðihjörtun á Akureyri,
yndisleg frétt, og mættu fleiri bæir taka sér þetta til fyrirmyndar.

Búið að vera nóg að gera í dag, fór í þjálfun í morgun, heim að stússast
fengum okkur grænmetis-omelettu í hádeginu, síðan um tvö fór ég að
gá að henni Gunnu sem sér um kynlega kvisti því hjá henni var viðbót
af fötum sem áttu að fara í hjálpræðisherinn á Akureyri.
kom heim og skellti lit í hárið á mér, maður verður nú að vera sætur er maður
er að fara í gangráðaeftirlit og svo er það svo jákvætt.
Á meðan hann var að virka fengum við okkur kaffisopa, Gunna kom með
fötin fengum okkur kaffi saman og hlátur, Gunna sagði brandara, hún er
svo góð í þeim að öðru eins hef ég eigi kynnst, enda að vestan.
Gísli minn fór að ná í Ljósálfinn í fimleika og síðan borðuðum við hjá
Millu og Ingimar, að vanda gott, Mexíkó matur.

Á morgun erum við svo gamla settið að fara til Akureyrar bæ jákvæðni
og gleði.
Förum með fötin í herinn síðan upp á sjúkrahús, versla smá,
fáum okkur kaffi og síðan í Lauga að sjá englana mína þar.
Svo það verður eigi minna að gera á morgun, en allt sem ég er að gera
er bara svo skemmtilegt að það fleytir manni yfir allt.

                   Sólargull.

          Röðull steypir ljóssins sjóði
          yfir fjöll vatn og sand,
          glitrar skært í morgunljóma
          okkar grýtta ættarland.

          Jörðin vaknar undrum slegin,
          allt af vetrardvala rís,
          mosahraunið litum bregður
          eins og suðræn paradís.

         Moldin grípur fegins hendi
         þetta skýra sólargull.
         snauður bóndi gerist ríkur
         þegar hlaða hans er full.

                     Helgi Sæmundsson.

Góða nótt.

Mikið gekk á í Hnífsdal.

Gott að heyra að engan sakaði í Hnífsdal í nótt er
Tinda-strákarnir voru kallaðir út vegna óveðurs og
komu skjótt eins og þeirra er vani.
Ekki hafa nú vinir mínir Hnífsdælingar kippt sér mikið
upp við þessi smá læti, þeir eru öllu vanir og sendi ég
þeim mínar bestu óskir.

En hugnast hefði mér betur, þó Hnífsdalur tilheyri í dag
Ísafirði að hinir ágætu fréttamenn moggans hefðu haft mynd
af Hnífsdalnum hinum fagra.

Sumir gætu, sem aldrei hafa komið vestur, haldið að þessi
mynd væri af Hnífsdal, en hún er frá Ísafirði.

Eigið góðan dag í dag
Milla.

Rúður brotnuðu í Hnífsdal