Að tryggja öryggi og sálarástand fólksins.

Auðvitað er það forgangsmál að tryggja öryggi fólksins.
Algengt er að fólk segir það slasaðist engin,
og hitt eru bara dauðir hlutir, en þessir dauðu hlutir sem
þú augum lítur er heim kemur, allir í rúst, myndir ónýtar,
þessi og hinn hluturinn sem þú áttir minningar um,
jafnvel í maski á gólfinu, eldhúsið þitt rústað, og bara
allt í gólfinu.

Þá eru ekki margir sem skilja þá sorg sem vaknar innra
með fólki er það horfir yfir hlutina sem það er búið að
hafa í kringum sig allt sitt líf.
Endalaust er verið að muna eftir þessu og hinu,
sem er að eilífu horfið.
Það er nefnilega ekki hægt að segja:
,, Þú mátt nú þakka fyrir að vera  óslösuð, því svoleiðis
hugsar ekki fólk þegar það saknar einhvers sem var þeim
kært".
Þess vegna verðum við að hlú vel að fólkinu
á þeim erfiða tíma sem í hönd fer, og nauðsynlegt er að
hlusta, ekki að segja: ,, Svona þú jafnar þig á þessu,
það er nefnilega ekki rétt, það tekur tíma að jafna sig
sama hvort sorgin er lítil eða stór.
                        Guð veri með ykkur öllum.
                             Milla.

Forgangsmál að tryggja öryggi íbúa

Athugasemdir

[Ásdís Sigurðardóttir, 30.5.2008 kl. 08:05]

Hæ Milla mín.Ég sit hér í íbúð dóttur okkar og okkur líður hræðilega illa.  Ætlum austur á eftir, skrítið hvernig maður vill vera á staðnum. Það er allt í klessu en við erum samt fegin að hafa sloppið lifandi, þetta er einhvernvegin raunverulegra þegar maður var inni í íbúðinni þegar allt fór af stað og heyrði brothljóðin, en okkur kvíður fyrir að fara heim aftur. Verð í bandi

[Ía Jóhannsdóttir, 30.5.2008 kl. 08:30]

Góð hugleiðing Milla mín.  Svona hamfarir taka á sálartetrið þó þú komist lifandi og óslasaður frá slíku er svo margt annað sem spilar inn í .  Hugur minn er hjá þessu fólki öllu.

[Solla Guðjóns, 30.5.2008 kl. 09:16]

Þú hefur lög að mæla það er alveg óhætt núna að fara að huga að sálarástandi og eignartjóni þar sem ljóst er að enginn meiddist alvarlega.

[Kristín Gunnarsdóttir, 30.5.2008 kl. 09:30]

jÁ Milla mín, þetta er hryllilegt þegar að svona skeður, en það er fyrir mestu að einginn slasaðist alvarlega og auðvita er sárt þegar að mynningar eiðileggjast. Ég bið fyrir öllu þessu fólki, annað get ég ekki gert.

Knus til þín elsku Milla

[Guðrún Emilía Guðnadóttir, 30.5.2008 kl. 10:06]

Elsku Ásdís mín verð með ykkur í huganum í dag
Guð mun gefa ykkur öllum styrk.
        Kærleikskveðjur
              Milla.

[Guðrún Emilía Guðnadóttir, 30.5.2008 kl. 10:07]

Takk Ía mín ekki veitir af að hugsa til þeirra sem eiga um sárt að binda.
                          Kveðjur
                             Milla.

[Guðrún Emilía Guðnadóttir, 30.5.2008 kl. 10:14]

Já Solla mín ekki veitir af að hlú að fólkinu svo kemur þetta allt smá saman.                          Kærar kveðjur
                                        milla.

[Guðrún Emilía Guðnadóttir, 30.5.2008 kl. 10:15]

Stína mín við biðjum fyrir öllu þessu fólki,
hafðu það gott um helgina.
Þín vinkona Milla.

[Guðrún Emilía Guðnadóttir, 30.5.2008 kl. 10:16]

Sigga mín knús kveðjur, ég veit að þú munt biðja fyrir öllum.