Fyrir svefninn.

Ein veislan í viðbót, sko systur, dætur mínar þær Milla og Dóra
eru náttúrlega matarsjúkar.
Endalausar veislur eru búnar að vera undanfarið eins og
komið hefur fram á bloggi mínu, en að því að þær voru búnar að
segjast ætla að hafa veislu saman út af afmælunum sínum
þá var bara upplagt að skella í eina súpergóða Pitzzu-veislu.
Vorum við að koma heim úr henni. Afvelta að vanda.

Ég sagði vatn og brauð fram að jólum, en það er svo stutt í
þau að það tekur því ekki.

En ég ætla að færa ykkur eitt ljóð eftir Magnús Ásgeirsson.

                  Mig var að dreyma---

                    Þögnin og ástin
                    eru systur.---
                    Mig var að dreyma
                    að ég væri kysstur.
                    Ég mætti í svefninum
                    mjúkum vörum.
                    Ég vaknaði einn,
                    --- þú varst á förum.

                    Ég hefði kosið þér
                    kærsta óðinn.
                    En þögnin fjötraði
                    þránna og ljóðin.
                    Hún oft mig vefur
                    í arma sína
                    og stingur svefnþorni
                    söngva mína.

                    En þögnin vægði
                    samt þessu ljóði.
                    ---Þú mátt ekki hneykslast
                    á heitu blóði.
                    Mig var að dreyma,
                    að ég væri kysstur.
                    Þögnin og ástin
                    eru systur.

Góða nótt.           

Athugasemdir

[Ásdís Sigurðardóttir, 21.12.2008 kl. 22:55]

[Erna, 21.12.2008 kl. 23:00]

Góða nótt Milla mín

[Guðrún Emilía Guðnadóttir, 22.12.2008 kl. 10:43]

Elskurnar mínar ef þið verðið svangar bara af því að koma hér inn þá skiljið þið af hverju við Dóra lítum svona út
Ljós til ykkar allra
Milla.