Fjólublátt Marsmallows

Dagurinn hjá mér byrjaði bara vel kl 8 í morgun, allt gekk sinn vanagang síðan er allir voru komnir á fætur klæddir og uppdúllaðir Ætluðum við Dóra niður í Keflavík á dagskrá hjá Dóru var að þvo bílinn og svo aðeins í búð, hún var farin niður með Neró og ég ætlaði inn í herbergi að ná í gollu, dett ég þá ekki svona líka hrikalega á skáp sem er á ganginum allt á gólfið sem var á honum og ég líka því það heldur engin skápur svona frjálslega vaxinni konu eins og ég er, þetta var slæmt fall, hafið þið nokkru sinni fengið Marsmallows í fjólublárri litaflóru, ég meina sko að Marsmallows dúar er þú klípur í það svo leiðis er hnéð á mér ásamt opnu sári, öklinn er sár og mátti hann nú ekki við því ofan á elsku giktina, hægri öxl er ekki góð en þakka bara fyrir að hafa ekki brotnað,

Englarnir mínir komu hlaupandi hundur og kisur vissu ekki hvað var að gerast með ömmu gömlu það var öskrað á Dóru að koma mér dröslað á lappirnar og í stofusófan þar sem gert var að sárum mínum, ég ætlaði víst í bæinn þó ég væri stórslösuð rugluð í hausnum öskureið og allt það þið vitð nú alveg hvað maður verður reiður þegar svona gerist, en það var ekki hlustað á það frekar en annað sem ég er að reyna að segja, svona yfirleitt

Ég ætlaði ekki að leggja mig en fór samt inn í rúm bara til að jafna mig steinsofnaði og vaknaði kl 5.30 öll lurkum laminn.

Málið er að ég er með það sem þeir kalla sleppifót og þarf ég að fá spelkur, fannst það nú ekki par fínnt hér fyrir nokkrum árum svo ég humaði það fram af mér eins og svo margt annað, en núna verð ég víst að brjóta odd að pjatti og fá mér spelkur en verð að taka það í sátt og elska þær

Athugasemdir

[Valdís Skúladóttir, 24.3.2012 kl. 21:32]

Já  nota hækjuna Milla mín.

Farðu varlega með þig  mín kæra.

[egvania (IP-tala skráð) 24.3.2012 kl. 23:39]

Milla mín.

Ég er búin að segja þér að spelkunotkun borgar sig, láttu mig um það mínar eru búnar að vera inni í skáp í nokkra mánuði.

Knús á þig

[Guðrún Emilía Guðnadóttir, 26.3.2012 kl. 08:33]

Þið þarna villingarnir ykkar, Já já þið eruð búnar að segja mér allt um þetta, en þér ferst nú ekki að tala dúllan mín á Tröllaskaganum, en stelpur nú geri ég eitthvað í málinu