Fyrir svefninn.

Davið á ArinBjarnarlæk og Jón í Deildartungu voru á ferð saman.
Jón var bindindismaður, en ekki Davið.
Á ferðalaginu dregur Davið upp pela og býður Jóni.
Hann afþakkar og segir, að áfengi sé alltaf til bölvunar, og til sönnunar
fer hann að segja,
að einu sinni hafi verið músagangur í kjallara á bæ einum í Reykholtsdal.
Bóndinn á bænum hafi þá sett brennivín á disk í kjallaranum.
Mýsnar löptu brennivínið, urðu fullar, náðust og voru drepnar,
allar nema ein.
,,Hún var svo skynsöm," sagði Jón,
,,að hún snerti ekki brennivínið og lifir víst enn."

,,Já, og öllum til ama," mælti Davið.
                
              Góða nótt.

Athugasemdir

[Þorsteinn Sverrisson, 17.10.2007 kl. 21:34]

Skemmtileg saga Guðrún.

[Guðrún Emilía Guðnadóttir, 18.10.2007 kl. 14:03]

Takk Þorsteinn, ég rakst á litla bók sem heitir Íslensk fyndni
og er sagan þaðan komin.