Flestu taka þeir upp á gárungarnir.

Íslenskur útlendingur, hægan! hægan! hvað er nú það?
Útlendingar sem flytjast til Íslands fá borgararétt hér
eru bara Íslendingar okkar fólk, skil ekki alveg hvað þeir eru að meina,
Nema þetta sé sneið á samfélagið, JÁ auðvitað !
Treg, svolítið á stundum.

                                    Góðar stundir.
 

Velur íslenskan útlending ársins

Athugasemdir

[Greta Björg Úlfsdóttir, 4.1.2008 kl. 13:34]

Vonandi kunna allir sem málið varðar að taka gríni...

Þetta er náttúrlega ekki á nokkurn hátt sambærilegt við birtingu grínmynda af Múhameð. Hér er gert grín að almennum borgurum, ekki að spámanni eða trúarbragðahöfundi.

[Greta Björg Úlfsdóttir, 4.1.2008 kl. 13:37]

Og að vísu ekki gert grín að einstaklingum...út á hvað gengur annars grínið....???

Það mætti vera ljósara. Í raun og veru er þetta frekar kjánalegt grín... 

Eins og þú bendir réttilega á þá er ekkert til sem heitir útlendur Íslendingur. Íslendinar eru Íslendingar, hvort sem þeir eru fæddir hér eða annars staðar. Ég á reyndar son sem er bæði Íslendingur og Breti, þar sem hann er fæddur í Skotlandi. 

[Greta Björg Úlfsdóttir, 4.1.2008 kl. 13:40]

Ekki vildi ég láta velja mig íslenskan útlending ársins á þessum forsendum, grínforsendum. Mér finnst til dæmis að það mætti velja Paul Nakov (er eftirnafnið ekki rétt hjá mér?) slíkan í fullri alvöru.

Svo mætti alveg velja útlending ársins, búandi á Íslandi, líka í fullri alvöru. Samt aðeins of langt gengið í aðgreiningu, þætti mér. 

[Guðrún Emilía Guðnadóttir, 4.1.2008 kl. 14:58]

Ef ég væri búsett í td. Kanada og væri með þarlendan ríkisborgararétt
mundi ég vilja láta koma fram við mig sem slíkan, ekki kalla mig
Kanadiskan útlending, og ég veit nú eiginlega ekki hvar grínið er í þessum leik, og fólki af erlendu bergi  finnst þetta örugglega ekkert grín.
                                  Kveðja Milla.

[Greta Björg Úlfsdóttir, 4.1.2008 kl. 16:52]

Já, sammála, allir Íslendingar eru Íslendingar, sama hvar þeir eru fæddir eða af hvaða litarhætti þeir eru og hvort þeir tala tungumálið bjagað eða án þess að heyra megi hreim, eða án vitlausra beyginga, eru flámæltir eða harðmæltir, tala norðlensku, sunnlensku eða keflvísku.

[Guðrún Emilía Guðnadóttir, 4.1.2008 kl. 17:08]

Auðvitað!

[Gunnar Sigurðsson (IP-tala skráð) 7.1.2008 kl. 21:37]

Sælar mínu elskulegu.

Ég annar umsjónarmanna þáttarins er stóð fyrir þessu vali á íslenska útlendingi ársins. Með þessu vali okkar vorum við með engu að gera háð eða gys af því fólki sem sest hefur að hér á Íslandi. Með því að standa að þessari keppni vorum við einfaldlega að vekja fólk til umhugsunar á því frábæra fólki sem tilnefnt var. Við fórum í þættinum yfir hvað  fólkið tók sér fyrir á síðasta ári og með hvaða hætti það skaraði framúr. 

Ykkur til frekari fróðleiks má geta þess að þeir Sigurður Pétursson, ísmaðurinn á Grænlandi, og Aron Pálmi voru efstir og jafnir að mati hlustenda en Aron Pálmi vann í bráðabana.

Skemmtilegt

kv.

gunnar Sig 

[Guðrún Emilía Guðnadóttir, 7.1.2008 kl. 21:52]

Sæll minn kæri. Takk fyrir að sýna mér þá virðingu að upplýsa mig um þetta mál.
Íslenskur útlendingur, fyrirgefðu kallinn minn ég er ekki alveg að skilja hvað það þýðir.
Eru sem sagt þeir frábæru menn Aron Pálmi og ísmaðurinn
Íslenskir útlendingar?
Verð að melta þetta .
                   Takk fyrir mig og góðar stundir.