Fyrir svefninn.

Mývetningar eru að makleikum montnir af Reykjahlíðarættinni.
Þeir halda  einnig mjög upp á sveitasöng sinn:
,,Fjalladrottning, móðir mín."
  Út af þessu  hefur Starri í Garði við Mývatn ort í skopi:

                                Yndislega ættin mín,
                                æðin stærst frá séra Jóni!
                                Drýgir hór og drekkur vín
                                dýra, kæra ættin mín.
                                Hún er miklu meiri en þín,
                                mest af öllum hér á Fróni.
                                Yndislega ættin mín,
                                æðin stærst frá séra Jóni!

Ástarsorg.

                                Svona gengur lífs leiðin
                                laus við alla blíðu.
                                Argur náði ólukkinn
                                af mér henni Fríðu.

                                                                      Góða nótt.