Fyrir svefninn.

Prestur nokkur á Munkaþverá tók eitt sinn til bæna
á stólnum sjúka vinnukonu sína á pálmasunnudag
með þessum orðum:
,,Nú er langt síðan að þú, blessaður herrann,
  reiðst einni ösnu inn í Jerúsalem.
Taktu nú þessa þína voluðu ösnu, Kristínu Ketilsdóttur,
sem hér liggur dauðveik inni í bænum,
og ríddu henni inn í þá himnesku Jerúsalem".

 

                             Þingvísa.

                                   Þeir sem eiga á þingi sess
                                   og þurfa að éta,
                                   verða að beigjast eins og S
                                   en ekki Z.
                                                      Eiríkur Einarsson frá Hæli.

                                                                          Góða nótt.

Athugasemdir

[Ásdís Sigurðardóttir, 23.1.2008 kl. 21:37]

Ja, hérna margt kemur sniðugt frá þér mín kæra.  Kveðja norður

[Huld S. Ringsted, 23.1.2008 kl. 22:00]

Dónalegur prestur Góða nótt Milla mín

[Ía Jóhannsdóttir, 23.1.2008 kl. 22:41]

Heyrðu var hann skildur Gesti frá Hæli þessi Eiríkur?

Ég heiti Gestur og er frá Hæli

Éti þér skít og veri þér sælir.

[Eva Benjamínsdóttir, 24.1.2008 kl. 01:55]

Alger tuddi þessi klerkur. Mamma hefði sagt 'þetta getur ekki verið satt'.

Milla mín, ég er toguð og teygð annan hvorn dag, þetta er allt í áttina.

Góða nótt  

[Þorsteinn Valur Baldvinsson, 24.1.2008 kl. 09:26]

Hefur greinilega verið skemmtilegur prestur, maður með húmor.

[Guðrún Emilía Guðnadóttir, 24.1.2008 kl. 09:57]

Ásdís, allt sem ég blogga undir heitinu fyrir svefninn, tek ég upp úr
bókunum Íslensk fyndni. Vildi að ég gæti sagt svona sögur.
Ekki veit ég hvort hann var skyldur Gesti frá Hæli Ía, en trúlega.
Presturinn var allavega frekar ósmekklegur í orðavali, en þeir þóttu nú
skemmtilegri þeir orðaleiknu.
Eva heldur þú að mamma þín hefði sagt að þetta gæti ekki verið satt,
held hún hafi alveg vitað hvernig þeir voru sumir prestar, amma mín hefði örugglega brosað í kampinn.
Takk öll fyrir innleggin. Kveðja Milla.

[Eva Benjamínsdóttir, 24.1.2008 kl. 16:19]

Milla mín, ef eitthvað óheyrilegt eða gróft kom til tals þá kom siðavendnin upp með þessum hætti, soldið sætt. Hún hafði húmor en þegar henni ofbauð tók hún svona til orða. Hún vissi vel hvað klukkan sló, enda margar ótrúlegar sögur einmitt sagðar um presta. Ég sá hana bara alveg fyrir mér.

[Guðrún Emilía Guðnadóttir, 24.1.2008 kl. 20:49]

Sætt að þú skildir sjá hana fyrir sér, amma sló sér líka á lær og sagði Ja hérna, en mamma setti ætíð upp vandlætingasvip,
hún hafði ekki húmor.