Fyrir svefninn.

Verslunarmaður einn eignaðist fimm börn
á sama árinu, eitt barn og þríbura með konu sinni
og auk þess eitt fram hjá.
Þegar einn af kunningjum hans frétti þetta,
varð honum að orði: ,, Ja, mikið er að heyra!
Fyrr má nú gera að gamni sínu!"


Sigurður skáld hitti kunningja sinn á götu og sagði:
,, Hvað heldurðu, að hafi komið fyrir mig?-- þegar ég
kom heim í gærkveldi, var litli strákurinn minn að enda
við að rífa í tætlur handritið að ljóðasafni mínu".
,, Hvað er þetta!" svaraði kunningi hans.
,, Er hann orðin læs?"


Jóhann bóndi var mjög hræddur um konu sína.
Eitt sinn er þau hjónin voru að rífast, sagði hann :
,, Ég skal segja þér það í eitt skipti fyrir öll,
að ef þú hættir ekki að dufla við hvern karlmann
sem þú sérð, þá getur þú farið að líta í kringum
þig eftir nýjum eiginmanni".

                                Góða nótt.

Athugasemdir

[Róslín A. Valdemarsdóttir, 15.3.2008 kl. 21:19]

Góða nótt Milla mín

[Ragnheiður , 15.3.2008 kl. 21:33]

Hahaha þessir eru snilldin ein

[Guðborg Eyjólfsdóttir, 15.3.2008 kl. 21:52]

Góðir, ´góða nótt mín kæra

[Huld S. Ringsted, 15.3.2008 kl. 22:00]

Góðir, sérstaklega þessi neðsti

Góða nótt Milla mín