Fyrir svefninn.

Vilhjálmur Stefánsson landkönnuður hélt eitt sinn
miðdegisverðarboð fyrir Íslendinga á heimili sínu
í New York.
Eftir borðhaldið settust karlmennirnir inn á skrifstofu
vilhjálms, og fer hann að lýsa fyrir þeim
lifnaðarháttum sela í norðurhöfum.
,, Fyrst koma urturnar á vorin, og svo koma
brimlarnir á eftir þeim upp á ísinn og öskra á urturnar.
--Ég held annars, að ég geti líkt eftir þessu hljóði,"
segir Vilhjálmur og rekur upp ámátlegt öskur.
Þá opnast skrifstofudyrnar og inn gægist eiginkona
Vilhjálms og spyr:
,, Varstu að kalla á mig, Villi?"

Fjöllyndi.

                   Mörg er vist og víða gist,
                   varir þyrstar, dans og læti.
                   Ein er kisst og óðar misst,
                   önnur flyst í hennar sæti.
                                   Þormóður Ísfeld Pálsson.

Eitthvað má að öllu finna.

                  málgar konur, brekótt börn
                  bændur gera feiga.
                  Þó er nóttin þrautagjörn
                  hjá þeim, sem hvorugt eiga.

                                             Guðm. Friðjónsson.

                                                         Góða nótt

Athugasemdir

[Ragnheiður , 9.4.2008 kl. 22:59]

Góða nótt Milla mín

[Brynja skordal, 9.4.2008 kl. 23:47]

[Eva Benjamínsdóttir, 10.4.2008 kl. 01:27]

Góða nótt krúttlegasta frænkan mín og sofðu vel, knús eva

[Tiger, 10.4.2008 kl. 15:01]

  Alveg brilljant færsla hjá þér Milla mín, eins og alltaf. Flott sagan af selum og urtum ... kallaðir þú á mig Villi minn... hehehe. Mikið knús á þig Milla mín og eigðu fallegan dag!

[Róslín A. Valdemarsdóttir, 10.4.2008 kl. 15:33]

KNÚS

[Kristín Katla Árnadóttir, 10.4.2008 kl. 16:20]

Takk fyrir mig Milla mín

[Guðrún Emilía Guðnadóttir, 10.4.2008 kl. 16:35]

Takk sömuleiðis kæru Urtur og Brimlar,
þið eruð æðisleg að vanda.

                       Kveðja Milla.