Var henni nauðgað eða ekki?

Ung stúlka kemur inn á lögreglustöð og tilkynnir að
henni hafi verið nauðgað skömmu áður á skemmtistað,
síðan ákveður hún að kæra ekki.

Hvað gerðist hjá þessari ungu stúlku?.
getur verið að henni hafi verið hótað til að kæra ekki,
ef það hefur gerst þá mun hún vera í vondum málum
það sem eftir er ævinnar, og jafnvel halda áfram að vera
meðvirk undirlægja.

Ef henni hefur ekki verið nauðgað, en kærir samt nauðgun,
dregur kæru til baka, vegna þess að nauðgun átti sér ekki stað. 
Hún í vondum málum með sálartetrið sitt.
Ekki er ég að rita neitt neikvætt um þetta mál, er bara að velta
fyrir mér hvað hefur gerst.
Vona ég að ungu stúlkunni eigi eftir að farnast vel í sínu lífi.

Stúlkan ætlar ekki að kæra

Athugasemdir

[Jenný Anna Baldursdóttir, 15.4.2008 kl. 08:35]

Af hverju gefur þú þér að hún hafi verið "meðvirk undirlægja"?

Flestar konur sem verða fyrir nauðgun kæra ekki m.a. vegna þess að þær vita sem er að líkurnar á að það endi með sakfellingu eru litlar.  Þær eru í áfalli og treysta sér ekki til að ganga í gegnum ferlið.

Falskar naugunarkærur eru afskaplega fáar.

Oft kæra konur ekki vegna þess að þær þekkja gerandann og óttast hefndaraðgerðir.

Að þessu sögðu Milla mín bíð ég þér góðan og blessaðan daginn.

Kveðja yfir heiðina.

[Johnny Bravo, 15.4.2008 kl. 08:55]

Kannski var hún full þegar hún sagði þetta og áttaði sig svo á að þetta gerðist ekkert. Var að búa til til að hefna sín á einhver eða telur sig eiga sök á þessu sjálf. 

Þetta með hefndaraðgerðir er líka líklegt gegn gerandanum í Keflavík, bara að allir vita hvað hann gerði er rífleg refsing.

Í litlu landi finnst mér að nauðganir og ofbeldis rannsóknir ættu að gerast eins og morð, það þarf ekkert að kæra, ef lögreglan kemst á snoðir um annað hvort. Í mörgum löndum þarf að koma með kæru útaf morðum. bara spurning um þróunarstig. Nauðgun og líkamsárás á að vera hálft morð 4-6 ár í fangseli og rannsóknin eftir því.

[Guðrún Emilía Guðnadóttir, 15.4.2008 kl. 09:25]

Það sem ég meina Jenný mín er það að þessi unga stúlka,
ef henni td. hafi verið hótað til að kæra ekki, þá er henni hætta búin til að verða meðvirk undirlægja, að vera það mín kæra er sorglegra en orð fá líst. Ég var þetta sjálf í 27 ár, ég var undirlægja að því að ég reyndi að gera allt sem hann vildi, annars fékk ég að finna fyrir því,
og meðvirk að því að ég var ætíð að fela það sem hann gerði.
svo er hægt að hóta manni að maður þorir engu.
Maður bara brosir og lætur sem ekkert sé.


Mér er annt um ungviði okkar hvort sem það eru strákar eða stelpur
og við þurfum að vera opnari fyrir því hvað þau eru að segja.
Góðan daginn Jenný mín og takk fyrir innlitið.
Ég met þig mikils og eitt er á tæru að þú ert ein af þessum
stórbrotnu konum vorra tíma, sem um ræðir á síðu Hallgerðar.
                           Milla.

[Guðrún Emilía Guðnadóttir, 15.4.2008 kl. 09:33]

Hæ Johnny Bravo, mér líkar kommentið þitt vel og takk fyrir það,
allt getur hafa gerst í þessu máli, en finnst þér ekki sorglegt að 17 ára ung stúlka hafi kannski verið svo full að hún hafi lítið vitað í sinn haus.
Tek fram að ég er ekki fanatísk á vín, finnst einhvernvegin að ofdrykkja ungmenna í dag sé leitun að því sem þau vita ekki hvað er.
Og hvað skildi það vera?
                  Kveðja til þín.
                     Milla.

[Guðrún Emilía Guðnadóttir, 15.4.2008 kl. 09:35]

Góðan daginn Helga mín.
Já það er erfitt að gera sér í hugarlund hvað hefur gerst.
Sendum henni ljós þessari ungu stúlku.
                      Knús til þín Milla.

[Jenný Anna Baldursdóttir, 15.4.2008 kl. 09:46]

Takk fyrir svarið elsku Milla.

[Ásthildur Cesil Þórðardóttir, 15.4.2008 kl. 10:37]

En þá vaknar önnur spurning, ef um líkamsárásir er að ræða, getur lögregla og ákæruvald haldið áfram með málið, þó ekki sé kært.  Það að þeir bregðist svona við segir manni bara að lögreglan hér á landi, eins og dómararnir LÍTA EKKI Á NAUÐGUN SEM LÍKAMSÁRÁS nokkuð merkilega afstaða finnst ykkur ekki?  Þeir áttu auðvitað að fara með hana í áverkaprófun og ef það voru merki um nauðgun þá áttu þeir að halda áfram með málið.  En sem sagt, að nauðga konu eða karli er ekki glæpur á Íslandi.

[Guðrún Emilía Guðnadóttir, 15.4.2008 kl. 11:12]

Ásthildur mín lögin hljóða upp á að þú mátt ekki neiða neinn í neitt,
heldur ekki í lífsýnisprófun eða áverkaskoðun.
Ef lögreglan kæmi að manni nauðga konu, þá gætu þeir kært manninn
fyrir árás, en ef ekki konan kærir er harla lítið að fara eftir.
Ég held allavega að þetta sé svona.
Öll svona mál eru sorgleg hvernig sem maður lítur á þau.
það gildir það sama með konur sem nauðga karlmanni, en hann kærir
eiginlega aldrei því að honum finnst það vera skömm, sem það að sjálfsögðu ekki er.
                                 Kveðja vestur mín kæra.
                                           Milla.

[óli (IP-tala skráð) 15.4.2008 kl. 12:09]

Já falskar kærur eru fáar. ENN ÞÆR ERU TIL! Kæra er ekki sama og að menn séu sekir og þá skiptir engu hver meintur glæpur er!

[stelpa (IP-tala skráð) 15.4.2008 kl. 12:13]

þekki allt um þetta mál, og þau höfðu ekki einu sinni samfarir vegna þess að það var ekki hægt, hún kláraði hann og hann fór.. hún móðgaðisteitthvað greininlega við það, fór uppá stöð og kærði.. hefur greinilega áttað sig á þessari vitleysu í sér daginn eftir... Strákurinn og stelpan hafa ekki talað saman neitt og þetta var algjörlega hennar ákvörðun.

meira hvað stelpur geta verið vitlausar, þekki til tveggja svona dæma þar sem annað þeirra fór fyrir dóm og stelpan tapaði.. hin áttaði sig líka.. á endanum

Vildi bara segja söguna:)

Kv.

Með vinsemd, ég.

[Þorsteinn Þormóðsson, 15.4.2008 kl. 12:43]

Mjög athyglisverðar færslurnar hans "Óla" á flestum síðum varðandi þessa frétt!! Hann er þar allsstaðar að bera fram efasemdir!! Þetta lýtur frekar illa út hjá þér!! Lögreglan á að rannsaka svona mál hvort sem kært er eða ekki! Þetta er  viðbjóðslegur glæpur og inn með þessa andskota og hendið lyklinum!!

[Ang3l, 15.4.2008 kl. 12:54]

Kæri "ég" sem gefur ekki upp nafn.

Þar sem þú þekkir svona vel til þá kærði hún aldrei heldur bara tilkynnti nauðgun.

Varst þú á staðnum þegar þetta gerðist eða er þetta "hin hliðin" á málinu sem strákurinn sem á í hlut túlkar að hafi gerst? 

 Ef þú varst á staðnum þegar þetta á að hafa gerast þá skal ég trúa þessu með fyrirvara en ef ekki þá hef ég mínar efasemdir sem´fórnarlamb nauðgunnar á svipuðum aldri.
ég kærði aldrei út af krökkum eins og þér sem rökkuðu mig niður í skít því þau þekktu strákinn betur en mig og fannst þeim bera skylda til að vernda hann.

[óli (IP-tala skráð) 15.4.2008 kl. 13:57]

Þorsteinn. Þarf eitthvað að dæma hann? Er ekki bara hægt að loka hann inni? Það eru líkur á að hún sé að ljúga þessu. Þarf ekki að vera enn getur vel verið og það eru því miður dæmi um slíkt.

[Sigurður Geirsson (IP-tala skráð) 15.4.2008 kl. 14:21]

Þorsteinn ég er því algerlega sammála að nauðgun sé viðbjóðslegur glæpur. Sennilega sá glæpur sem gengur næst þeim sem fyrir því verður fyrir utan hreint og klárt morð.

En ég skil bara ekki þessa röksemdafærslu þeirra sem segja að lögreglan eigi að rannsaka svona mál hvort sem kæra berst eða ekki. Ég meina hvernig á lögreglan að halda áfram með málið? Eiga þeir að neyða stúlkuna upp á spítala og halda henni þar síðan með handafli til þess að hægt sé að gera nauðsynlegar rannsóknir til þess að hægt sé að draga brotaaðilann fyrir dómstóla?? Og hvað svo ef stúlkan heldur áfram að neita að nokkur nauðgun hafi átt sér stað; á þá dómstóllinn að trúa frekar niðurstöðum rannsókna en orðum stúlkunnar?? Látum ekki æsinginn fara alveg með okkur og lítum á málið skynsamlega. Svona mál verða ekki rekin lengra gegn vilja brotaþola.

Hitt er svo allt annað mál að svona mál eiga alls ekki að fara í fjölmiðla. Þeir sem fyrir svona verða hafa orðið fyrir miklu áfalli og nærri þeim hefur verið gengið þannig að svona mál á að vinna í nánu samráði við viðkomandi aðila og í kyrrþei, þannig að brotaþoli verði ekki fyrir meira áfalli en hann hefur þegar orðið fyrir og það á að gera rekstur málsins eins sársaukalausan og hægt er fyrir brotaþola.

[Margrét Þ (IP-tala skráð) 15.4.2008 kl. 14:21]

Vissu þið að lengi vel var naugðgun álitið vera eignarbrot (þ.e.a.s. skemma eigur annarra) í Englandi ? Vegna þess að kona var eign eiginmanns/föðurs/bróðurs ? Það er aðeins nýlega sem þessu var breytt. Kannski ef naugðun á íslandi væri kærð sem auðgunarbrot ??? myndu hlutirnir breytast ?

[Guðrún Emilía Guðnadóttir, 15.4.2008 kl. 17:43]

Takk fyrir ykkar innlegg , áhugavert þetta með eignarréttinn, Margrét.
hef lesið um þetta í einhverjum bókum.

Sammála þér Sigurður svona mál eiga ekki að fara í fjölmiðla.

Gott hjá þér Ang31.

Rétt hjá þér Þorsteinn andstyggilegur glæpur.

Sá sem vildi bara segja söguna, við fáum aldrei sanna sögu af þessu.

                                     Kveðjur.

Það er merkilegt að í bloggi mínu er ég að tala um sorglegu hliðina á málinu hvort sem hún er að plata eða ekki.
fólk sem platar um svona lagað hlýtur að eiga bágt í sálinni sinni,
eins ef það verður fyrir nauðgun.
Spurning hvar byrjar vandamálið? því það er alveg á hreinu að þau eru fyrir hendi.

                             Sendi ykkur ljós og kærleika.