Fyrir svefninn.

Jón litli,  fimm ára, var á gangi með eldri bróður sínum,
sem var miklu stærri. Maðurinn sem mætti þeim,
sagði við Jón: ,, Þú ert miklu minni en hann bróðir þinn."
,, það er von," svaraði strákur,
,, Því við erum bara hálfbræður."

Prestur er að tala um fyrir drykkjumanni og segir:
,, Ég veit til þess, að menn hafa orðið blindir af að
drekka áfengi."
Þá sagði drykkjumaðurinn:
,, Það er alveg öfugt farið með mig.
Ég sé tvöfalt, þegar ég er drukkinn."

Hjalti Pálsson framkvæmdastjóri Véladeildar S.Í.S.
sagði eitt sinn við viðskiptamann, að stefnt væri
að því, að ekki þyrfti annað en að styðja á
hnapp til að gefa kúnum.
Út af þessu orti Hjörtur Eldjárn:

                  Að því Hjalti er að keppa
                  með einum hnapp að gefa kúnni.
                  Þá er hart að þurfa að hneppa
                  þremur til að sinna frúnni.

                                      Góða nótt.

Athugasemdir

[Kristín Katla Árnadóttir, 1.5.2008 kl. 22:18]

Alltaf gott að að koma til þín og lesa.

Góða nótt elsku Milla mín

[Erna, 1.5.2008 kl. 22:47]

 Þessir voru góðir,ég er nú bara ekkert syfjuð lengur eftir þennan lestur. Takk Milla mín og góða nótt

[Guðborg Eyjólfsdóttir, 2.5.2008 kl. 00:16]

Góða nótt mín kæra

[Ásgerður , 2.5.2008 kl. 00:58]

Góða nótt kæra frænka

[Tiger, 2.5.2008 kl. 02:57]

Knús og klemmerí á þig mín kæra Milla og takk fyrir mig hérna. Eigðu ljúfa og draumfagra nótt og yndislegan föstudag.

[Guðrún Emilía Guðnadóttir, 2.5.2008 kl. 07:30]

Góðan daginn elskurnar mínar, ég svaf bara vel í nótt eftir góðan kvöldmat hjá Millu og Ingimar.
vona að dagurinn verði ykkur góður, ég ætla allavega að hafa það hlýtt og gott hér inni hjá mér, því veðrið er svona eins og í gær.
Stendur til bóta um helgina.
                     Knúsí knús til ykkar allra
                        Milla.