Fyrir svefninn.

Jóhanna var nemandi í Gagnfræðaskóla Austurbæjar.
Einu sinni segir hún móður sinni, að hún sé trúlofuð
einum af skólabræðrum sínum.
,, Hvað heitir hann?" spurði móðir hennar.
,, Hann heitir Jón", svaraði Jóhanna.
,, Og hvers son er hann?" spurði móðirin aftur.
,, Maður er nú ekki að spyrja um svoleiðis í gaggó",
svaraði stúlkan.

Magnús Torfason var að segja sögur í samkvæmi.
Eiríkur frá Hæli og Páll á Hjálmstöðum voru þar
viðstaddir.
Þá missti Magnús allt í einu þráðinn í sögu þeirri,
sem hann var að segja, og bað Eirík að segja sér,
hvar hann hefði verið í sögunni.
        Þá kvað Páll á Hjálmstöðum:

                      Barst mér andans bláþráður
                      bara að þessu sinni.
                      Finndu endann, Eiríkur,
                      á andans snældu minni.

                                              Góða nótt.

Athugasemdir

[Róslín A. Valdemarsdóttir, 3.5.2008 kl. 20:59]

Góða nótt ljúfa mín

[Tiger, 3.5.2008 kl. 21:28]

 Takk mín kæra Milla fyrir kvöldnestið hérna, alltaf svo gott og ljúft að líta við hjá þér! Knús á þig og eigðu yndislega nótt og ljúfan sunnudag.

[Erna, 3.5.2008 kl. 21:50]

Góða nótt Milla mín, gaman hefði verið að hitta ykkur í dag en ég var að vinna.

[Sturla Snorrason, 3.5.2008 kl. 23:50]

Góða nótt Milla

[Brynja skordal, 4.5.2008 kl. 00:25]

Loksins er ég komin til að tölvast á ný Góða nótt milla mín

[Guðrún Emilía Guðnadóttir, 4.5.2008 kl. 07:09]

Góðan daginn kæru vinir, vonandi hafið þið átt góða nótt, ég var vöknuð kl 5 í morgun, ekki óalgengt, það þýðir að ég þarf að leggja mig í dag, þá geri ég það bara.
En eigið þið yndislegan dag snúðar og snældur.
                           Milla.

          þið gætuð farið í hvalaskoðun eða lautarferð, knúsí knús.