Jákvæð frétt.

Það er vart hægt að hugsa þá hugsun til enda,
ef eldur hefði breiðst út á Grundartanga, eða er það ekki
óhugnaður að hugsa til þess að eldur breiðist út á stað
sem er fullur af köplum og öðru sem orsakað getur
stórbruna, og allir sem að kæmu að slökkvistörfum væru
í hættu, svo ég tali nú ekki um eiturefnin sem mundu
liðast upp og út um allt. Hrikaleg hugsun!!!

Eða eru þetta kannski bara hugaróróar í mér?.
Svona mundi aldrei gerast, þvílíkur léttir að heyra það.

En hef oft leitt hugann að því, hvað vitum við um hvað gerist,
við fáum aldrei að vita neitt, erum ekki upplýst um,
hvernig á að bregðast við ef eitthvað alvarlegt gerist
og eiturgufurnar liðast fallega inn yfir heimilin okkar.

En það jákvæða við þessa frétt er að þeir komu böndum
á eldinn og ekki vitað til þess að nokkur maður hafi slasast.
Er það ekki jákvætt?.
                                       Góðar stundir.

Eldsvoði á Grundartanga

Athugasemdir

[luzi (IP-tala skráð) 12.5.2008 kl. 08:25]

Slasaðist sem betur fer enginn...   kveiknaði í nokkrum glussaslöngum. það var buið að slökkva eldinn áður en löggan og slökkviliðið mætti á staðinn.   einn starfsmaður þurfti á áfallahjálp að halda. enda engar smá sprengingar sem komu ;)

[Guðrún Emilía Guðnadóttir, 12.5.2008 kl. 08:34]

Flottir strákar auðvitað voru það þeir sem komu böndum á eldinn,
vonandi nær hann sér sá sem þurfti áfallahjálpina, þetta er ekkert grín er svona gerist.

[Haraldur Bjarnason, 12.5.2008 kl. 08:38]

Hvurslags undra bönd eru þetta sem þeir eru með þarna á Tanganum núna. Þegar ég var að vinna þarna fyrir 25 árum síðan í járnblendinu var sérstakt slökkvilið á staðnum og allur búnaður. Ef einhversstaðar kviknaði í var það slökkt strax og ég man ekki eftir að utanaðkomandi slökkvilið þyrfti að koma. En við notuðum aldrei bönd á eldinn.

[Guðrún Emilía Guðnadóttir, 12.5.2008 kl. 08:56]

Haraldur ekki veit ég svo gjörla hvort rétt sé að nota orðið bönd í þessu sambandi, en einkennilegt er einnig að segja: ,, setjum bönd á innblásturinn", hvernig bönd eru það?.
Ég er nú engin fræðingur, en ævilega hef ég sjálf notað þetta orð og heyrt það hjá öðrum, skal viðurkennt að hef aldrei heyrt það notað í
þessu tilviki.
En við erum nú búin að fregna að þeir hafi verið búnir að slökkva eldinn áður en utanaðkomandi menn komu á staðinn.
                          Kveðjur inn í daginn
                               Milla.

[Haraldur Bjarnason, 12.5.2008 kl. 09:07]

Jú Milla þetta er myndlíking en á illa við í þessu tilfelli. Betra hefði verið að segja: "Búið er að ná tökum á eldinum". - kveðja austur yfir. Halli

[Guðrún Emilía Guðnadóttir, 12.5.2008 kl. 09:31]

Gott einnig að koma þessu á framfæri við blaðamenn, telur þú líklegt að þeir lesi bloggið okkar?, nei tel ekki.
Þú hlýtur að vera búandi á Eyjafjarðarsvæðinu,
þú segir: ,, Kveðja austur yfir".

Annars voru fyrstu kinni mín af þessu orði er ég var 16 ára var það í kvæði sem sungið var ævilega á Jónsmessunótt úti í Svíþjóð.
Þar stendur í einu kvæðinu.

                 Flyckan hun går í dansen med roda guld band,
                 flyckan hun går í dansen med roda guld band.
                 Hun binder dom om sin kärastes hand,
                 Hun binder dom om sin kärastes hand.

Versin voru fleiri, en þarna er orðið band rétt notað.

                    Kveðja frá húsavík.
                

[Jón Gestur Guðmundsson, 12.5.2008 kl. 10:28]

Það ættu ekki að vera nein hættuleg efni í nútíma álverum sem myndu valda stórtækum umhverfis- og/eða mannskaða ef stórtækur eldur kemur upp. Alla vega er álverið í straumsvík búið að losa sig við allt klórgas.

Síðan eru svona eldar í álverum verulega staðbundnir , ekki mikil hætta að þeir nái að dreifa sér um alla verksmiðjuna og ég held ég fari rétt með að það séu sjálfboðaliða slökkvilið í öllum álverum á Íslandi. Að auki eru álverin í straumsvík og reyðarfirði í góðu samstarfi við local slökkviliðin.

Slökkviliðið í Straumsvík (þar sem ég er í vinnu) er mjög vel þjálfað og þessi fáu skipti sem eitthver eldur brýst út í Straumsvík þá redda þeir þessu alveg sjálfir, þar að auki sem öllum starfsmönnum er kennt að nota slökkvitæki og viðbrögð við bruna.

[Guðrún Emilía Guðnadóttir, 12.5.2008 kl. 11:34]

Takk fyrir góðar upplýsingar Jón Gestur kaldhæðnislega jákvæðnin mín hér að ofan  hvetur til útskýringar frá ykkur sem vinnið við Álver.
það er bara af hinu góða. sem betur fer vona ég að ekkert geti gerst sem skaðar ykkur starfsmenn álversins því í mínum bæ Húsavík er eitt á áætlun, þegar það er risið hafa menn þó allavega vinnu.
Annars ók ég fram hjá álverinu í Straumsvík frá því að það byrjaði, því ég bjó á Suðurnesjum í 27 ár ekki fann ég neitt fyrir því að það pirraði mig á neinn handa máta.
                       Takk fyrir innlitið.