Matar og sparnaðar hugleiðingar.

Datt í hug í morgun er ég sá fyrirspurn frá henni Siggu
bloggvinu minni um eftirrétti úr rabbbara.
Ég gaf henni upp afar gamlan eftirrétt úr rótunum af
rabbaranum.
Þær eru soðnar í sykurvatni, sjóða má með þurrkaða ávexti
síðan sett á krukkur og bara geymt í búrinu eins og sultan.
þegar manni langar svo í eitthvað gott má grípa eina krukku
og fá sér með þeyttum rjóma.
þetta var nú aðaleftirrétturinn á mörgum heimilum hér áður og fyrr,
ásamt heita búðingnum, og þá fékk maður berjasaft útá eða mjólk.

Já  það sem mér datt í hug, var að það er náttúrlega ekkert
betra en heimabakað brauð, með rabbbarasultu.
                         Hvítt brauð.

              5.    bollar  Hveiti
              3/4   - - -    Sykur
              3/4  - - -     Súrmjólk
              3     tesk.   Lyftiduft
              1     ---       Matarsódi
              1     ---       Salt
                                Léttmjólk eftir þörfum

Hrært í hrærivél sett í form og bakað við 170% í ca. 45 mín.
Þessa uppskrift má líka nota í grófu mjöli með allskonar fræjum
ef vill.

Svo er annað sem er afar fljótlegt og miklu betra en út úr búð
það er rúgbrauðið.

             6 bollar rúgmjöl
             3  ----    heilhveiti
             4 tesk.  matarsódi
             3  ---     salt
             1 dós    sýróp
             11/2 l.   súrmjólk.

Öllu hrært saman sett í mjólkurfernur eða niðursuðudósir
álpappír settur yfir. sett inn í 200% heitan ofn,
strax lækkað niður í 100%, bakað í 8 tím.
losað úr dósum eða fernum.
best er ef maður á brauðhníf að sneiða allt niður setja í plast
og frysta. Þá áttu alltaf nýtt rúgbrauð og ekki er það nú dónalegt
með hverju sem er. 

það sparast stórpeningur á þessu og þetta er fljótlegt.
                          Knús Milla.

Athugasemdir

[Erna, 10.6.2008 kl. 11:58]

 namm ég man vel eftir þessu með rabbabarann, hef ekki smakkað þetta í mörg ár. Ég væri alveg til í að gera svona en brauðið nenni ég ekki að baka  Knús Milla mín

[Gudrún Hauksdótttir, 10.6.2008 kl. 12:15]

Takk fyrir uppskriftina.Ætla ad prófa hana med grófu eda spelti.

Knús

Gudrún

PS.Ég á líka eina Millu 3ja ára prinsessu(barnabarn)

[Kristín Katla Árnadóttir, 10.6.2008 kl. 14:01]

Takk fyrir uppskriftina ég ætla að nota hana.

Knús Milla mín

[Guðrún Emilía Guðnadóttir, 10.6.2008 kl. 18:25]

Brauðið er afar gott með blönduðu mjöli, spelt, heilhveiti og bara hverju sem þér dettur í hug að sulla saman.

til hamingju með að eiga litla prinsessu og að hún heiti Milla er ekki verra.
                     Knús Milla

Ps. svo erum við líka nöfnur í Guðrúnar nafninu.

[Guðrún Emilía Guðnadóttir, 10.6.2008 kl. 18:27]

Katla mín gerðu það og blandaðu allskonar fræjum samanvið þá færð þú orku.
                               Knús til þín
                                 Milla.

[Guðrún Emilía Guðnadóttir, 10.6.2008 kl. 18:28]

Erna mín þú gerir svona eftirrétt hann er afar góður.
                     Knús til þín
                     Milla.