Fyrir svefninn.

Hér á Húsavík eru núna Sænskir dagar, er það árlegur viðburður
hér svo fylgja mæru-dagar á eftir. En í tilefni sænskra daga ætla
ég að færa ykkur ljóð eftir Gustaf Fröding.

                          Réttur hérans

                          Þann rétt hver héri hefur,
                          að háma kál í svanginn,
                          á meðan maginn krefur,
                          -það má hann, litli anginn,
                          að liggja í leiðslu værri
                          sé lágfóta ekki nærri.

                          Og vilji vondi refur
                          sér veiða héra í soðið,
                          þann rétt þá hérinn hefur,
                          -og honum er það boðið-
                          að hlaupa á harðasprett, til
                          að hættu hann undan beri,
                          -en að heita annað en héri
                          á hérinn engan rétt til.

                                                 Gustaf Fröding

            Góða nótt

Athugasemdir

[Ásdís Sigurðardóttir, 22.7.2008 kl. 21:07]

Alltaf jafn skondin kvöldfærslan hjá þér mín kæra  GN 

[Árni Gunnarsson, 22.7.2008 kl. 21:10]

Og er ekki þýðingin Magnúsar Ásgeirssonar? Man það ekki en margt þyddi hann af ljóðum Frödings.

[Brynja skordal, 22.7.2008 kl. 21:26]

Góða nótt Milla mín

[Róslín A. Valdemarsdóttir, 22.7.2008 kl. 22:40]

Góða nótt

[Linda Linnet Hilmarsdóttir, 23.7.2008 kl. 00:49]

Góða nótt elsku Milla mín

[Guðrún Emilía Guðnadóttir, 23.7.2008 kl. 08:25]

Góðan daginn kæru vinir.

Árni mér þykir það trúlegt, en það stendur eigi.
Ég er nefnilega með bók sem tvíburarnir mínir rituðu sín uppáhalds kvæði í frá því að þær voru 10 ára að mig minnir, þær komu með hana í gær, en þær koma ætíð er þær eiga frí frá vinnu.

var ég nefnilega búin að biðja þær að koma með nokkrar ljóðabækur og lána mér, en þeirra bækur eru allar í geymslunni, því þær hafa ekki pláss fyrir bókahillurnar þar sem þær búa núna, svo þær komu bera með þessa.
Ertu ekki að meina ljóðskáldið Magnús Ásgeirsson.

Knús og kveðjur til ykkar allra
Milla.