Stingur mann í hjartað.

Já sumt stingur mann inn í hjartarætur. Í gærmorgun er
ég leit á bloggið mitt var hún,  snemmætta vina mín sem
ætíð var með eitthvað gott í bloggum eða kommentum.
Það var búið að loka síðunni hennar, hún hafði gert það sjálf.
Ekki sá ég hvað hafði gerst, hún var á undan mér að tölvunni,
enda skiptir það eigi öllu ef hún hefur verið búin að fá nóg þá
veit ég að það er rétt og satt hjá henni, og ástæðan hefur verið
nægileg.
Mikið á ég eftir að sakna þín Langbrókin mín.

Ég hef nú heyrt ýmisleg um yfirráð á blogginu en veit eigi neinn
sannleika í því máli.

Hef það samt einhvernvegin á tilfinningunni að þörf sé á
tiltekt í þessum geira, fólk fái tiltal um að hætta verulega
smekklausum og vanvirðinga kommentum.

Það hljóta að vera takmörk fyrir öllu.

                          Eigið góðan dag.

Athugasemdir

[Huld S. Ringsted, 24.9.2008 kl. 08:00]

Ég tók eftir þessu áðan að hún væri farin af bloggvinalistanum. Skeði eitthvað? Ég kemst svo lítið á bloggið þessa dagana.

Knús í daginn Milla mín

[Rannveig H, 24.9.2008 kl. 08:02]

Það á að vera takmörk fyrir öllu! Ég sakna hennar líka.

[Anna Guðný , 24.9.2008 kl. 08:13]

Jæja, það er nú svo . Ég tók ekki eftir neinu

Hafðu það gott í dag ljúfan

[Ía Jóhannsdóttir, 24.9.2008 kl. 08:20]

Já tók eftir þessu í gærkvöldi. Á eftir að sakna hennar!  

[Ásdís Emilía Björgvinsdóttir (IP-tala skráð) 24.9.2008 kl. 09:49]

Ég sendi tölvupóst á forráðamenn moggabloggsins í gær og spurði þá hvort þeir gætu sagt mér hvað hefði orðið um hana Hallgerði. Fékk svo svar frá þeim að hún hefði lokað blogginu og eytt aðganginum sínum. En ég tek undir það sem Auður segir, að ef til vill ætti að biðja mbl.is menn að skoða þetta. Ég sá í athugasemdum á öðru bloggi, að Hallgerður hefði fengið leiðinda athugasemdir yfir sig daginn áður en hún lokaði blogginu, svo að mér finnst alveg vert að þetta verði skoðað. Það er verið að loka á bloggara sem koma með óviðeigandi tengingar við fréttir, því ekki að loka á bloggara sem ráðast með svívirðilegum hætti inn á athugasemdakerfi annarra bloggara!

Knús á þig Milla mín

[Guðrún Emilía Guðnadóttir, 24.9.2008 kl. 10:01]

Mæta fólk hún bloggaði um einelti og fékk mörg góð komment við því,
en eitthvað hefur gerst miður skemmtilegt eftir að ég lokaði mínu í gærkveldi sem ég tel án þess að vita það með vissu að það hafi verið það sem fylt mælirinn. Kannski hefur hún snert við einhverjum sem ekki þolir svona umræður og þakka ég henni fyrir það.
Fólk verður nefnilega að fara að vakna til lífsins og skilja alvöruna í þessum málum, en sumir þola ekki að heyra sannleikann og hatast endalaust út í annað fólk vegna þessa.
Það fólk er að sjálfsögðu afar veikt.

Margir byrja að blogga að því að þeim líður illa og er það hið besta mál svo framarlega að það fólk komi fram af heilindum og gæsku.

Sorglegt er þegar fólk sem er í sálarkreppu mokar yfir aðra og veit eiginlega ekkert um það sem það er að tala, og yfirmokið er jafnvel ekkert tengt færslunni.

Takk öll fyrir innlitin og við erum sammála um að hennar verður saknað hér á blogginu.

Guð blessi alla þá sem eiga um sárt að binda og að augu þeirra opnist fyrir því að þeirra versti óvinur eru þeir sjálfir.

Knús knús
Milla.

[Guðrún Emilía Guðnadóttir, 24.9.2008 kl. 10:04]

Ásdís mín þitt komment kemur inn rétt áður en ég sendi mitt, gott hjá þér að senda fyrirspurn, en þeir gera held ég ekki neitt, en mættu alveg fara að gera eitthvað í þessu yfirmoki sem fólk fær.
Knús knús ljúfust.
Milla.

[M, 24.9.2008 kl. 10:30]

Austangolu er sárt saknað hér hjá mér allavega.  Frjór og skemmtilegur penni

[Jónína Þorbjörg Gunnarsdóttir (IP-tala skráð) 24.9.2008 kl. 10:33]

Ég á örugglega eftir að sakna hennar ég kíkti oft á bloggið hjá henni, og það er slæmt að missa út þá góðu vegna einhvers sem er með leiðindi, en ég trúi samt tæplega að hún hafi látið einhver leiðinda komment á sig fá, vonandi kemur hún aftur.

[Gudrún Hauksdótttir, 24.9.2008 kl. 10:44]

Tetta er leitt ad heyra .Takk Milla mín fyrir tína gódu pistla.

Takk Ásdís Emilía fyrir ad gera eithvad í málunum og senda á mbl.

Stórt knús á tig Milla mín og eigdu gódann dag.

[Brynja skordal, 24.9.2008 kl. 11:54]

Já tók eftir þessu að hún væri farin af mínum blogglista í morgun vonandi kemur þessa Elska fljótlega aftur Hef verið lítið að tölvast milla mín nældi mér í flensu í réttunum en hafðu það ljúft Elskuleg

[Guðrún Emilía Guðnadóttir, 24.9.2008 kl. 12:55]

Brynja mín góða bataóskir til þín

Sömuleiðis til þín Sigga mín

Nafna mín í Danaveldi takk fyrir innlit.

Jónína mín svo getur samt verið knús til þín

Emmið mitt viljum ekki vera án hennar. knús

Ef við gætum nú eitthvað gert þá væri það nú gott Jónína mín
en allt er þetta háð leyndinni þó að sé verið að hrauna yfir mann,
ef hún hefði kært þetta þá hefði þetta fengið öðruvísi meðhöndlun, en hún hefur eflaust ekki viljað standa í því.
Knú

[Heiða B. Heiðars, 24.9.2008 kl. 14:20]

Fiðla og vasaklútur!
En þegar fólk drullar yfir aðra í bloggfærslum þá fær það komment í sama stíl
Greinilegt að þið hafið ekki fattað óþverrann sem hún lét frá sér í færslunni og kommentunum..... enda talar hún gjarnan undir rós eins og svona fólk gerir svo oft

[Guðrún Emilía Guðnadóttir, 24.9.2008 kl. 16:40]

Heiða viltu útskíra fyrir okkur þeim fattlausu, hvernig drullaði hún yfir aðra og hver var óþverrinn
Enda talar hún gjarnan undir rós eins og svona fólk gerir.
Hvernig svona fólk er hún. Spyr sá sem ekki veit.

[Ía Jóhannsdóttir, 24.9.2008 kl. 16:57]

Milla passaðu þig, veit ekki hvort þetta borgar sig!

[öngull (IP-tala skráð) 24.9.2008 kl. 17:30]

Sammála Íu, farðu í öllu falli ekki niður á plan þessara penna, þú ert einfaldlega of vönduð kona...

[Lísa Mjöll Ó. (IP-tala skráð) 24.9.2008 kl. 18:09]

Ég rakst hérna inn á daglegu vafri um bloggið.  Nú þekki ég þetta mál ekkert en ég eins og ég skil þetta þá hafa verið skrifuð 2 blogg um einhhverja konu sem hafi verið hraunað yfir en samt segja allir að þeir viti ekki hvað hafi skeð.

Væri ekki sniðugra að kynna sér málið og taka svo afstöðu?

Bara svona hugmynd.

[Guðrún Emilía Guðnadóttir, 24.9.2008 kl. 19:43]

Það er auðlesið að þú hefur ekki kynnt þér málið við erum nú ekki tvævetur og vitum örugglega nokkuð meira en þú Lísa Mjöll.

[Heiða B. Heiðars, 24.9.2008 kl. 22:05]

Dettur ekki til hugar að fara að dröslast með þessi leiðindi á milli staða :) Gat bara ekki setið á mér að skipta mér af því að hér væri látið eins og Hallgerður væri fórnarlamb fólks sem tók það upp hjá sjálfu sér að vera með leiðindi í kommentakerfinu hennar upp úr þurru. Hún fór, að mínu mati, langt yfir strikið með skítkast og andstyggilegheit.... undir rós. Ég svaraði henni...ekki undir rós.

[Haraldur Davíðsson, 25.9.2008 kl. 13:04]

Um þetta snýst málfrelsið, að mega tjá sig hvað sem maður hefur svosem að segja.

Það er alvarlegt ef ég get farið í herferð ásamt " vinum " mínum til að láta loka á einhvern sem fer í taugarnar á mér.

Þeir sem fara í taugarnar á mér eru þeir sem ég vil helst skiptast á skoðunum við. Vissulega eru ríkar ástæður fyrir því að gæta hófs, en ef einhver móðgast við mig er ég tilbúinn að taka því eins og maður, og rökræða, og jafnvel skipta um skoðun........

....hins vegar ef einhverjum finnst ég ærumeiðandi, getur sá hinn sami bara kært mig til lögreglu. Mbl hefur ekki dómsvald í ærumeiðingarmálum, og það HÖFUM VIÐ BLOGGARAR EKKI.

Tepruskapur og sjálfhverfa á einfaldlega ekki heima á spjallþráðum. Fólk sem kemur fram undir fullu nafni er ekki að misnota málfrelsið, ekki að vega að fólki úr launsátri og ekki að reyna að vera ábyrgðarlaust. Þvert á móti eru viðkomandi að bjóða upp á andsvör, gagnrýni og rökræður....og það er hið besta mál

Austangola var með ákveðnar skoðanir, ófeimin að láta þær í ljós og alls engin tepra.......þeir/þau sem þrýsta á að bloggarar loki eða það sé lokað á þá , mega minnast málsháttarins góða; ef þú þolir ekki hitann komdu þér þá út úr eldhúsinu.

Það er ekki rétt að heimta að kokkurinn fari heim eða að slökkt verði á eldavélinni....þetta er eldhús ..það á að vera heitt...

Með vinsemd og virðingu fyrir öllum sem eru ósammála mér.

[Heiða B. Heiðars, 25.9.2008 kl. 13:24]

Alveg sammála Haraldur.... en varla hefur einhver farið fram á að  blogginu hennar yrði lokað eins og mér finnst þú gefa í skyn. Enda ekki nokkur ástæða til þess

[Haraldur Davíðsson, 25.9.2008 kl. 14:07]

Það er ég ekki að gera Heiða, heldur kemur sú hugleiðing fram í færslunni, og ég er einungis að segja skoðun mína á slíku.

[Heiða B. Heiðars, 25.9.2008 kl. 14:12]

Ok ;) Málið er dautt :)

[Guðrún Emilía Guðnadóttir, 25.9.2008 kl. 20:00]

Takk fyrir gott innlegg og mikið rétt.
Veit eiginlega ekki hvað gerðist en mikið og ljótt hefur það verið.
Heyrðu annars velkominn heim aftur, var ekki fjör?
Hvort var það bjór eða kaffi?
Knús Milla.

[Haraldur Davíðsson, 25.9.2008 kl. 20:29]

Bjór......eða tveir...fjörið var ótvírætt, svo mjög að við tvítókum tónleikana, ( ekki sama kvöldið samt.)

[Björk. (IP-tala skráð) 25.9.2008 kl. 21:56]

Hér sé guð!!

Taktu ekki níðróginn nærri þér,

það næsta gömul er saga

að veikasti gróðurinn ekki það er,

sem ormarnir helst vilja naga.  ( Hannes Hafstein)

Það er aðeins eitt sem er verra en að um mann sé talað, það er að ekki sé um mann talað!      kv. B.P. 

[Guðrún Emilía Guðnadóttir, 26.9.2008 kl. 10:11]

Haraldur hefði gjarnan viljað vera þarna en það verður bara seinna.

[Guðrún Emilía Guðnadóttir, 26.9.2008 kl. 10:13]

Hannes er góður Björk, og þakka þér fyrir að koma hér inn og mæla svo vel til mín og réttmælt er það.Milla.