Fyrir svefninn

Jóhannes heitinn Kjarval hitti kunnan athafna- og peninga mann
á götu og bað hann að lána sér 100 krónur.
Hinn taldi Jóhannes ekki með traustustu skuldurum og sagðist
því miður ekki eiga neinn pening.
Nokkru seinna hittust þeir aftur í fjölmennu samkvæmi, Jóhannes
vatt sér að manninum, rétti honum 100 krónu seðil og sagðist
ætla að borga honum.
Vinurinn varð vandræðalegur og sagðist aldrei hafa lánað honum.
" Nei ég veit það," svaraði Jóhannes, "en þú vildir gera það.
þú bara gast það ekki."

Tveir fermingardrengir, ræddu um "Faðir vorið," og merkingu þess
og fannst öðrum það óþarfi að hafa daglega,
gef oss í dag vort daglegt brauð, vikulega væri nóg.
Hinn var nú ekki á sama máli, því hann taldi það nú best nýbakað.

                Brosmilda nótt.

             Allt mitt hugarfár
             það er til einskis,
             en ég felli tár
             um brosmilda nótt.

                     Máninn skein,
                     á okkar algleymi,
                     er við mættumst fyrst,
                     í fjörusandinum,
                     á brosmildri nótt.

                             Þú blómstraðir
                             við eignuðumst Perlu
                             sem að minnti mig
                             á brosmilda nótt.

            Ég elskaði
            þína englaásjónu
            með gyltan geislabaug
            sem að minnti mig
            á brosmilda nótt.

                            Ljós þitt slokknaði,
                            í drunga vetrar,
                            og þú hvarfst á braut,
                            á silfruðum öldunum
                            sem að bera þig heim.
 

                                        Allt mitt hugarfár
                                        það er til einskis,
                                        en ég felli tár
                                        vegna minninga
                                        um brosmilda nótt.

                         Gísli Þór Gunnarsson.

Góða nótt.

Athugasemdir

[Helga Magnúsdóttir, 11.11.2008 kl. 20:55]

Góða nótt.

[Heidi Strand, 11.11.2008 kl. 21:07]

Góð saga af listamanninum.
Sorglegt hvernig það var farið með eigur hans eftir hans dag.
Góða nótt Milla mín.

[Brynja skordal, 11.11.2008 kl. 21:15]

Góðar sögur fyrir svefnin Góða nóttina Milla mín Elskuleg

[Sigrún Jónsdóttir, 11.11.2008 kl. 22:52]

Takk fyrir mig og góða nótt Milla mín

[Ólöf Karlsdóttir, 11.11.2008 kl. 23:28]

Góða nótt Milla mín ,flott að venju Knús á ykkur Óla

[Ásdís Sigurðardóttir, 11.11.2008 kl. 23:28]

[Anna Guðný , 12.11.2008 kl. 00:44]

Góð saga

Hafðu það gott ljúfan og kíktu að bloggið mitt eftir að þú vaknar.

[Guðrún Emilía Guðnadóttir, 12.11.2008 kl. 07:34]

Góðan daginn skjóðurnar mínar og eigið góðan dag í dag sem alla daga
Ljós og kærleik til ykkar allra
Milla