Guð hvað ég hef verið græn.

Sko ekki framsóknargræn heldur saklaus/græn, það er
reginmunur á því.
Get svarið að ég hélt að þessir menn væru svo heiðarlegir
og allir hinir einnig, nenni nú ekki að byrja að telja þá upp,
það yrði langur listi manna sem bæði ég og margir aðrir
trúðu á.
Eigi er það nú neitt skrítið að við hinn sótsvarti almúgi trúi
er forsætisráðuneytið trúði að þeir væru með eftirlitið undir
stjórn Seðlabankans í lagi allir brugðust þeir sem áttu að
veita strangt eftirlit með bönkunum.

Hvað kemur svo upp úr skítnum, menn hafa bara verið að
leika sér, sko ekki með hundruðir af miljónum heldur með
þúsundir af miljörðum sem þeir áttu ekkert í og það var
bara sagt gerið svo vel elskurnar kaupið bara snekkjur,
flugvélar og hvað eina sem ykkur dettur í hug.

Og svona hefur fjármálaóreiðan verið á öllum sviðum
í tuga ára.
drullist út úr glerhúsunum og sjáið raunveruleikann bæði
ríkisstjórn og aðrir þeir sem hlut eig að máli.

Fjandinn hafi það maður er búin að fá hvert kjaftshöggið á
fætur öðru síðan í okt. og ætíð taldi maður vera skýringar
á þessu og hinu, en nú og fyrir löngu er miklu meir en nóg
komið.
Við viljum peningana heim og við viljum lifa mannsæmandi lífi
og ekki borga sora skuldir óreiðimanna.

Ríkið tekur Straum yfir

Athugasemdir

[TARA, 9.3.2009 kl. 11:09]

Sammála þér Milla mín...ég er líka græn...

[Rúnar Berg Baugsson (IP-tala skráð) 9.3.2009 kl. 11:15]

Við trúðum því öll að þetta væru góðir menn, og er það ekkert til að skammast sín fyrir. Enda voru/eru þessir menn með menn á sínum snærum sem hafa doktorsgráður í að vita hvernig heilinn virkar og hvernig er hægt að nýta þessa virkni til að hafa áhrif á skoðanir hans. Hugstjórnun sem hefur verið gefið því sakleysislega nafn auglýsing en á þó lítið skylt við eðlilegar tilkynningar sem skýrir hver hefur upp á hvað að bjóða.

Svo voru þessir menn líka bara að leika sér að pappírsverðmætum, sem aftur eiga lítið skylt með raunverulegum verðmætum, nema að það eru þessi verðmæti sem þeir hafa prangað almenning til að nota í skiptum fyrir raunveruleg verðmæti. Þannig hafa þeir fulla stjórn á pappírsverðmætunum sem við erum svo háð á meðan þeir sanka að sér raunverulegum verðmætum. Við hrun falla svo pappírarnir í verði en raunverðmætin halda sínu... sum sé almenningur tapar öllu á meðan einhver ósýnileg elíta heldur öllu

[Ásthildur Cesil Þórðardóttir, 9.3.2009 kl. 11:30]

Svo reyndu þeir að telja okkur trú um að við værum GRÆN af öfund Ekki satt!!!

[Guðrún Emilía Guðnadóttir, 9.3.2009 kl. 12:58]

Tara mikið er ég fegin að vera ekki ein um þetta.

[Guðrún Emilía Guðnadóttir, 9.3.2009 kl. 13:01]

Svona gerast málin á eyrinni Rúnar Berg.
Mikið rétt Doktorsgráðu í því að heilaþvo fólk.
Kveðja
Milla.

[Guðrún Emilía Guðnadóttir, 9.3.2009 kl. 13:03]

Ásthildur mín við höfum nú aldrei kunnað að vera öfundsjúkar, en ef þeir hafa haldið það ræflarnir þá er það í lagi okkar vegna.

Ljós til þín ljúfust og kveðjur
Milla.

[Jónína Þorbjörg Gunnarsdóttir (IP-tala skráð) 9.3.2009 kl. 13:17]

Ég hélt bara að þú værir orðin vinstri græn Milla mín.

Það verður reyndar alltaf svartara það sem maður sér koma upp á yfirborðið. Ég vissi ekki að Bakkabræður hefðu átt snekkju fyrr en ég las það í gær í DV.is  Ég get svo endalaust orðið hneyksluð á þessu sukki öllu saman ég á bara ekki orð yfir það. Við almenningur  með lokuð augun og treystum svo vel að allt væri í lagi, héldum að þeir væru svo klárir allir þessir stuttbuxnadrengir. 

Ljós til þín Milla mín.

[Guðrún Emilía Guðnadóttir, 9.3.2009 kl. 13:31]

Jónína mín, VG nei en mundi vilja kjósa úr þeirra röðum ef maður mætti bara kjósa menn.

Snekkjan! ég varð svo yfirmáta orðlaus hvað halda menn eiginlega að þeir séu, olíufurstar frá sameinuðu furstadæmunum eða hvað?

Maður er nú svolítinn tíma að melta þetta allt.

Knús kveðjur
Milla.

[Jónína Þorbjörg Gunnarsdóttir (IP-tala skráð) 9.3.2009 kl. 13:36]

Nákvæmlega, olíufurstar það mætti halda það ætti að taka þá og rassskella þá alla saman niðrá Lækjartorgi á 17 júní.

[Guðrún Emilía Guðnadóttir, 9.3.2009 kl. 14:38]

Yes!!! mundi sko aka suður til að sjá það, síðan væri gott að setja þá í þrifin á sjúkrahúsum og svoleiðis.

[Jónína Þorbjörg Gunnarsdóttir (IP-tala skráð) 9.3.2009 kl. 14:45]

Ef þeir ættu að fara í þrifin þá væri það bara klósettþrifin og svo væri gott að láta þá salta fisk og umstafla moka salti með skóflum. Grafa skurði með JCB 1. Það er ýmislegt hægt að finna til þess að láta þá vinna í þegnskylduvinnu. Þeir gætu líka unnið atvinnubótavinnuna sem Vinstri Grænir eru að stinga upp á fyrir þjóðina þ.e. að búa til göngustíga.

Það væri líka gott að láta þá sjá um að moka hesthúsin fyrir þá sem vilja. Allt í sjálfboðavinnu við erum jú að borga fyrir þá skuldirnar þannig að þeir verða að vinna fyrir þeim.  

[Jónína Þorbjörg Gunnarsdóttir (IP-tala skráð) 9.3.2009 kl. 14:47]

Það verður sennilega áhrifaríkara að hafa rassskellingarnar á Þingvöllum. Já auðvitað mætum við öll það er ekki spurning.

[Guðrún Emilía Guðnadóttir, 9.3.2009 kl. 15:25]

Gæti verið, allavega flottara útsýni fyrir okkur.

[Kristín Katla Árnadóttir, 9.3.2009 kl. 17:03]

Guð minn góður ég held líka ég sé græn.

[egvania, 9.3.2009 kl. 17:26]

Vitið hvað, við eigum þetta ekki til í okkur að svína á náunganum þess vegna trúðum við.

Ég er á sama máli og Jónína.

Ég vil að þessir menn fái að vinna og lifa á 120.000.00 á mánuði og ég vil Steingrím J. þar líka.

Hvers vegna hafa þessir menn gengið úr ráðherrastólum og beint í til búið djob með há laun sem er svívirða.

Vitið þið um einhvern sem hefur farið í vinnu til dæmis að skúra á sjúkrahúsum eða sambærilegt. 

[Guðrún Emilía Guðnadóttir, 9.3.2009 kl. 17:31]

Katla mín ekkert skrítið eins og tekið er fram hér að ofan, við trúðum öll eins og um nýtt net væri að ræða.
Knús til þín
Milla.

[Guðrún Emilía Guðnadóttir, 9.3.2009 kl. 17:36]

Satt hjá þér Ásgerður mín einmitt vegna þess að við erum heiðarleg trúum við, já það ætti að setja þá á 120.000 á mán
alla saman. og þú nefnir Steingrím hann er nú ekkert betri en hinir hafandi verið í andstöðunni í öll þessi ár  og ekki notað sína rödd í að fræða um þessa hluti.
Kannski var hann svona grænn eins og við.
Knús til þín

Milla.

[Einar Áskelsson (IP-tala skráð) 9.3.2009 kl. 17:46]

Spilin eru að detta út eitt af öðru í spilaborginni.l Viðurkenni að það hlakkaði í mér að sjá þetta koma fyrir hrokagikkinn hann Björgólf Thor. Hann sýnir enga iðrun heldur frekju og yfirgang. Gott hjá viðskiptaráðherra. Hann ætlar að leggja þetta batterí niður og Björgólfur tapar milljörðum. Sem betur fer töpum við engu á þessu.

[Guðrún Jónína Eiríksdóttir, 9.3.2009 kl. 17:57]

Við erum of trúgjörn almennt, ég vil t.d. trúa á Guð(að það góða sigri) og er bara farinn að hallast að því að það sé betra að trúa á Guð en menn. Það á mikið eftir að koma í ljós. Kvitt

[Guðrún Emilía Guðnadóttir, 9.3.2009 kl. 18:13]

Sem betur fer Einar, en eins og þú segir þá hlakkar í manni er maður hættir að vera grænn, en er hann ekki búin að koma þessu fyrir á góðum stað?

[Guðrún Emilía Guðnadóttir, 9.3.2009 kl. 18:15]

Já Dúna mín mikið á eftir að líta dagsins ljós á öllum vígstöðum.
Var ekki gaman í ferðinni, eða komust þið kannski ekki vegna veðurs?
knús til þín

Milla.

[Brjálaða Bína (IP-tala skráð) 9.3.2009 kl. 22:06]

Ég veit ekki hvort ég á að vera brjáluð eða hreinlega að gefast upp. Öll árin sem XD flokkurinn var að koma okkur úr eymdinni eins og þeir kölluðu þetta og koma þessu góðæri á var ég einstæð móðir að reyna að eyga fyrir salti í grautinn á launum sem ékki var hægrt að lifa mannsæmandi lífi svo ég komst í skuldir sem ég hef verið að greiða niður undanfarin ár en hef ekki getað augnast á fasteignum þar sem ég flakkaði á milli leiguhúsa, núna í dag þegar allt var að komast í gott lag hjá mér missi ég vinnuna og sé fram á að lenda aftur í fjárhagsörðuleikum vegna hárra vaxta og lágra atvinnuleisisbóta sem rétt duga fyrir greiðslu leigu íbúð sem ég er föst í allavega 1 ár. Það á að láta þessa seggi og yfirvöld sem brugðust okkur að afskrifa skuldirnar okkar eins og skuldirnar þeirra svo við getum komið okkur af þessu skítapleysi.