Eigi skuluð þið hneykslast elskurnar.

Íbúðalánasjóður átti miljarða hjá Straumi

Íbúðalánasjóður var langstærsti innstæðueigandi í fjárfestingarbankanum Straumi, sem yfirtekinn var af Fjármálaeftirlitinu í gærmorgun. „Ég gef það ekki upp nákvæmlega, enda erum við ekki vön að gera það, en þetta skiptir milljörðum," segir Guðmundur Bjarnason, forstjóri sjóðsins. Mögulegt tap ríkisins vegna innstæðna í Straumi gæti því orðið tilfinnanlegt, hvar í ríkisreikningum sem það hafnar á endanum, dugi eignir ekki fyrir innstæðum.

„Samkvæmt áhættustýringu ber okkur að hafa til reiðu ákveðið fjármagn til að svara skuldbindingum sjóðsins vegna afborgana af okkar lánum og eins fyrir væntanleg útlán. Þetta lausafé ávöxtum við á markaði, í fjármálastofnunum, með ríkisbréfum eða í seðlabanka eftir atvikum. Hluti af því var í Straumi. Þar áttum við hagsmuna að gæta," segir Guðmundur.

Hvað skyldi þetta gera? jú örugglega eitthvað á þá leið:
" Því miður þá verður að hætta við ??????????."
Sko við bara vissum ekkert um þetta, (kjaftæði)

Þeir koma alltaf af fjöllum, blessaðir.

Heimildir herma að lífeyrissjóðir hafi einnig verið stórir innstæðueigendur í Straumi, en ekki náðist í forsvarsmenn landssamtaka þeirra í gærkvöldi til að staðfesta það. Hjá starfsmönnum Straums var borið við bankaleynd um hverjir væru í hópi innstæðueigenda, en kunnugir segja ÍLS hafa verið langstærstan þeirra. Reynir Vignir, formaður skilanefndar Straums, segir að verið sé að taka upplýsingar um þetta saman fyrir nefndina. Hann vildi ekki tjá sig frekar um þetta í gærkvöldi

Vitið hvað mér dettur í hug, jú það sem ég hef verið að
hugsa um í þó nokkurn tíma undanfarið.
Tölvuleikir, hef verið að skoða þá þetta er rosa spennandi
mikil ósköp, maður safnar þessu og hinu og verður ríkur á
nóginuuuuuuuuu, bara að syngja það.
Þeir eru svo sætir og góðir margir hverjir þessara leikja, þú
græðir svo og svo mikið ef þú gerir eitt og annað og ert stillt
og ekkert kemur fyrir hjá þér, mörg gull eða einhvern annan
gjaldmiðil færðu ef svo er.
Nú allt í einu átt þú fyrir húsi og svo öðru sem þú legir út og
þarft bara ekkert að vinna frekar en þú villt.
Síðan er það sko ef þú gefur mér þá hjálpa ég þér og öfugt.
Dadaradadada er búin að eignast snekkju, bíla, hús, verslanir
er orðin svo vel kynnt að ég fékk bara biljarða í vasan til að
kaupa allt sem mig langaði í, ligga ligga lá, Jejeje.
'Eg veit ég hljóma kolkreisý, en hafið þið skoðað þessa leiki?

Mér detta þeir alltaf í hug þessa daganna er blauta tuskan
skellur í andlitið á mér trekk í trekk.
Skildu þessir ráðamenn okkar hafa iðkað mikið þessa leiki.
Mér skilst að fólk sé látið í meðferð við kvilla þessum.

Íbúðalánasjóður átti milljarða hjá Straumi

Athugasemdir

[Auður Proppé, 10.3.2009 kl. 10:15]

Góðan daginn Millan mín, ég er komin aftur hress og kát  Knús í daginn þinn

[Jónína Þorbjörg Gunnarsdóttir (IP-tala skráð) 10.3.2009 kl. 10:45]

Ég skil ekki af hverju Íbúðarlánasjóður var ekki búin að koma þessum innistæðum sínum í annan banka þeir hljóta að hafa vitað í hvað stefndi með Burðarás-Straum. Hvernig er með alla þessa kláru fræðinga okkar eru þeir ekki með neitt innsæi. Ég er viss um að venjuleg Jón eða Jóna út í bæ hefði séð þetta fyrir.

Eins er með lifeyrissjóðina af hverju var ekki búið að skipta um banka og leyfa svo þessum banka að rúlla í staðinn þarf ríkið að fara að ábyrgjast enn einn skuldaklafann.

Þetta er alveg eins og tölvuleikir hjá þeim svei mér þá, enda er veröldin ein blekking og við erum stödd í miðjum tölvuleik.

Ljós og mikið knús til þín.

[Guðrún Emilía Guðnadóttir, 10.3.2009 kl. 13:14]

Takk Auður mín sömuleiðis.
Þín Milla

[Guðrún Emilía Guðnadóttir, 10.3.2009 kl. 13:16]

Segðu Jónína mín og svo satt í miðjum tölvuleik, við teljum þá flesta saklausa, en þeir eru það ekki.
Knús í daginn
Milla.