Ég þangað, þegar verður farið að leigja út.

Skrýtið en ég er búin að sitja hérna smástund og átta
mig á þessari frétt, það er ekki 1 apríl eða neitt.

Sumarhús Sigurðar Einarssonar að Veiðilæk er enn í byggingu.

200 miljónir gegn veði í sveitasetri

Sigurður Einarsson, fyrrverandi stjórnarformaður Kaupþings, skuldar Vátryggingafélagi Íslands (VÍS) 200 milljónir króna gegn veði í hálfbyggðu sveitasetri sínu við Veiðilæk í Borgarfirði. Tryggingarbréf þar sem setrið er sett að veði fyrir skuldinni er útgefið 29. desember 2008, eða fyrir um þremur mánuðum.

Já hálfbygg er það ennþá en það á örugglega að húrra þessu
bara upp í kreppunni.
Staðsetningin er bara flott og ekki dónalegt að bjóða fólki upp
á svona lúxus, en ég spái því að einhver kaupi þetta og jörðina
með, til dæmis einhver sem í kolli sínum geymir gullið, klári
húsið og geri það að hóteli, þá ætla ég að leigja eina nótt ekki
mun ég hafa efni á fleiri nóttum.

Samkvæmt ársreikningi félags í eigu Sigurðar, Veiðilæks ehf., sem stofnað var utan um byggingu setursins, hafði Sigurður sjálfur lánað 218 milljónir króna til framkvæmdarinnar í árslok 2007.

Jæja hann hefur þá átt 218 miljónir til að setja í þetta sjálfur
eða mun svo koma í ljós að hann hafi fengið þær lánaðar
einhversstaðar,líklega hefur hann gert það ekki taka þeir neina
áhættu sjálfir blessaðir.

VÍS er að fullu í eigu Exista, sem var stærsti eigandi Kaupþings fyrir bankahrunið í október. Hluthafar Exista skipta þúsundum.

Já nú fatta ég, hann hefur ætlar að bjóða hluthöfunum að gista
eina nótt þegar allt væri búið.

Morgunblaðið sendi Sigurði spurningar um veðsetninguna í tölvupósti í gær. Þar var hann meðal annars spurður hvort skuld hans við VÍS væri vegna lánveitinga til hans og hvort hann hefði endurgreitt sér þá upphæð sem hann hafði lánað Veiðilæk ehf. vegna byggingar sveitasetursins. Í svari Sigurðar segir að hann líti á persónulegar fjárreiður sínar sem einkamál og að hann sjái „ekki ástæðu til að fjalla um þær opinberlega. Bygging hússins að Veiðilæk og málefni einkahlutafélagsins sem stofnað var vegna þeirra framkvæmda er hluti af persónulegum fjárfestingum mínum og ég vil ekki svara spurningum þar að lútandi".

Auðvitað vill maðurinn ekki ræða sín einkaviðskipti, en hvað
með þá sem töpuðu og eiga eftir að tapa peningunum
sínum á þessu ógeðslega brölti öllu saman.
Hér sveltir hálf þjóðin getur ekki borgað af sínu, er tekið í
gjaldþrot eða gert árangurslaust fjárnám hjá og allt vegna
ástandsins sem aðrir hafa skapað.
Fari þeir bara til fjandans allir þeir sem urðu þess valdandi
að allt hrundi.

Fokheldur lúxus

Sigurður Einarsson keypti jörðina Veiðilæk vorið 2004, en hún stendur við Norðurá í Borgarfirði, eina frægustu laxveiðiá landsins. SPRON lánaði félagi í eigu Sigurðar á sama tíma 76 milljónir japanskra jena með veði í jörðinni. Framkvæmdir við byggingu setursins, sem er um 840 fermetrar, hófust árið 2007. Þar áttu meðal annars að vera fimm baðherbergi, stærðarinnar borðstofa, 50 fermetra vínkjallari, tvöfaldur bílskúr og tvö gufuböð sem áttu að vera byggð inn í bergið undir setrinu sjálfu. Setrið er í dag fokhelt og byggingu þess hefur verið hætt, að minnsta kosti tímabundið.

Sko eins og ég taldi hann fékk lánað til kaupa á jörðinni
og það hjá Spron 76 miljónir jena með veði í jörðinni.
En lesið bara stærðina og allt sem átti að vera í þessu
"Sveitasetri" er ekki í lagi með menn það kallast ekki "sveitasetur"
á Íslandi bara sumarhús eða veiðihús, Fjandans snobbarar eru
þetta. manni leið nú bara vel í gömlu veiðihúsunum við hvort sem
var Grímsá, Víðidalsá eða öðrum þeim ám sem maður kom í hér
áður og fyrr, en eins og allir vita þá eru komin ný veiðihús við
þessar ár.
Ég spyr hvernig er þetta hægt, ekki mundum við fá svona lán
þó jörð ættum, eða er það?
Vona að þessum mönnum öllum líði bara vel.
Okkur líður ekki vel.

200 milljóna veð í sveitasetri

Athugasemdir

[Jónína Þorbjörg Gunnarsdóttir (IP-tala skráð) 2.4.2009 kl. 10:30]

Eigum við ekki bara að kaupa setrið og byggja þarna heilsubæli, þarna er örugglega heitt vatn og ekki verður aðstaðan dónaleg allir út með stöngina til að veiða í kyrrðinni við Norðurána.

Hafðu það gott Milla mín.

[Sigríður B Svavarsdóttir, 2.4.2009 kl. 10:30]

Já  þetta er alveg stórfurðulegt.  Þessi frétt segir sennilega mikið fyrir okkur sem tóku ekki þátt í græðginni. Þeir höfðu ekki vit á heldur að eignast peninginn, heldur fór græðgin í eyðsluna líka og botnslausa græðgi á flottheitum.  Í hvaða  raunheimum hafa þeir lifað spyr ég?  Ég segi þeir því þessir 30 voru allir í því sama GRÆÐGINNI. Takk fyrir seinast mín Elskuleg.. Eigðu daginn góðan, ljós yfir til þín ljúfust mín.

[Ólöf Karlsdóttir, 2.4.2009 kl. 12:27]

Ha sumarhús er þetta ekki einbýli með tvöföldum bílskúr sýnist það af mynd ,sko þessir herramenn eru veruleikafyrtir ,en þeir halda að við 

séum það .Það stemmir ekki ???? .Ég hafði ekki efni á að vera svona gráðug sorrý   

Knúsý knús Óla og Vala  Eigðu góðan dag milla mín

[Finnur Bárðarson, 2.4.2009 kl. 13:12]

Of sein öll sömul ég er búinn að kaupa það

[Guðrún Emilía Guðnadóttir, 2.4.2009 kl. 13:26]

Jónína ég er með yndislegra heilsuhótel er ekki hægt að hugsa sér og gestirnir mundu bara veiða í matinn.
Knús til þín

Milla.

[Guðrún Emilía Guðnadóttir, 2.4.2009 kl. 13:27]

vallý þú gleymdist þarna uppi, en elskan við getum bara orðið séra Jón.
Knús í daginn
Milla

[Guðrún Emilía Guðnadóttir, 2.4.2009 kl. 13:29]

Já Sigga mín guð sé lof að maður tók ekki þátt, en samt hefur þetta áhrif á okkar kaupgetu og annað.
Takk sömuleiðis fyrir síðast Sigga mín
sendi ljós yfir til þín
Milla.

[Guðrún Emilía Guðnadóttir, 2.4.2009 kl. 13:31]

Jú Óla mín einbýli upp á 840 fermetra, ótrúlega ósvífið.
Ljós til þín og Völu
Milla.

[Guðrún Emilía Guðnadóttir, 2.4.2009 kl. 13:32]

Æ Æ Finnur tók af okkur vonina um heilsuhótel, ekki nema að hann vilji leifa okkur að vera mem.

[Ía Jóhannsdóttir, 2.4.2009 kl. 13:52]

Mér finnst þetta ekki einu sinni fallegt hús, ok hálfklárað víst eftir að setja aðrar 200 millur í herlegheitin.  Það verða fleiri svona uppboð á næstunni en bara spurningin hver hefur efni á að kaupa kofana.

[Finnur Bárðarson, 2.4.2009 kl. 13:55]

Ég leigi út gegn hlutabréfum í Baugi

[Birna Dis Vilbertsdóttir (IP-tala skráð) 2.4.2009 kl. 14:11]

Nei 2 apríl.Þetta er náttúrulega bara fyndið.Firringin er algjör ENNÞÁ.

[Helga Magnúsdóttir, 2.4.2009 kl. 14:21]

Þetta er bara skandall og ekkert annað. Gaman væri að vita með hvaða vöxtum þessi lán eru.

[Guðrún Emilía Guðnadóttir, 2.4.2009 kl. 14:29]

Ía mín margir saman það er fullt til af peningum og ef þetta telst arfvænt þá kaupir það einhver.
Knús til þín
Milla.

[Guðrún Emilía Guðnadóttir, 2.4.2009 kl. 14:30]

Bara í Baugi, en ef maður á beinharða peninga úr banka?

[Guðrún Emilía Guðnadóttir, 2.4.2009 kl. 14:31]

Birna Dís mín þetta er algjört rugl.
Knús til þín
Milla.

[Guðrún Emilía Guðnadóttir, 2.4.2009 kl. 14:32]

Já Helga þú kemur með góðan punkt heldurðu að við fáum að vita það?
nei aldrei.
Knús til þín
Milla.

[Guðrún Emilía Guðnadóttir, 2.4.2009 kl. 16:28]

við vitum það elskan

[Linda Linnet Hilmarsdóttir, 2.4.2009 kl. 18:11]

Innlitskvitt og ljúfar notalegar kveðjur