Þetta er flott, fyrir svefninn

 Hún er svo falleg hún Líf.

// Innlent | mbl.is | 16.4.2009 | 16:52

Mun tryggja að Líf fái líf

„Ég legg það á mig sem þarf til þess að tryggja að það finnist sú lausn í málinu að Líf fái líf," segir Kolbrún Halldórsdóttir, umhverfisráðherra.

Hún var á ferð á Austurlandi í dag og heimsótti hreindýrskálfinn Líf sem ábúendur að Sléttu utan við Reyðarfjörð hafa haldið frá því í fyrravor.

„Hún er mjög mannelsk, rétt eins og gæludýr. Fjárhundurinn var þarna við hlið hennar og ég mátt klappa þeim báðum," segir Kolbrún.

Umhverfisstofnun hafði bent ábúendum á ákvæði laga um villt dýr og hvatt þá til að sækja um leyfi til að halda hreindýrskálfinn. Að öðrum kosti gæti þurft að aflífa dýrið.

Kolbrún Halldórsdóttir segir að ekki muni koma til þess.

Það er æðislegt ef að kolbrún Halldórsdóttir getur gengið frá þessu
máli fyrir kosningar, því eigi gerir hún það eftir þær.
En að sjálfsögðu þarf að kippa þessu máli í lag.

„Ég er sannfærð um að Líf mun eiga langt og farsælt líf fyrir höndum. Það er verið að skoða þetta í ráðuneytinu og það verður auðvitað fundin lausn á þessu máli. Það á ekki að fara að slátra henni Líf, svo mikið er víst."

Samkvæmt lögum má ekki hafa villt dýr í haldi en Líf er ekki í haldi. Hún er á bænum Sléttu þar sem hún er alin upp.

„Þetta er fólk sem bjargaði lífi hennar og hún fer ekki lengra en svo að hún sjái til bæjarins. Ef að Líf velur að vera þarna þá er ekkert í lögum sem skilgreinir hvar villt dýr skuli halda sig. Þetta mál horfir þannig við að það þarf bara að ákveða hvernig þessu verður fyrirkomið. Nú verður þetta mál bara lagað og leiðrétt," segir Kolbrún Halldórsdóttir.

Flott að fá þessa umræðu svona skýra þannig að fólk skilji að
Líf er ekki í þéttbýli og ekki í haldi algjörlega frjáls, þannig að
ef hún vill fara í hjörð þá gerir hún það, það mun koma í ljós
er hún fer á kynþroskaaldurinn, eða er það ekki annars?

Gangi ykkur allt í haginn kæru ábúendur á Sléttu.

                 ***********************
                              Vor

Náttúran af værum blundi vakin,
vetrartíð í sumar hefur breytt.
Nú er allur harmur burtu hrakinn,
hjarta manns að nýju gleði veitt.
Fyrir eyrum ótal raddir hljóma,
unaðsríkan heyrum fuglasöng.
Loftið fyllist angan blíðra blóma,
buna lækir fram um undirgöng.

Vorsins koma veitir hverju hjarta
vonarljós er styrkir sálu manns.
Yfir meinin leggur blæju bjarta,
bindur liðnum vetri minniskrans.
Blessuð sólin visnar vermir rætur,
vekur enn að nýju blómakrans.
Það sem vorið endurlifna lætur
lýsa hlýtur mætti skaparans.

Hjörleifur Jónsson, Gilsbakka
(1890-1985)

Góða nótt kæru vinir.

Mun tryggja að Líf fái líf

Athugasemdir

[Rut Sumarliðadóttir, 16.4.2009 kl. 20:17]

Góð málalok.

[Helga Magnúsdóttir, 16.4.2009 kl. 20:39]

Kolbrún er flott.

[Guðrún Emilía Guðnadóttir, 16.4.2009 kl. 20:52]

Já afar flott og vonandi fara þau á besta veg.
Knús til þín
Milla

[Guðrún Emilía Guðnadóttir, 16.4.2009 kl. 20:53]

Já í þessu var hún það.
Knús til þín
Milla

[Jonni (IP-tala skráð) 16.4.2009 kl. 20:53]

Þegar öllu er á botninn hvolft þá kemur í ljós að þessi frétt er tilbúningur frá upphafi til enda eingöngu til þess að veiða atkvæði. Þvílík tilviljun að miðjustúlka Samúels skuli hafa verið á staðnum sama dag. Dýrið er ekki í haldi og getur farið þegar það vill og því þarf ekki að leiðrétta neitt í þessu máli.

[Sigrún Jónsdóttir, 16.4.2009 kl. 21:31]

Góða nótt Milla mín

[Ásdís Emilía Björgvinsdóttir (IP-tala skráð) 16.4.2009 kl. 21:57]

Æi, gott að það þarf ekki að aflífa blessað dýrið.

Góða nótt, elsku Milla

Kær kveðja

[Einar Áskelsson (IP-tala skráð) 16.4.2009 kl. 22:32]

Mér finnst Kolbrún ekki flott og henni hlýtur að hafa liðið frekar illa með reykspúandi og mengandi álver rétt hjá sér. En Líf á að eiga sitt líf. Annars bið ég kærlega að heilsa ykkur Milla mín og afsakaðu lélegar innkomur hér hjá mér að undanförnu. Farðu svo vel með þig og skilaðu kveðjum. Góða nótt kæra.

[Erna Friðriksdóttir, 17.4.2009 kl. 01:29]

Knús  til þín Milla mín 

[Guðrún Emilía Guðnadóttir, 17.4.2009 kl. 07:17]

Knús í daginn þinn Sigrún mín.
Milla

Gleði í þinn dag nafna mín í Eyjum
Milla

[Guðrún Emilía Guðnadóttir, 17.4.2009 kl. 07:21]

Nei Einar minn hún er ekkert flott, en í þessu var hún flott.
Svo hefur hún haft gott af áhorfinu á álverið
Þú þarft nú ekki að forlátast yfir fáum innkomum eigi hef ég verið svo góð í þeim sjálf að undanförnu, en það er vonandi allt að koma,
Kærleik til ykkar í Mosó
Milla.

[Guðrún Emilía Guðnadóttir, 17.4.2009 kl. 07:22]

Kærleik til þín Erna mín er ekki allt orðið autt á Hvammstanganum.
Milla.