Fyrir svefninn.

                  Hafnfirðingar drekka mikið te

Sigurður Skúlason skrifaði sögu hafnafjarðar er kom út
1933. Hann taldi sig hafa fundið í í verslunarskjölum
hamborgarkaupmanna að Hafnfirðingar hefðu áður fyrr
flutt inn fjarska mikið te. En það kom í ljós að Sigurður hafði
ruglað saman orðunum ,,Tee" og ,,Teer" sem er tjara.
Gerðu menn grín að þessu, engin þó betur en Jón Helgason
sem orti:

                Fyrst kom einn, sem breytti vatni í vín
                og vann sér með því frægð sem aldrei dvín,
                en annar kom og breytti tjöru í te
                og tók að launum aðeins háð og spé.

                              Krankleiki

Eitt sinn þegar holdsveikir fyrirfundust enn á Íslandi var gefin
út bæklingur um þennan óhugnanlega sjúkdóm og voru í
honum myndir af holdsveiku fólki.
Kerling ein á Austfjörðum tók sig til og hellti terpentínu á
allar myndirnar og sagðist ekki kæra sig um að sýkjast af
þessum ófögnuði.

                              *********

,, Ég er bílveikur, konan mín er bílveik, krakkarnir eru allir bílveikir
   og hundurinn líka. - Þetta er ættgengur andskoti."
                            Bóndi úr þistilfirði.

Góða nótt kæru vinir

Athugasemdir

[Huld S. Ringsted, 27.4.2009 kl. 20:32]

[Jenný Anna Baldursdóttir, 27.4.2009 kl. 20:34]

Hahaha.  Góða nótt kona góð.  Ertu í stöði?

[Guðrún Emilía Guðnadóttir, 27.4.2009 kl. 20:38]

Ljós til þín Huld mín
Þín Milla.

[Guðrún Emilía Guðnadóttir, 27.4.2009 kl. 20:44]

Jenný ég er eiginlega alltaf í stöði.

Kveðja
Milla

[Einar Áskelsson (IP-tala skráð) 27.4.2009 kl. 21:18]

Frábært. Glæsilegar kveðjur til þín frá okkur og góða nótt góða kona. p.s. Tannlæknar eru fólk. Gangi þér vel á morgun.

[Guðrún Emilía Guðnadóttir, 27.4.2009 kl. 22:14]

Einar minn veit ég vel, en þeir eru monster í mínum huga, en ég ætla að reyna að vera dugleg.
Kveðjur til þinna
Milla