Sunnudagurinn á enda.

Það endaði náttúrlega á því að ég bakaði vöfflur, hringdi
í Millu og Ingimar og sagði að ég væri að baka svona bara
ef þau vildu, þau komu, en voru boðin í garðveislu kl 17
og skyldi þau ljósin eftir hjá ömmu og afa.

Gísli var í því í dag að laga til í geymslunni, koma upp á
loft því sem ekkert er notað setja snaga fyrir kústa og
moppur einnig stóran hanka fyrir rekurnar, enda bara
notaðar á veturna.

Síðan var grillið tekið í gegn og þegar allt var klárt, var
farið að grilla brauð, allir fengu það ofan á sem þeir vildu.
Þær borðuðu úti, afi fór í fréttir með sitt brauð og ég við
eldhúsgluggann stundum var kallað að utan og þá
stökk afi á fætur til að þjóna ljósunum.

Nokkrar myndir úr garðinum okkar.



Þetta er á pallinum undir eldhúsglugganum, nelika í potti.

Birkikvisturinn minn setti ég niður kál fyrir framan
bara svona rétt að prófa.

Gullsópurinn ekki alveg komin í blóma.

Fjölært blóm sem ég veit ekkert hvað heitir, en þarna fremst
setti ég niður kartöflur.



Hinum megin á pallinum, hjól sem er eiginlega aldrei notað
stjúpur í potti.

Kærleik til allra
Milla

Athugasemdir

[Jónína Þorbjörg Gunnarsdóttir (IP-tala skráð) 7.6.2009 kl. 22:56]

Flottur pallurinn hjá þér Milla mín ég skil ekki að þú skulir ekki vera orðin multimilli með allt svona spikk og spa. Það skiptir víst öllu upp á flæðið að hafa allt í röð og reglu líka upp á heilsuna að gera.

Knús inn í nóttina.

[Guðrún Emilía Guðnadóttir, 8.6.2009 kl. 08:18]

Jónína mín það er nýbúið að laga til, annars er ég rík, mér hefur hlotnast það mesta ríkidæmi sem til er það er kærleikur frá fólkinu mínu.

Kannski stoppa ég á einhverjum tímapunkti peningaflæðið, en það er allt í lagi.

Ég er nú ekki þannig að það þurfi að laga til undan fólki, eins og ein góð frænka mín gerði maður var ekki farinn út úr garðinum hjá henni er maður heyrði í ryksugunni.
Ljós í daginn þinn
Milla

[Guðrún Emilía Guðnadóttir, 8.6.2009 kl. 08:19]

Takk Vallý mín og ljós í daginn þinn
Milla.