Peðin á undan kóngunum?

Já er verið að taka peðin á undan kóngunum, eða er og eða
var þetta peð kannski kóngur í felum?

Auðvitað er gott að hann sé rannsakaður, en held að þeir
ættu að flýta sér að taka stóru kóngana áður en þeir eru
alveg búnir að koma ár sinni vel fyrir borð.

Það er vitað mál að í gegnum árin hafa peðin verið sett í fangelsi
á meðan kóngarnir sleppa, þar má nefna mörg mál, en ætla að
sleppa því að sinni.

Ég hef það einhvernvegin á tilfinningunni að heitu málin séu að
renna út í sandinn.

Hvenær fáum við eitthvað um bankahrunið og svínaríið í kringum
það og gaman þætti mér að vita af hverju stjórnin sem var tók
niður Glitni og síðan Landsbankann, hefði ekki verið betra að
fara öðruvísi í málin?

Margir eru búnir að spyrja að þessu, en aldrei hafa fengist svör
við því og þá meina ég samkvæmt sannleikanum og á
mannamáli.

Hannes segist ekki hafa brotið lög

Athugasemdir

[Sigrún Jónsdóttir, 24.6.2009 kl. 19:36]

Hannes er einn af konungum útrásarinnar að mínu mati.

[Skeggi Skaftason, 24.6.2009 kl. 19:58]

Ekki gera lítið úr Hannesi. Hann á fyllilega heima í topp-10 liði þeirra sem eyðilögðu Ísland, líklega einn af topp-5 skemmdarvörgunum.

[Guðrún Emilía Guðnadóttir, 25.6.2009 kl. 08:27]

Sigrún enda spyr ég, var hann kannski kóngur í felum?

[Guðrún Emilía Guðnadóttir, 25.6.2009 kl. 08:28]

Ekki er ég að gera lítið úr manninum, alveg af og frá Skeggi