Bara að láta vita af mér.

Skrítið, eða hvað, nei kannski ekki, en ég er búin að vera hálf löt við þetta blogg. Í heilt ár er þetta búið að vera sama tuggan, ekkert breytist, púðrið farið úr öllum landsmönnum, sem er í sjálfu sér ekkert skrítið.
Ég sakna Jennýjar Önnu frænku minnar, en les hana bara á Eyjunni.
Langbrókin mín má alveg fara að koma inn aftur, en kannski hættum við bara, það eru til fleiri staðir ef maður vill.

Merkilegt að ég sakna bloggsins ekki neitt, allavega ekki eins og er, en ég ætla að sjá til hvað gerist er líða tekur á veturinn og mun að sjálfsögðu setja inn línur ef eitthvað pirrar mig eða gleður.

Ég hef að sjálfsögðu samband við mína vini og ættingja á facebokk, það er skemmtilegur miðill þó öðruvísi sé.

Hjá okkur verður fjör og fullt hús um helgina, ég elska svona helgar.

Knús knús og kærleik
Milla

Athugasemdir

[Ía Jóhannsdóttir, 2.10.2009 kl. 07:59]

Já þetta er víst svona á fleiri stöðum.  Ég er hálf löt líka þessa dagana, ætli það sé ekki bara haustið, þá nýtur maður þess betur að vera úti alla vega hér í þessu landi, ekki of heitt. 

Eigðu góðan dag Milla mín og helgi með fjölskyldunni.

[Hólmdís Hjartardóttir, 2.10.2009 kl. 08:15]

[Vallý (IP-tala skráð) 2.10.2009 kl. 08:27]

Hæ Hæ Milla mín.

Bara  kvitt kvitt.

 Vallý

[Snjólaug A. Sigurfinnsdóttir, 2.10.2009 kl. 11:23]

Góðan dag Milla

Eins gott  að þú saknar ekki bloggsins því þá er tölvan farin að spila einum of stóra sess í daglegu lífi þínu.

Auðvitað eru allir drullusljóir orðnir eftir þetta ár, enda ekki hægt að opna fjölmiðil ,sama hvaða nafni hann nefnist, það er alltaf sama tuggan.

Núna t.d. er Lindin orðin aðal útvarpsstöðin mín, jákvæð og uppbyggileg. 

Kveðja Ásta

[Guðrún Emilía Guðnadóttir, 2.10.2009 kl. 12:03]

Sömuleiðis Ía mín, jú líklega er þetta haustleti.

[Guðrún Emilía Guðnadóttir, 2.10.2009 kl. 12:03]

Knús knús yfir til þín Hólmdís mín

[Guðrún Emilía Guðnadóttir, 2.10.2009 kl. 12:04]

Takk fyrir að gefa þér tíma Vallý mín, við heyrumst er þú veist eitthvað,
sendi ykkur kærleikskveðjur
Milla

[Guðrún Emilía Guðnadóttir, 2.10.2009 kl. 12:06]

Ásta mín ertu ekki að djóka í mér? En kannski bara eins gott að hlusta á hana.
Knús yfir til ykkar

[Snjólaug A. Sigurfinnsdóttir, 2.10.2009 kl. 12:31]

Nei Milla ég er ekkert að djóka. Lindin er góð stöð, oft góðir tónlistarþættir þar sem allir geta fundið sinn smekk, góðir þættir um heilsufar, fjölskyldumál og bara hitt og þetta.  Framhaldssaga og fínt efni í alla staði.  Síðan er beðið einu sinni, tvisvar á dag fyrir þeim sem fara með þessi þjóðmál fyrir okkur og við þurfum ekkert að vera að velta okkur meira upp úr því.  Tékkaðu á Lindinni veit að fólk er í auknu mæli farið að hlusta á hana til að losa sig undan niðurdrepandi útvarpsefni alla daga á hinum stöðvunum.

[Guðrún Emilía Guðnadóttir, 2.10.2009 kl. 13:34]

Held bara að ég geri það, annars er gamla gufan bara góð. Vissi ekki að það væri svona fræðsluefni á Lindinni og meinti það ekki illa með djókið Ásta mín, ég virði allt sem gott er.

[Ásdís Sigurðardóttir, 2.10.2009 kl. 14:37]

Ég sakna ekki þeirra sem hverfa annað, ég finn mér bara nýja, annars er ég pínu löt í þessu og var hætt, en kann ekki að þegja eins og flestir vita  kær kveðja norður.

[Guðrún Emilía Guðnadóttir, 2.10.2009 kl. 16:37]

Jú ég geri það og engin veit hvar þetta endar Ásdís mín.

[Finnur Bárðarson, 2.10.2009 kl. 17:25]

Ég er voða latur við að fara inn á eyjubloggið og heimsækja gamla vini. Viðmótið er eitthvað svo staðlað og næstum fráhrindandi. Allar síður líta eins út.

[Guðrún Emilía Guðnadóttir, 2.10.2009 kl. 22:31]

Ég fer inn til að lesa Jenný, en að öðru leiti leiðist mér það.

[Linda Linnet Hilmarsdóttir, 4.10.2009 kl. 13:16]

Innlitskvitt og ljúfar kveðjur.....

[Jónína Þorbjörg Gunnarsdóttir (IP-tala skráð) 4.10.2009 kl. 14:03]

Ja góðan daginn ég hér, ég hélt bara að þú hefðir farið í Dabbafrí eins og fleiri.

Vona bara að þú haldir þér við moggabloggið Milla mín.

Knús og meira knús.

[Guðrún Emilía Guðnadóttir, 4.10.2009 kl. 19:46]

Ætli ég fari nú mikið, kann ágætlega við mig hér
Knús knús
Milla