Er í sjokki

Gleymdi að segja frá því í gær að Bjarki bæklunarlæknir spurði hvort ég hefði prófað spelkur, ég horfði bara á hann og hann sagði ja sumum hefur líkað þær og öðrum ekki, ég sagðist aldrei hafa prófað þvílík ósmekklegheit, já en ef þú vilt ekki, ég sagði það ekki mér finnst þetta bara forljótt.
Þær eru nú orðnar svo smekklegar í dag, "jæja þá prófa ég þær" Glætan.

Hringdi síminn hér áðan, var það ekki hann Atli frá Össur, hann sagðist vera að koma á Eyrina á morgunn, hvort ég gæti komið og hitt hann, en nei ég er að fá gesti hvort ég mætti þiggja að hitta hann næst er hann kæmi norður, jú jú það var ekkert mál, enda ræð ég, ekki allt búið en, hann byrjaði að spjalla við mig um hvernig ég væri og svoleiðis og sagði jafnframt að ég gæti bara verið með spelkurnar utan yfir legging buxurnar það væri bara töff, ertu ekki að grínast í mér spurði ég, nei nei sagði hann. Hann ætlar að senda mér spelkur til að prufa og ég á að segja til um hvort þær séu að gera eitthvað fyrir mig, auðvitað munu þær ekki gera það ef ég þekki snobbið í mér rétt, en svo er ég náttúrlega ekkert smart á hækjunni heldur.

Hann bað mig að fara í spegil þar sem ég gæti séð göngulagið mitt núna og svo með spelkunni.
Held ég sleppi að vita af þeirri hörmung sem það mun sýna mér.

Sko að hitta tvo svona frábæra stráka á tveim dögum er tær snilld, Bjarki svona mannlegur og skemmtilegur í gær og svo Atli í dag, enda er hann að vestan og við örugglega skyld þau gerast enn undrin og stórmerkin.

Ég lofa að láta taka mynd er ég fæ þessar nýtísku spelkur
mun setja þær inn og þá vil ég fá vorkunn og aftur vorkunn
Því auðvitað er mér vorkunn að þakka bara ekki fyrir að ég
þarf ekki að fara í hjólastólinn, allavega ekki strax.

Kærleik á línuna
Milla

Athugasemdir

[Ásdís Sigurðardóttir, 21.10.2009 kl. 13:22]

Mér líst vel á að þú fáir spelkur, þú verður bara að skjóta snobbið  allt til að minnka verkina mundu það darling.

[Sigríður B Svavarsdóttir, 21.10.2009 kl. 13:33]

Heyrðu hvert fór jákvæðnin ... hummm.  Þú átt ekki að skilja hana eftir hér of þar Milla mín. Hún á alltaf að vera með þér. Gangi þér vel ljúfan mín.

[Hólmdís Hjartardóttir, 21.10.2009 kl. 17:09]

Þú getur tekið þær af þér spari

[Jóhanna Magnúsdóttir, 21.10.2009 kl. 19:19]

  gangi þér vel í þessu dæmi Milla mín, með eða án spelkna (eða hvernig þetta er nú beygt)..

[egvania (IP-tala skráð) 21.10.2009 kl. 19:29]

Ekkert snobb mín kæra !!

Hversu oft hefur þú tekið eftir minni spelku og er ég nú alltaf í legging.

Þú ættir þá að hafa þetta á höndunum, elsku Milla mín allt er betra ef það gerir okkur lífið léttara.

Því miður komst ég ekki í dag hef ekki verið minna en mikið hress þessa dagana.

[Guðrún Emilía Guðnadóttir, 21.10.2009 kl. 19:45]

Ásdís mín, spelkurnar minka ekkert verkina bara hjálpa mér til að detta ekki

Knús knús

[Guðrún Emilía Guðnadóttir, 21.10.2009 kl. 19:48]

Sigga mín jákvæðnin er þarna, er er bara og verð að nölla svolítið, en veistu ég meina það sko helst ekki spelkur, annars takk fyrir síðast og sendi mínar bestu kveðjur

[Guðrún Emilía Guðnadóttir, 21.10.2009 kl. 19:49]

Hólmdís mín þú kemur með það, þá mun ég bara vera með þær í inniskónum
Knús til þín

[Guðrún Emilía Guðnadóttir, 21.10.2009 kl. 19:51]

Takk Jóhanna mín, mun ekki vera neikvæð út í sprauturnar, sjáum til með spelkurnar. Með eða á spelkna er rétt

Knús knús

[Guðrún Emilía Guðnadóttir, 21.10.2009 kl. 19:54]

egvanía mín kæra þú ert nú svo falleg og skemmtileg að maður tekur ekki eftir svona löguðu á þér, ertu annars með spelkur?

Vona að þú hressist svo að við getum hist sem fyrst verð víst eitthvað á Eyrinni á næstunni
Kærleik til þín ljúfust

[Ragnhildur Jónsdóttir, 21.10.2009 kl. 23:12]

Allt í lagi að máta, er það ekki? Þú segir þá bara nei takk, ef þetta hentar ekki

Bara aðeins að kíkja á þig, annars fer ég orðið svo sjaldan á moggabloggið.

Ljós og bestu kveðjur

[Valdís Skúladóttir, 21.10.2009 kl. 23:38]

Já það er bara svona hér á  bæ.

Þú getur mátað þessar hel spelkur og ef þú fílar þær ekki

þá segir þú bar nei takk  ekki  núna elskan

Knúss í knúss

                VALLÝ

[Baldur Hermannsson, 22.10.2009 kl. 00:27]

Milla mín, það eru nú mörg ár liðin frá þeim degi þegar ég hugsaði málið og gerði upp við mig þá fjallgrimmu staðreynd að maður má þakka fyrir að vakna lifandi á morgnana og fara lifandi í rúmið á kvöldin. Ég segi ekki að það sé það eina sem skiptir máli en það skiptir langsamlega mestu máli. Allt varðandi líkamann skerðist með árunum, það er lögmál og ekkert að gera við því. Þar erum við öll á sama báti og öll endum við á einn veg. Við skulum njóta þess sem við höfum og þakka fyrir hverja stund sem við fáum að vera til og horfa á heiminn, því snotur er hann blessaður.

[Guðrún Emilía Guðnadóttir, 22.10.2009 kl. 07:11]

Ragnhildur mín takk fyrir innlitið og jú það er í lagi að máta og eins og Hólmdís vinkona mín segir það er hægt að sleppa henni "Spari"

Knús knús
Milla

[Guðrún Emilía Guðnadóttir, 22.10.2009 kl. 07:13]

Vallý mín kæra, auðvitað segi ég bara nei takk ef mér ekki líkar, en þú þekkir mig, ég mun að sjálfsögðu reyna þetta til hlýtar.
Knús knús
Milla

[Guðrún Emilía Guðnadóttir, 22.10.2009 kl. 07:21]

Baldur minn þú ert bara yndislegur að tala svona við mig, veistu það eru líka mörg ár síðan ég fékk fyrstu tuskuna í andlitið, ætlaði nú ekki að gefast upp, en fékk aðra tusku í andlitið og þá varð ég að hlusta og lifa með og það er mér afar auðvelt því ég er eiginlega ástfangin af lífinu, það er allt svo yndislegt.
Er talin með hressustu konum, en auðvitað þyrmir yfir er bætist í sarpinn, reyndar er ég fljót að úthreinsa, romsa bara í um klukkutíma við Gísla minn og tilkynni honum sko að ég vilji engar predikanir nú svo er þetta búið,"oftast"
Þú færð líka knús knús
Milla

[Baldur Hermannsson, 22.10.2009 kl. 10:12]

Knús knús Milla mín, oft er knúsið það eina sem höfum að gefa og þá er bara að gefa nógu mikið knús

[Ásthildur Cesil Þórðardóttir, 22.10.2009 kl. 10:43]

Hann Alti er ekki bara uppáhaldsfrændi minn heldur líka algjör snillingur og ljúflingur.  Ég bið kærlega að heilsa honum, þú verður eiginlega að knúsa hann frá mér. 

[Guðrún Emilía Guðnadóttir, 22.10.2009 kl. 13:52]

Takk Baldur minn knúsið skaðar aldrei, gefur manni bara hlýju í hjarta.

[Guðrún Emilía Guðnadóttir, 22.10.2009 kl. 13:54]

Ásthildur mín, það var svo skrítið að ég vissi bara að hann væri að vestan, svo ég spurði hann bara, já hann er æðislegur að tala við og örugglega smá prakkari í sér.
Mun sko knúsa hann frá þér, kem til með að hitta hann í nóv.

[Baldur Hermannsson, 22.10.2009 kl. 14:09]

Öflugasti knúsarinn er auðvitað á Selfossi

[Jónína Þorbjörg Gunnarsdóttir (IP-tala skráð) 22.10.2009 kl. 15:47]

Þú ert alveg dásamleg, auðvitað getur þú ekki látið nokkurn mann sjá þig með spelku. Þó að hún geri eitthvað fyrir þig nei það skiptir nú ekki öllu máli.

Ég hló mig alveg máttlausa þegar ég las þetta því hún frænka mín í Hveragerði þessi 85 ára er algjör snilld. Hún hefur alltaf verið mikil pæja og er það ennþá og hælaháir skór eru sko partur af lúkkinu þegar hún fer út úr húsi. En svo kom smá babb í bátinn, hún er farin að verða eitthvað slæm í tánum og fær tíma hjá þeim í Össuri og þeir segja að hún sé með tábergsig vegna hælanna og hún verði að fá innlegg í skóna.

Þá spyr mín hvort hún þurfi þá að fá sér skó. Já það var málið þá þyrfti hún að kaupa sér hallærislega lágbotna skó. Nei hún hélt nú ekki og sagði þeim að þeir skildu gleyma þessu innleggi og við það situr. Hún sagðist eiga símanúmerið ennþá en hún myndi aldrei hringja í þá til þess að biðja þá að smíða þessi innlegg. Í lágbotna hallærislegum skóm færi hún aldrei út fyrir hússins dyr. Þið skiljið örugglega hvor aðra.

[Guðrún Emilía Guðnadóttir, 22.10.2009 kl. 21:18]

Hver er það Baldur, verð auðvitað að frétta af því

[Baldur Hermannsson, 22.10.2009 kl. 21:20]

Hann séra Gunnar Björnsson auðvitað!

[Guðrún Emilía Guðnadóttir, 22.10.2009 kl. 21:25]

Við erum búnar að hlægja dátt ég og tvíburarnir af sögunni um frænku þína, þeim finnst þetta afar skondið að ég þurfi að nota spelkur.
Ég er búin að fá þær og þær eru svo þröngar í hælinn að ég fæ strax illt upp í bak, ég sagði að ég mundi finna ástæðu til að nota ekki spelkur, nei í alvöru þá  verð ég að gefa þessu tækifæri en ég á bara enga skó sem passa fyrir þetta.

Knús knús

Milla

[Jónína Þorbjörg Gunnarsdóttir (IP-tala skráð) 22.10.2009 kl. 21:49]

Já ég sé ykkur í anda báðar tvær þú með hækjuna og hún á lágbotna skónum. Ég fór einu sinni með henni í skóbúð og þetta var á nesinu og ég hélt það nú þarna væri þessi fína skóbúð. Nóg væri úrvalið, hún ætlaði að kaupa sér þægilega skó til að ganga í. Ég sá marga skó sem mér fannst henta og rétti henni og spurði hvort hún hefði prófað þessa nei sagði hún alltaf þeir eru ekki með nógu háum hælum og þannig var það með alla þá skó sem voru í búðinni. Það varð úr að hún fór skólaus út úr þeirri búð vegna þess að þeir skór sem henni leyst á voru ekki með nógu háa hæla. Bara dásamlegt.

[Halla Rut , 23.10.2009 kl. 00:50]

humm...er að læra meira um þig. Vissi þetta ekki.

Gangi þér vel og settu kraft í kraftinn í þér kona.

[Sigurbjörg Eiríksdóttir, 23.10.2009 kl. 01:06]

Knús frá einni sem var að koma úr Reykjavíkinni..Alltaf fegin þegar ég kem heim.

Gangi þér vel í spelkudæminu!!..Þú finnur örugglega hvort þetta virkar eður ei.

[Lilja Guðrún Þorvaldsdóttir, 23.10.2009 kl. 02:45]

Ég er alveg viss um að þú átt eftir að "fíla" spelkurnar í botn.

[Guðrún Emilía Guðnadóttir, 23.10.2009 kl. 06:23]

Baldur minn, nú fékk ég sko æluna upp í hálsakotið, en þér er fyrirgefið
Knús í daginn

[Guðrún Emilía Guðnadóttir, 23.10.2009 kl. 06:26]

Hún er nú bara frábær þessi frænka þín, en ég er nú löngu komin niður á jörðina og háhæluðu skórnir eru bara upp á punnt
Knús knús í daginn

[Guðrún Emilía Guðnadóttir, 23.10.2009 kl. 06:27]

Halla Rut mín, það hefur nú aldrei vantað kraftin í mig
Knús til þín fyrir innlitið

[Guðrún Emilía Guðnadóttir, 23.10.2009 kl. 06:29]

Hæ Silla mín skil vel að þú sért fegin að komast heim í sæluna, í R verður maður bara þreyttur

Knús knús í Heiðarbæinn

[Guðrún Emilía Guðnadóttir, 23.10.2009 kl. 06:30]

Heldurðu það Lilja Guðrún mín, eitthvað verður að gerast og það mun gera það.
Knús knús í daginn þinn

[Ía Jóhannsdóttir, 23.10.2009 kl. 09:22]

Ég held að spelkur séu bara flottastar á flottri konu.  Gangi þér vel Milla mín g endilega prófa þú drepst ekki af því hehehe...

[Guðrún Emilía Guðnadóttir, 23.10.2009 kl. 11:36]

Takk Ía mín, ég mun að sjálfsögðu prófa og eftir samtal mitt við þjálfarann í morgun þá þarf ég ekki alltaf að vera með þessa elsku.
Knús knús