Loksins! Loksins! Loksins!.

Já loksins kom að því að ég komst á aldurinn svo nú er ég komin á ellilífeyrir, fæ hann um næstu mánaðarmót. Málið er að síðan ég varð 60 ára hef ég notið þess í botn að vera orðin gömul, mér hefur nefnilega fyrirgefist svo margt, vegna aldurs, eins og gleymsku, daðri, ræðusnilli (að mínu mati) það hefur nú samt brunnið við að sagt hefur verið: "MAMMA!!!!!" eða hitt þó heldur, nýt þess í botn

Þetta með gleymskuna, eru smámunir því ég man sko betur en ungviðið í kringum mig, satt og rétt.
Skondið fannst mér hér á dögunum og hló dátt, er inn um póstlúguna datt  póstur frá þessari frábæru Tryggingarstofnun, í honum voru bæklingar til þess ætlaðir að kynna mér rétt minn og skemmtilegheit, og eigi má gleyma bótaupphæðinni, hún er svo til fyrirmyndar að maður getur farið að leifa sér allt.

Nú það komu einnig bæklingar frá bæjarfélaginu með öllu því sem þeir bjóða upp á, og það er ekkert smá, var svo glöð, bara að ganga í eldri borgara félagið fyrir 2000 á ári og þá fær maður afslátt í svo mörgum búðum, í leikhús, ferðalög, en einn hængur er á að er ég hef augum litið auglýsingar um svona helgarferðir fyrir okkur þá hefur mér fundist það svo dýrt að ég hef ekki efni á þeirri skemmtun, auðvitað er þetta ekki dýrt, það er bara ég sem hef ekki efni á þeim

Komst að því að þó ég sé orðin 67 ára, þarf ég að borga útvarpsgjaldið og skatt í öldrunarsjóð, það er ekki fyrr en ég verð 70 ára að ég slepp við þær greiðslur, hef ekki heyrt það heimskulegra þeir hafa sko lag á að blokka mann þó á bætur séum komin. og nú er ég farin að hlakka til að verða 70 ára 

Ég hef nú aldrei kviðið ellinni eins og sumir kalla aldurinn hef aldrei haft aldurskomplexa og finnst ég ekkert gömul, á meðan ég get leikið sér við barnabörnin sem eru á öllum aldri, er ég ekki gömul, en um leið og þau fara að fara í taugarnar á mér þá er ég sko orðin gömul og eins gott að koma sér á elliheimilið, en eins og ég hef sagt áður þá ætla ég að að reykja, drekka, djamma og daðra þar, held að það sé staðurinn og rétti tíminn, ég get nú haldið mér edrú á sunnudögum ef einhver mundi nenna að heimsækja mig, það er ekki skylda.

Jæja elskurnar er hætt þessum ræðuhöldum þó ég elski að láta mína fögru rödd heyrast, þá eru nú takmörk.

Er að fara á eftir í rannsókn upp á spítala Gísli minn í sína B12 sprautu og svo bara höfum við það huggó í dag, en ég ætla að halda upp á afmælið seinna.

Ein bloggvinkona mín talar um að hún hafi orðið glöð að fá hól um daginn, málið er krakkar að hól er það sem á að koma inn í okkar líf á hverjum degi, það er hægt að hæla á svo margan hátt og hólin eru yndisleg, eins er kærleikurinn, ljósið og gleðin, munið þetta allt og þá líður ykkur betur.



Í  tilefni dagsins set ég eina mynd af okkur gamla settinu, hún
er tekin 1996 í nóv.

Tekin á jólunum í fyrra.



Svona lít ég út í dag



Þó ég sé nú afar ánægð með mig eins og ég er þá
mundi ég verða afar glöð ef ég færi niður í þessa þyngd.

Milla

 

Athugasemdir

[Sigurbjörg Eiríksdóttir, 2.11.2009 kl. 07:45]

Til hamingju með daginn þinn Milla mín..

[Anna Guðný , 2.11.2009 kl. 08:29]

Innilega til hamingju með daginn Milla. Já nú getið þið Gísli sko farið að leyfa ykkur ýmislegt.

Þetta með bloggið mitt ég er svona aðeins að reyna að koma mér í gang.

Hafðu það gott í dag sem og aðra daga. Knúsaðu Gísla frá mér

[Jenný Anna Baldursdóttir, 2.11.2009 kl. 09:38]

Þú ert frábær.  Flott í öllum stærðum.  Fyrst og fremst rokkandi kona.  Til hamingju með daginn elsku Milla.

[Valdís Skúladóttir, 2.11.2009 kl. 09:57]

Til  hamingju  með  afmælið  Milla  mín.

Já er bara  ekki  töff að vera  orðinn  67.  

Hafiðu það gott í dag.

                    Vallý

[Guðrún Emilía Guðnadóttir, 2.11.2009 kl. 09:58]

Takk Silla mín og knús í Heiðarbæinn

[Guðrún Emilía Guðnadóttir, 2.11.2009 kl. 10:00]

Anna Guðný mín, takk elskan og við sjáum nú til með hreyfingarnar, hef svo sem nóg annað að gera núna.

[Guðrún Emilía Guðnadóttir, 2.11.2009 kl. 10:02]

Takk elsku Jenný mín, já ég er allavega rokkandi, hvort sem ég er á hækjunni eður ei, fíla lífið í botn.
Knús knús
Milla

[Guðrún Emilía Guðnadóttir, 2.11.2009 kl. 10:03]

Vallý mín, það er sko allur munurinn og takk elskanfyrir mig

[Auður (IP-tala skráð) 2.11.2009 kl. 11:15]

Til hamingju með daginn elsku Milla.  Eigðu góðan dag mín kæra.

Knús

[Jónína Þorbjörg Gunnarsdóttir (IP-tala skráð) 2.11.2009 kl. 11:34]

Til hamingju með daginn Milla mín, þú ert flottust, alltaf! Njóttu dagsins og vonandi færðu það í afmælisgjöf að geta sveiflað þér hækjulaus. Þú gerir svo margt skemmtilegt sem kostar ekki neitt eins og að knúsa barnabörnin sem eru allt í kringum þig.

Knús

[Ásthildur Cesil Þórðardóttir, 2.11.2009 kl. 11:57]

Meiri prakkarinn sem þú ert alltaf Milla mín.    En þetta er flott færsla og ég er sammála því að það er gott að eldast.  En mikið ertu flott á þessum myndum.   Aukakíló hvað?  bara meira til að elska.

[Ásdís Sigurðardóttir, 2.11.2009 kl. 13:29]

Innilega til hamingju með afmælið Millu músin mín, þú ert alltaf flottust, hamingjujóskir til Gísla með þig.  Hjartanskveðja frá okkur hjónum

[Guðrún Emilía Guðnadóttir, 2.11.2009 kl. 13:33]

Takk elsku Auður mín og knús á alla hundana og auðvitað heimilisfólkið líka

Kveðjur
Milla

[Guðrún Emilía Guðnadóttir, 2.11.2009 kl. 13:36]

Takk Jónína mín, já það segir þú satt é á marga alveg ókeypis gleðigjafa, enda lifi ég fyrir þá.
Ætla að stefna að því að verða hækjulaus, Klinka spáði því að ég yrði farinn að hlaupa eftir 2 ár, og verði svo
Knús og meiri knús
Milla

[Guðrún Emilía Guðnadóttir, 2.11.2009 kl. 13:39]

Ásthildur mín við hefðum átt að þekkjast betur er ég bjó á Ísafirði því við eru örugglega sömu prakkararnir, og svo ert þú líka afar flott elskan
Knús og kærleik í Kúlu
Milla

[Guðrún Emilía Guðnadóttir, 2.11.2009 kl. 13:40]

Takk Ásdís mín og knús frá okkur til ykkar hjóna

[Ásdís Emilía Björgvinsdóttir (IP-tala skráð) 2.11.2009 kl. 14:28]

Elsku Milla mín!

Hjartanlega til hamingju með afmælið og það að vera orðin "löggilt gamalmenni" (nei - mátti til að grínast aðeins með 67 árin (",) )

Þú ert yndislegur prakkari, kæra nafna og vinkona. Ég bið góðan Guð um að vaka yfir þér og þínum og vona svo sannarlega að þetta rætist hjá Klinku, að þú verðir farin að hlaupa eftir tvö ár.

Kær kveðja

[Guðrún Emilía Guðnadóttir, 2.11.2009 kl. 15:23]

Takk elsku nafna mín, veistu ég er nú bara ánægð með aldurinn hann er ekkert mál fyrir mig og ef þetta rætist hjá Klinku þá mun ég koma að heimsækja þig í eyjarnar fögru.

Takk fyrir hlý orð ljúfust mín.
Kærleikskveðjur
Milla

[Ragnheiður , 2.11.2009 kl. 19:24]

hjartanlega til hamingju, þú ert falleg á öllum myndum

[Guðrún Emilía Guðnadóttir, 2.11.2009 kl. 20:59]

Takk Ragga mín, ég er svo sem ekkert að kvarta, það hin tnri kona sem skiptir máli