Loksins bakaði ég brauð

Hef ekki bakað brauð síðan áður en ég veiktist í janúar, en lét verða af því í morgun, hélt kannski að mjölið færi að skemmast bakaði sex stór úr spelti, heilhveiti, rúgsigtimjöli og alveg fullt af fræjum, engan sykur, en smá vanillu og pínu salt.

Eftir hádegið fór ég svo til Ódu hún er amma ljósanna minna, ætlar hún að stytta fyrir mig tvennar buxur, sem ég er að fara með suður, við spjölluðum fram að kaffi, kom aðeins við hjá Millu minni, en hún var þá með fund, svo ég hrökklaðist heim í hosilóið mitt.

Nú við erum búin að borða nætursaltaða þorskinn með kart, rófum, gulrótum og rúgbrauði Ummmmm, svo gott.

Bíllinn fór í smurningu í morgun, betra að hafa allt á tæru er við keyrum suður, en það verður nú fyrr en við ætluðum, ekki samt alveg ákveðið, hlakka bara alveg rosa til að hitta elskurnar mínar í Njarðvíkunum og bara allt fólkið mitt.

Færi ykkur ljóð eftir Ólínu Andrésdóttur

Hefurðu fundið, hvað himneskt lífið er,
gleðina í elskunni, guð í sjálfum þér?

Hefurðu séð það, sem heimurinn á,
eilífa fegurð, sem aldrei deyja má?

Kærleik til ykkar allra
Milla

Athugasemdir

[Jónína Þorbjörg Gunnarsdóttir (IP-tala skráð) 16.3.2010 kl. 21:33]

Það hefur verið sannkölluð veisla hjá þér umm nætursaltaður þorskur með þessu meðlæti bara gott.

[Ásdís Sigurðardóttir, 17.3.2010 kl. 12:43]

Knús á þig elsku Milla mín.

[Valdís Skúladóttir, 17.3.2010 kl. 20:32]

Kanntu     Millu   brauð að baka   já það kann ég

Ertu nú viss um  það já það er ég

                         

[Guðrún Emilía Guðnadóttir, 18.3.2010 kl. 08:15]

Þú verður búin að baka er ég kem elskan