Ekki hægt að þvo það sem innandyra er

Það er gott að það skuli vera hægt að þvo og laga þetta yndislega hús okkar, nokkuð er mér sama um hvað það kostar mig það er búið að demba svo miklu á mig hvort sem er.

Málið er að aldrei verður hægt að þvo þá drullu sem innandyra er, nema að moka öllum út sem þarna eru, því ekki eru það veggir og gólf sem eru drullugir, nei það er fólkið sem þar er, haldið er áfram að plottast og segja nei við öllu sem gæti jafnvel bjargað einhverju, eins og að fólk fengi vinnu og svo margt annað sem ég nenni ekki að telja upp, það eru svo margir færari um það en ég.

Eitt veit ég bara að afar illa fer ef ekkert verður gert og það núna ekki er einhver nefnd er búin að vinna að málum í ár eða svo.

Morðvopnin heita aðgerðarleysi, virðingarleysi, atvinnuleysi og svo væri hægt lengi að telja, mig verkjar í hjartað mitt.

Góðar stundir

Þinghúsið þvegið

Athugasemdir

[Ragna Birgisdóttir (IP-tala skráð) 6.10.2010 kl. 12:35]

Ég held að það veitti ekki af að sprauta háþrýstidælunni á allt og alla innandyra.

[Guðrún Emilía Guðnadóttir, 6.10.2010 kl. 14:52]

Vel mælt Ragna mín, heldur þú að það dugi?

[egvania (IP-tala skráð) 6.10.2010 kl. 17:37]

Sæ ljúfan.

Háþrýstidæla dugir ekki veit ekki hvað er til ráða, ég er hrædd um að öll þessi mótmæli endi á sorglegan hátt. Þá á ég ekki við um potta, pönnur og annað það sem fólk hefur í höndum.

Mikil sorg og reiði er í fólki sem hefur ekkert að bjóða börnum sínum, fólk á öllum aldri með skert lífsgæði.

Hvað er til ráða, búsáhaldabyltingin ber ábyrgð á stjórnun landsins verðum við að ganga í gegnum ofbeldi og álíka viðbjóð og allt það sem gekk á þá.

Málið er að við þurfum annað fólk í fílsbeinsturninn en hve langt þarf að ganga til þess að svo verði ?

[Jóhanna Magnúsdóttir, 7.10.2010 kl. 09:55]

Það þarf eitthvað mikið til, eiginlega kraftaverk til að bæta hlutina.  Er að hugsa um að leggjast bara á bæn! ..