Eitt af undrum veraldar

Þessi mynd er svo stórkostleg að maður fyllist lotningu.

Samskipta- og raforkukerfi á jörðinni gætu truflast í kjölfar stærsta sólgoss sem orðið hefur í fjögur ár. Gosið varð í gær og hefur breska jarðvísindastofnunin gefið út jarðsegulstormviðvörun.

Hugsið ykkur orkuna sem getur truflað allt okkar kerfi og ekki nóg með það heldur einnig líkamsklukkuna okkar ég svaf t.d í gær frá 2 til 5 og hefði getað sofið frammúr, en það komu tvær litlar í heimsókn, ég drattaðist úr rúminu og fór að elda grænmetisrétt og vitið ég var svo svöng eins og ég hefði ekki fengið mat í langan tíma.

Taldi svo að ég gæti vakað langt fram eftir kvöldi, en nei var komin upp í um 10 leitið og svaf þar til í morgun, en er endurnærð í morgunsárið.

Viss er ég um að öll þau áhrif sem svona gos geta valdið, valda þau miklum breytingum á okkur mannfólkinu, kannski gerast þessi sólgos, eldgos hvort sem er í sjó eða á landi, hamfarir af öllum toga, til að minna okkur á að þessi öfl eru sterkari en mannfólkið á þessari litlu jörð sem við höfum viðkomu á.

Þeir sem taka sér völd og stjórna af vanviti, en halda að þeir hafi leifi til, ættu nú aðeins að skoða sinn hug, en vanvitið er svo sterkt í sumum já og það út um allan heim að þeir sem það hafa sjá það ekki fyrr heldur en allt er komið í óefni.

Já ég held að alheimsorkan hafi bara ekki önnur ráð til að kenna, við skulum bara segja okkur öllum að við höfum afar litla orku á miðað við þá orku sem yfir,undir og allt um kringum okkur er.

Hugsið málið

Sólstormur í vændum

Athugasemdir

[Georg P Sveinbjörnsson, 17.2.2011 kl. 16:31]

Vissulega magnað, hefðir örugglega gaman af að skoða þennan þátt og nýjustu kenningar í sambandi við alheiminn...og sólina  "Thunderbolts of the Gods"

[Guðrún Emilía Guðnadóttir, 17.2.2011 kl. 17:10]

Takk afar áhugavert, þarf að skoða þessi myndbönd betur.