Fyrir svefninn.

Skammavísa.

             Ljótur kjaftur á honum er,
             um það flestum semur.
             Þó er verra, því er ver,
             það, sem úr honum kemur.

Kona nokkur yrti ónotalega á Níels Jónsson skálda,
         og hann svaraði með þessari vísu:

             Aldrei var það ætlun mín
             orð til þín að hneigja.
             Skötubarðaleppa lín,
             láttu munninn þegja.

Vestfirzk vísa.

             Allir hlutir mér til meins
             mæða vilja kraftinn.
             Ég hef ekki neitt til neins
             nema bara kjaftinn.

                                 Góða nótt. 

Athugasemdir

[Lesandi (IP-tala skráð) 2.1.2008 kl. 21:55]

Þetta eru svo sannarlega kröftugar vísur, svo ekki sé meira sagt, svo í hugann kom þetta:

Hér er iðkað munnamál,
mjög á þvera veginn,
brautin sú er held ég hál,
hin er betur þegin.

[Ásdís Sigurðardóttir, 2.1.2008 kl. 22:58]

Góður endahnútur á daginn.  Takk fyrir.  

[Guðrún Emilía Guðnadóttir, 3.1.2008 kl. 08:45]

Já finnst þér það ekki? Ásdís mín.

Kæri lesandi takk fyrir vísuna.
                
                                þykja mér nú vísur góðar
                                eigi of grófar samt,
                                en að nota kjaftinn, óðar,
                                er okkur afar tamt.

                                         Kveðja Milla.
 

[Ólafur Vignir Sigurðsson (IP-tala skráð) 3.1.2008 kl. 22:21]

Gleðilegt nýár Guðrún.  Bloggið þitt er hressandi.

Góðar vísur, sérstaklega höfðar þessi síðasta til mín, góð fyrir loftskeytamenn.  Læt Viggó vita.

[Guðrún Emilía Guðnadóttir, 4.1.2008 kl. 05:38]

Góðan  daginn Ólafur og gleðilegt nýtt á, takk fyrir innlitið,
Skilaðu kveðju til Viggós, mér er afar hlýtt til hans og alls hans fólks,
svo máttu gefa heilsu frá mér til Ragnheiðar og Bjarna.
                          Kærar kveðjur Milla.