Fyrir svefninn.

Guðrún á Hæli giftist ekki og átti ekki börn.
Guðmundur Þormóðsson í Ásum var stríðinn maður,
einkum við öl.
Hann var kvennamaður talinn.
Einu sinni segir hann við Guðrúnu:
,, Ekki fjölgar þú mannkyninu mikið ennþá".
,,Það er nú ekki útséð um það, meðan þú ert á lífi",
 svaraði Guðrún.

Guðrún Pálsdóttir (Skálda)  kvað:

                               Ýmsum blöskra ólætin,
                                þá elta kýrnar bola,
                                en Stakkagerðis stóðmerin
                                stertrakaðan fola.

Mannlýsing.

                                Eftir því, sem ég hef vit,
                                en athugað í flýti,
                                hefur hann vöxt og háralit
                                húsbóndans í Víti.

                                                     Góða nótt.

Athugasemdir

[Margrét Össurardóttir (IP-tala skráð) 25.1.2008 kl. 21:37]

hehehehhe, góð

[Ásdís Sigurðardóttir, 25.1.2008 kl. 23:02]

Þeir klikka ekki þessir fyrir nóttina.  Það er ekki sama framhjáhald og að barna, eða hvað??

[Eva Benjamínsdóttir, 26.1.2008 kl. 00:40]

Er ekki lífið dásamlegt  .

Takk fyrir mig og góða nótt

[Ía Jóhannsdóttir, 26.1.2008 kl. 00:49]

Gott að sambandið er komið í lag. Ætlaði að fara að pirrrrrast rosalega vissi eiginlega ekki út í hvern.  Komst inn á allt nema Moggann.  Held þeir verði að fara að skoða sinn gang.  Góða helgi Milla mín alltaf gott að fá einn svona hressan fyrir svefninn.

[Guðrún Emilía Guðnadóttir, 26.1.2008 kl. 08:56]

Hallgerður það er svo merkilegt, maður er að taka skemmtilestur upp úr
eldgömlum  aðal bókum, og viti menn það eru bara nokkrir sem hafa getað kennt sig við persónur sem nefndar eru.
Góð heimspeki hjá þeirri gömlu.
Hefur þú nokkra vitneskju um hvort þetta erfist?
Nei bara spurði
                                    Kveðja Milla.
 

[Guðrún Emilía Guðnadóttir, 26.1.2008 kl. 09:02]

Ásdís, hér áður og fyrr var þörf á að breiða yfir hlutina,
þá var svo gott að fara inn í glerhúsið,
ég held að við höfum allar verið í þessari stöðu einhvertímann.

                            Kveðjur Milla.

Hæ Magga  Ö. hafðu góðan dag.
                          Kveðjur Milla.

[Guðrún Emilía Guðnadóttir, 26.1.2008 kl. 09:05]

Ía blessuð, já varst þú ekki pirruð í gær? Ég fór nú bara og lagði mig.
takk fyrir mig og góða helgi til þín og þinna.
                              Kveðja Milla.