Af hverju er þá ekki gert betur?

Af hverju er þá ekki gert betur, hvar er hugsunin á bak við þetta allt?,
jú að reyna að spara, fá kennara til að vinna fyrir skítalaun.
kennarar landsins eru aðrir foreldrar barnanna okkar,
við treystum þeim til að vinna vel að hag barnanna og sýna þeim
ásamt okkur foreldrunum, hvað er rétt og rangt.

Held að ráðamenn haldi jafnvel, að enn sé hægt eins og á öldum áður,
þá fengust kennarar bara upp á fæði, húsnæði og smá skotsilfur,
en það er fyrir öldum liðin tíð.

Það þýðir ekki endalaust að tala um úrbætur það þarf að framkvæma þær
og svo viðhalda þeim.
                                           Góðar stundir.

Sérfræðiþekking ekki í mínútum og sekúndum

Athugasemdir

[Heidi Strand, 13.2.2008 kl. 09:56]

Þetta gengur ekki lengur. Þetta ástand hefur staðið allt of lengi og það er búið að skemma meira en nóg.
Viðskiptamarkaðslögmál gilda ekki í kjaramálum kennara.

[Guðrún Emilía Guðnadóttir, 13.2.2008 kl. 10:30]

Sammála Heidi þetta ástand er búið fara illa með stéttina.
                                 Kv. Milla.

[Ásdís Sigurðardóttir, 13.2.2008 kl. 16:08]

Það er hrein og klár skömm hvernig komið er fram við kennarastéttina og foreldrar eiga því miður stóran þátt í þeirri óvirðingu sem nemendur sýna kennurum sínum, það hefur verið talað illa um kennara síðustu ár og það hefur því miður skilað sér inn í skólana.

[Huld S. Ringsted, 13.2.2008 kl. 17:46]

Það er fáránlegt að ekki skuli vera gert betur við kennara þessa lands, kröfurnar um menntun hjá börnunum okkar eru orðnar svo miklar á vinnumarkaðnum en ekkert hugsað um að gera vel við þá sem leggja grunninn að þessum kröfum. Skammarlegt!

[Róslín A. Valdemarsdóttir, 13.2.2008 kl. 17:49]

Skítalaun hjá kennurum, en hvað kallarðu þá launin hjá þeim sem þrífa skítinn eftir kennarana og nemendurna?????
Þau eru enn verri, fólk sem þarf að þrífa allan skólann á hverjum degi, vera útí allskonar veðri til að fylgjast með krakkaormum og lenda í allskonar aðstæðum og þvílíku áreiti??

Ég vil hafa það á tæru að kennarar eru bara með góð laun miðað við það lið sem þarf örugglega að gera erfiðari hluti en þeir sjálfir - og vinna á hverjum degi til klukkan fjögur að þrífa..

Ég er ekki sátt! Til að koma því á framfæri..

[Guðrún Emilía Guðnadóttir, 13.2.2008 kl. 19:44]

Heyr fyrir þér baráttustelpan mín, ef þú bara vissir hvað ég er heit út í lágu launin í landinu, en þó þessi laun séu lág þá eru kennaralaunin líka skítalaun. auðvitað eigum við öll að hafa góð laun, en þau eru til skammar. Dóttir mín fór að vinna við að þrífa hjá gamla fólkinu þar sem hún býr, er hún fékk fyrst útborgað fékk hún sjokk og hún skammaðist sín fyrir að taka við þessu, langaði mest til að segja
þið getið troðið þessu upp í rassinn á ykkur. hún fékk 120.000.00.
svo þú getur rétt hugsað þér að ég er heit út í skítalaunin.
Ég er til dæmis öryrki, og rétt kemst af mínum launum.

Ég hef þá skoðun að kennarar eiga að hafa góð laun og ég tel að þeir vinni alveg fyrir þeim, ef ekki þá er bara að reka þá.

Hvað segir þú eru krakkaormarnir með áreiti á starfsfólk skólans?
það er nú bara ekki lýðandi.
                          Knús á þig snúllan mín Milla.

[Guðrún Emilía Guðnadóttir, 13.2.2008 kl. 19:47]

Huld og Ásdís ég er sammála ykkur, og þetta umtal um kennara er ekki til að bæta þá virðingu sem þeim ber.
                                Knúsa-kveðjur
                                   Milla.

[Róslín A. Valdemarsdóttir, 13.2.2008 kl. 19:52]

úff, ömurleg laun maður!!!
Systir mín er að verða tvítug og vinnur í framhaldsskólanum ( er í fjarnámi úr háskóla) og er að vinna með einum nemanda. Ég veit ekki alveg upp á hár hvað hún er að fá en hún fær mjög svipað og mamma fær..

Ég hef heyrt að þeir eru með eitthvað áreiti... ég hlakka sko ekki til að fá 13 ára krakka upp í minn skóla þegar ég verð 15 ára, eða eftir sumarið!! úff, það verður bara hreint út sagt ,, pain in the ass " ..

[Guðrún Emilía Guðnadóttir, 13.2.2008 kl. 20:17]

Þessir krakkar eru bara með stæla, en veistu hvað ég gerði þegar ég var að vinna í Íþróttahúsinu á sínum tíma, þá fór ég bara inn í þeirra heim, og smá dró þau yfir í minn, það tókst undantekningarlaust.
Þau börn sem láta verst eiga í mestum vandamálunum og breiða yfir þau með ólátum, þessi börn þurfa hjálp, oft er nægilegt að sýna þeim
vinsemd og skilning.

[Margrét Össurardóttir (IP-tala skráð) 13.2.2008 kl. 20:25]

Talaði við einn kennara í dag sem er í 90% vinnu, hún fékk útborgað um síðustu mánaðarmót 142 þús. kr.

Skólaliði (þessi sem þrífur og er úti með nemendum) sem vinnur 100% vinnu í grunnskóla hefur sömu útborguð laun og kennarinn. Rósalín, finnst þér þetta sanngjarnt gagnvart kennaranum sem er búinn að taka stúdent og ganga í háskóla í 4 ár? Ég sem menntaður matreiðslumeistari til 19 ára fékk 116 þús kr. útborguð laun um síðustu mánaðarmót fyrir 80% vinnu og er að elda ofan í kennara og annað starfsfólk skólans. Finnst þér þetta sanngjörn laun Rósalín.

Í guðann bænum farðu ekki að tala um eitthvað sem þú veist ekki um mín kæra.

[Guðrún Emilía Guðnadóttir, 13.2.2008 kl. 21:04]

Þetta er alveg forkastanlegt að lesa Magga mín 116.000.00 svaka laun, en ég er nú með lítið hærri laun sem öryrki, en skítt með mig það er verra með ykkur barnafólkið.

Magga mín vert þú nú góð við hana Róslín mína hún er alveg yndislegur 14 ára unglingur, þó hún sé ekki komin inn í alla pólitíkina
þá heillaði hún mig strax viturleg og greinagóð skrif.
                                Kveðja Milla.

[Ólafur Vignir Sigurðsson (IP-tala skráð) 13.2.2008 kl. 21:34]

Sæl Milla.

Alltaf tekur þú púlsinn rétt. 

Mér hefur ætíð fundist kennaralaunin skammarlega lág, og finnst eiginlega að þau hafi ekki fyrr verið lægri.  Og mín reynsla nær til kennara elsta sonarins sem er fæddur 1966.   Þetta var lélegt þá, og er lélegra nú, alltaf miðað við mín eigin laun. Sem mér finnst lág.  Ég hefði ekki unnið við þetta fyrir þessi laun til lengdar. 

Takk fyrir bloggið þitt.  Les daglega mér til uppbyggingar og ánægju. 

[Guðrún Emilía Guðnadóttir, 13.2.2008 kl. 21:38]

Takk fyrir innlitið Ólafur Vignir, kveðja í Gufunesið.
                                 Milla.

[Róslín A. Valdemarsdóttir, 13.2.2008 kl. 22:41]

Kennararnir hérna eru með mikið hærri laun heldur en skólaliðar..
það er bara mín lífsreynsla greinilega, endurspeglar ekki mat þjóðarinnar vísvitandi..

Og Magga, vertu góð við mig, hihi takk Milla

[Guðrún Emilía Guðnadóttir, 14.2.2008 kl. 08:19]

Róslín mín góðan daginn snúlla,
Að sjálfsögðu eiga kennarar að hafa hærri laun en skólaliðar, en þar með er ekki sagt að allir eigi ekki að hafa góð laun, síðan eru það bæjarfélögin sem ákveða launin hjá sínum starfsmönnum,
þó það séu til samningar sem ætti að fara eftir,
þá er það ekki gert vegna þess að þeir eru lélegir,
Fólk er oft yfirborgað sér í lagi úti á landi.
Það er ekki von að þú skiljir þennan hrærigraut mín kæra enda hefur þú nógan tíma til þess.
Eitt er bara á hreinu að launin eru skítalá í okkar velmegunarlandi,
nema hjá toppunum.
                                   Knús Milla.

[Margrét Össurardóttir (IP-tala skráð) 14.2.2008 kl. 16:59]

uhhh,,, ég er alltaf góð við alla nema þá sem eru vondir , en hvar ert þú Róslín? Þú ert í allt öðru landi en við ha?

[Guðrún Emilía Guðnadóttir, 14.2.2008 kl. 17:25]

Róslín er frá Hornafirðinum fagra og býr þar.