Með gleði og trú í hjarta.

Það er að koma helgi, og síðan koma Páskar.
Og allt verður iðandi í lífi, gleði og kærleika,                                                 
allavega á mínu heimili.
Í gærkveldi fékk ég staðfest, það sem ég reyndar
vissi, þegar Bára Dís kom þá féll hún strax inn í barnahópinn
eins og þau hefðu aldrei skilið.
Þetta hefur alltaf verið svona með ljósálfana mína alla saman
þegar þau hittast, verða þau ein heild, þau falla saman inn í eitt munstur
og leika, tala og gera saman hvað sem þeim dettur í hug.´

Veit ég vel að það er viðkvæmni í mér þessa dagana,
en ég leyfi mér það bara.

                                                            Hér fáið þið eitt ljóð
                                                            sem fer vel að huga mér í dag.
  

                                 RÓMANTÍK.

                       Skal ég líkja þér við sumardag?
                       Eða saklaust blómálfalag?
                       Eða vonina og vorsins myndir?
                       Eða viskuna og tærar lindir?

                       Þú sem berð birtu hlýja
                       bón um framtíð nýja,
                       ert miklu fallegri en sú helga mynd
                       er af miskunn bræðir frosna lind.

                       Lokkar þínir sem niðdimm nótt
                       niður rífa mína elju sótt.
                       Andlit sem engli hæfir
                       andar blítt og svæfir.

                       Fingur þínir fjaður léttir
                       fætur þínir ógnar nettir
                       prýða heimsins ljúfu hljóð
                       og hann er semur nætur ljóð.

                                             Arnoddur Magnús Valdimarsson.

                                                

Athugasemdir

[Ásgerður , 15.3.2008 kl. 09:45]

Njóttu þess að hafa alla ljósálfana hjá þér, þú ert greinilega svona ekta amma

Minn gutti fer einmitt til ömmu og afa í Ólafsvík um páskana (eins og alla páska), þannig að ég verð bara að dúlla mér, ein heima  hef svosem nóg að gera, þannig að það verður ekki leiðinlegt.

Stórt knús á þig og þína

[Brynja skordal, 15.3.2008 kl. 09:51]

Hafðu ljúfa helgi mín kæra

[Guðrún Emilía Guðnadóttir, 15.3.2008 kl. 10:55]

Ásgerður mín ég held að ég sé besta amma í heiminum en stundum fæ ég að heyra að sé sé ströng, þá er ég að setja mörkin,
þau fá nú ekki að vaða uppi þó ég elski þau ofsa mikið.
                      hafðu það gott um páskana frænka mín
                                        Þín Milla.

[Guðrún Emilía Guðnadóttir, 15.3.2008 kl. 10:59]

Sigríður mín hef orðið vör við þetta með ljósálfana.

Búkolla og Brynja knús á ykkur Milla.

[M, 15.3.2008 kl. 11:16]

Örugglega æðisleg amma og svo vilja börn smá aga með

Eigðu góða helgi. 

[Margrét Össurardóttir (IP-tala skráð) 15.3.2008 kl. 14:25]

Hafðu það gott Milla mín, Ljósálfarnir eru ómissandi hluti af tilverunni, knús

[Guðrún Emilía Guðnadóttir, 15.3.2008 kl. 20:26]

Takk mínar ljúfustu og hafið það allar gott sömuleiðis.
                     Kærar kveðjur Milla.

[Róslín A. Valdemarsdóttir, 15.3.2008 kl. 20:41]

Þú ert æðisleg Milla

[Guðrún Emilía Guðnadóttir, 15.3.2008 kl. 20:43]

Þú líka Róslín mín.