Mótmæli, árás gerð á Alþingishúsið.

Árás gerð á Alþingishúsið. lögreglan dreifir mannfjölda
með kylfum og táragasi.

31/3. 1949 þingsályktunartillaga frá ríkisstjórn Íslands að
Norður Atlandshafsbandalaginu var til lokaafgreiðslu á fundi
Sameinaðs Alþingis í gær.
Var tillagan samþykkt, eftir mjög harðar umræður.
Múgur manns hafði safnast saman við Alþingishúsið meðan á
umræðunni stóð, og urðu þar miklar óeirðir, grjóti kastað,
rúður brotnar, og að lokum kom til bardaga milli lögreglu og borgara.
gerði lögreglan að síðustu árás á mannfjöldann og dreifði honum
með kylfum og táragasi.
Kom þá til mikilla ryskinga og særðust nokkrir lögreglumenn og
allmargir borgarar.

það var dreift fregnmiðum um bæinn til að kinna fólki, að fulltrúaráð
verkalýðsfélagana og verkamannafélagið Dagsbrún, skoruðu á
almenning að sækja útifund við Miðbæjarskólann í Lækjargötu kl. 13. 
til að krefjast þjóðaratkvæðagreiðslu um  inngöngu í Atlandshagsbandalagið.

Nokkru síðar var öðrum fregnmiða dreift í tilefni af fyrrnefndu
fundarboði, og var fregnmiði þessi undirritaður af
formönnum stjórnmálaflokkana, og var hvatning til fólks að koma á
Austurvöll að sýna samhug sinn í því að Alþingi fengi vinnufrið.M


Nú fólk drífur að, það verður útifundur, hróp og eggjakast,
steinar fljúga í þingsal. Útrás lögreglu og varalið kvatt út.
Allmargir særðust, uppþot um kvöldið,nokkrir handteknir.

FRÁSAGNIR BLAÐANNA.

Miklar frásagnir voru í dagblöðum um atburðinn.

Morgunblaðið segir í fimm dálka fyrirsögn á forsíðu:
,,Ofbeldishópar kommúnista í framkvæmd. trylltur skríll
ræðst á Alþingi. Grjótkast kommúnista veldur limlestingum.
Spellvirkjum dreift með táragasi."

Fyrirsagnir Alþýðublaðsins:
,, Óður kommúnista skríll réðist með grjótkasti á Alþingishúsið.

Tíminn segir:
Kommúnistar efndu til mikilla  óspekta framan við Alþingishúsið í gær.

Hins vegar er fyrirsögn þjóðviljans á þessa leið:
landráðin framin í skjóli ofbeldis og villimannlegra árása á friðsama
alþýðu. 8=10 þúsund manns mótmæla fyrir framan Alþingishúsið
og krefjast þjóðaratkvæðagreiðslu.
Svör ríkisstjórnarinnar voru gasárásir og kylfuárásir
lögreglu og vitstola hvítliðaskríls.

Mundi eftir því að ég hafði lesið um slík mótmæli,
auðvitað var ekki verið að mótmæla því sama, en endirinn er sá sami,
handtökur, táragas, eggjakast, steinakast og fleira.
Svo ég mátti til með að setja þetta hér inn.
                        Góðar stundir.

Athugasemdir

[Tiger, 23.4.2008 kl. 17:35]

Æi já, það er svo leitt þegar mótmæli fara úr böndunum. Málið er að það þarf að fara að lögum, virða lögin þó maður sé að mótmæla! Ég t.d. er fullur af stuðningi við Trukkabílstjóra og tek ofan fyrir þeim vegna þess að þeir eru að gera eitthvað - en ég er alfarið á móti því að þeir séu að brjóta lög og séu með hamagang í umferðinni. Nú þegar hefur einn saklaus borgari verið handtekinn og sennilega verður hann dæmdur til sektar, kannski maður sem aldrei hefur komist í kast við lög - en er illa settur vegna þess að hann kaus að vera ekki fastur í umfeðateppu trukkakarla.

Núna í dag er allt soðið uppúr, allur skríllinn sem á einhvern hátt er á móti lögreglu er saman kominn til að kasta eggjum og grjóti í lög landsins - til hvers? Til að styðja trukkabílstjóra og styðja mótmælin? Nei, bara til að vera með í æsingi og til að "vera með í því að vera á móti lögreglunni" ... Þetta er komið langt útfyrir það sem málið á að snúast um og er til skammar finnst mér.

Ef trukkakarlar hefðu strax lagt trukkum sínum á besnínstöðvum og stoppað bensín- og olíu sölu - þá hefðu þeir strax hreyft við toppunum á ísjakanum og þeir toppar hefðu strax komið af stað "réttum" snjóbolta. Ég hefði sko sjálfur farið með bílinn minn og lagt honum með trukkunum í slíkum mótmælum, sem að mínu mati hefðu verið miklu áhrifameiri en hamagangur í umferðinni.

Knús á þig Milla mín og eigðu ljúfan dag!

[Ásdís Sigurðardóttir, 23.4.2008 kl. 19:19]

Takk fyrir veturinn elsku  Milla mín og Gleðilegt sumar

[Huld S. Ringsted, 23.4.2008 kl. 19:29]

Þetta fór svo klárlega úr böndunum hjá æstum almenning en bílstjórarnir urðu fyrir barðinu á lögreglunni.

Takk fyrir veturinn Milla mín

[GUÐRÚN GEIRSDÓTTIR (IP-tala skráð) 23.4.2008 kl. 20:10]

Alltaf gaman að kíja hérna,en ætlaði að biðja þig

að segja Írisi að hringja í mig,, er ekki með

númerið hennar

[Guðrún Emilía Guðnadóttir, 23.4.2008 kl. 20:24]

Ég skal gera það Guðrún mín, hvernig hefur þú það elskan?
héðan er allt gott að frétta og allir í góðum gír.

[Guðrún Emilía Guðnadóttir, 23.4.2008 kl. 20:35]

Tiger það er alveg rétt hjá þér, en mér fannst líka lögreglan vera til skammar, er það þetta sem við viljum, öskrandi lögglið sprautandi úr piparúðabrúsum, ég vill ekki sjá svona aðgerðir hjá lögvaldinu,
og ekki svona skrílsstuðning eins og þetta unga fólk viðhafði í dag.
Gleðilegt sumar Tiger minn og þakka þér fyrir öll hlýu orðin í minn garð í vetur, og öll skemmtilegheitin.
                 Knús Milla. vonandi fáum við gott sumar. 

[Guðrún Emilía Guðnadóttir, 23.4.2008 kl. 20:38]

Gleðilegt sumar Ásdís mín og þakka þér hjartanlega fyrir veturinn kæra vina, kvefja til Ómars Bjarna.
                     Knús Milla. Svona verður sumarið. 

[Guðrún Emilía Guðnadóttir, 23.4.2008 kl. 20:43]

Huld mín já þetta fór úr böndunum.
gleðilegt sumar til þín og þinna og takk fyrir veturinn, það var yndislegt að hitta þig um daginn.
                 Knús til ykkar
                    Milla. vonandi verður sumarið svona gott