Ýmislegt sem vert er að vita.

Þið getið nú rétt ímyndað ykkur, verðum að vita allt,
eins og þetta sem hér fer á eftir.

Cindy Crawford er komin með gráa fiðringinn, getur það verið,
er hann til hjá konum?, allavega er það einhver vöntun hjá henni
því hún er farin að dansa upp á borðum fyrir manninn sinn og vini
hans, en tekur fram að hún dansi ekki nakin.

Hún er nú bara eins og fyrri kona langalangafa míns, sem skemmti
gestum í vertshúsi sem hann átti á Ísafirði, og sagt er að hún hafi
dillað pilsum ört og haft dóttur sína sér til hjálpar í dansinum,
eins gott að hún var ekki langalangamma mín, þá hefði ég kannski,
NEI nei aldrei. Ekki ég.

Og hvað eru nú foreldrar að hugsa, er þeim alveg sama þó elsku
litlu börnin þeirra séu blindfull  á afskektum stað án eftirlits, en
sem betur fer kom löggan og ók öllum á stöðina, svo komu foreldrarnir
að ná í elskurnar.

Nú vitum við það með vissu, ef við lendum í gini hákarls, þá bara borum
við í augu hans þá sleppir hann takinu, en þá er hann auðvitað búin að
klippa smá í mann

Núna vitum við að það er alveg bannað að stríða rauðhausum, það segir
allavega söngvarinn Mick Huchall, hann telur það vera einelti eða jafnvel
rasisma, ja hérna! en hvað með alla aðra stríðni, einelti eða rasisma?.

Gott er að vera umhverfisvænn, eins og allir vita hefur Paul McCartney
verið að vekja athygli á svokölluðum grænum bílum.
Þeir voru svo stórmannlegir að gefa honum eina Lexus Limósínu með
tvinnvél, enn þeir gerðu þann feil að senda bílinn með flugvél frá
Japan, sem að sjálfsögðu mengaði andrúmsloftið á leiðinni.
Eigi var Aðalsmaðurinn  Paul ánægður með það.
það er nú bara ekki í lagi með svona fólk, er hann kannski hættur
að fljúga á milli landa?.
                                                Góðar stundir.

Athugasemdir

[Sigrún Jónsdóttir, 13.5.2008 kl. 13:09]

Gott að vita þetta með augu hákarlsins.  Ætli þetta sé tegundatengt eða getur maður notað þetta bragð á alla "hákarla"?

[Kristín Gunnarsdóttir, 13.5.2008 kl. 13:13]

Ja kannski að maður ætti að prófa það að  dansa uppá borði, það þyrfti nú senni lega sterkan planka til þess mætti ég trúa, en maður veit aldrey uppá hverju maður tekur.

Eigðu góðan dag elsku Milla mín

[Ásdís Sigurðardóttir, 13.5.2008 kl. 14:14]

Í eina tíð dansaði ég upp á borðum af einskærri gleði, það var sko gaman, held ég ætti ekki auðvelt með það í dag.  Er ekki blíða hjá þér stelpa??  knús 

[Róslín A. Valdemarsdóttir, 13.5.2008 kl. 15:18]

Já Milla, nú máttu hætta að stríða mér!

Knús

[Guðrún Emilía Guðnadóttir, 13.5.2008 kl. 19:12]

Búkolla styrkja öll borð svo við getum allavega farið upp á þau.

Sigrún gott ráð á alla Hákarla, vona ég.

Stína mín dagurinn á enda áður en maður veit af, ég svaf til  kl. 16 í dag, stundum þarf maður bara að hvíla sig

Ásdís það er þoka og rigning en frekar hlýtt

Róslín verð að hætta að stríða þér annars verð ég kærð fyrir rasisma
mér finnst nú rautt hár bara það flottasta.

Sigga mín komdu líka akandi á bílnum þínum það væri gaman að sjá þig

[Heidi Strand, 13.5.2008 kl. 19:46]

Rødt hår er så vakkert. Barnebarnet mit har rødt hår og øynene holder på å bli brune. Du kan se henne www.heidistrand.com og klikke på grandaughter.
Ellers så leste jeg at nordmenn har aldri sluppet ut så mye CO2 som i fjor.
I Burma stjeler de barn som er offer for katastrofen
http://www.nrk.no/nyheter/utenriks/1.5649327 og på Island krngler de om rikmannspensjon.

[Rannveig Þorvaldsdóttir, 13.5.2008 kl. 19:54]

þú ert frábær  Milla mín, var ég nokkuð búin að segja þér það?

[Guðrún Emilía Guðnadóttir, 13.5.2008 kl. 19:57]

Hún er yndisleg hún litla þín, til hamingju með hana.

Já Heidi mín það er víða pottur brotinn í vorum löndum.
                              Knús kveðjur
                                 Milla.

[Guðrún Emilía Guðnadóttir, 13.5.2008 kl. 20:00]

Sömuleiðis Rannveig mín, hlakka til að sjá ykkur í sumar, er annars nokkuð komið sumar, hér er þoka og rigning en hlýtt.
                                    Knús kveðjur
                                      Milla.

[Rannveig Þorvaldsdóttir, 13.5.2008 kl. 21:52]

júbb, loksins komið sumar hér á hjara veraldar  hlýtt og notalegt og svei mér ef gróðurinn er ekki byrjaður að taka við sér. Svo er farið að heyrast suð í einhverjum röndóttum flykkjum. Ótvírætt merki um sumarbyrjun knús á ykkur, gamla settið