Fyrir svefninn.

Í morgun er við gamla settið vorum búin að fara í bað og snyrta
okkur að vanda fyrir hvort annað, hringdi dyrabjallan, varð hissa,
engillinn fór til dyra og heyrði ég eitthvað gleðital um að sýna mér
eitthvað,
ég stökk upp, skildi nú ekki hvernig ég gat það ,
er víst svo hægfara, allavega fæ ég að heyra það á stundum. 
sína mér hvað?
Þá heyrðist í ljósálfa-rödd, nýa hjólið mitt, hvað segirðu, 
ert þú búin að fá hjólið?
Já sagði svo glöð og hamingjusöm rödd og hún var á nýa
gírahjólinu sínu.
Það var nefnilega þannig að hún átti að safna fyrir hjólinu,
samdi við ömmu sína um að vinna hjá henni í garðinum,
Óda amma á nefnilega stóran garð.
Allir vissu að hún yrði lengi að vinna fyrir 25.000 kr hjóli.
Þó hún ætti 9000. kr. Alli besti frændi ákvað að gefa henni smá
og Óda amma borgaði rest.
Svo sagði litla ljósið, ég vill líka nýtt hjól, en hún á nýtt hjól.
Ídag er búið að vera ekta letiveður og hefur maður hagað
sér samkvæmt því.
                     -------------------------------------------
Hér kemur smá til að hlæja að.

Guðrún Gísladóttir á Hæli var einu sinni spurð að því,
hvernig henni litist á mannsefni stúlku einnar,
sem þótti mjög myndarleg, en pilturinn var álitinn lítt af manni.
Guðrún svaraði:
,, Ef hann væri vetlingur og ég hefði prjónað hann,
þá mundi ég rekja hann upp."

Kommúnisti, er var í framboði í Rangárþingi,
kom á bæ einn í Fljótshlíð og snæddi þar miðdegisverð.
Hann spurði húsfreyjuna,
hvort hún keypti ekki Þjóðviljann.
,, nei, við notum klósettpappír," svaraði hún.

         Hvernig á að lynda við ráðríkar konur?

         Kvartaðu aldrei um kröfur né vos,
         hvettu þær ávallt til dáða.
         Leitaðu uppi þitt ljúfasta bros
         og leifðu þeim bara að ráða.

         Hvernig eiga karlar að sinna um konur?

         Ég held að ég geti ef ég hugsa mig um
         þér heilræði gefið.
         teldu ei víst að hún tilbiðji þig
         né taktu í nefið.

Að sjálfsögðu eftir hana Ósk.
                                                    Góða nótt.

Athugasemdir

[Ásdís Sigurðardóttir, 28.6.2008 kl. 20:45]

Snillingur hún Óda, ekki spurning. Takk fyrir þetta. Vona að veðrið verði betra hjá ykkur á morgun.  Knús og Góða nótt 

[Róslín A. Valdemarsdóttir, 28.6.2008 kl. 20:52]

Það er svo ótrúlega góð tilfinning að fá nýtt hjól, ég man þegar ég fékk fyrsta nýja hjólið mitt. Þá var ég örugglega 9 ára eða svo, miðlungs stórt með dempurum og gírum! Afi gaf mér það og mikið rosalega var ég ánægð þegar ég fékk það flutt heim úr litlum bíl.

Góða nótt elsku Milla

[Guðrún Emilía Guðnadóttir, 28.6.2008 kl. 21:01]

Það ætla ég líka að vona Ásdís mín, já hún Óda er sko snillingur

Rósin mín hún Viktoría Ósk mín er líka 9 ára og var afar hamingjusöm í morgun þegar hún kom að sína okkur hjólið.

[Erna, 28.6.2008 kl. 23:27]

Góða nótt Milla mín, bendi Bjössa mínum á heilræði Óskar.

[Linda Linnet Hilmarsdóttir, 28.6.2008 kl. 23:28]

Takk takk elsku Milla mín og góða nóttina

[Ásgerður , 28.6.2008 kl. 23:46]

Takk fyrir þetta og góða nótt

[Guðrún Emilía Guðnadóttir, 29.6.2008 kl. 09:10]

Góðan daginn skjóður allra tíma, ég var spurð að því fyrir margt löngu hvað skjóða væri, ég náði í slæðu og sýndi þeim hvernig skjóða liti út,
og í gamla daga hefðu konur geymt allt það dýrmætasta sem þær áttu í skjóðunni sinni, og oft á tíðum hefði það verið aleigan, fer nánar út í það við þær er eldri verða.
Þið eruð allar dýrmætar konur og þykir mér skjóðu nafnið afar hjartnæmt.

Hef kannski sagt ykkur frá föðurafa, á hverjum morgni að loknu morgunkaffi, fór hann upp á saumastofu, þar sátu yfirleitt um
80- 100 konur við hin ýmsu störf, hann labbaði á milli þeirra og sagði:
,, Hvað segir þú gott í dag Þórkatla mín," þeim fannst þetta vera hjartnæmt, sem það líka var honum þótti afar vænt um sínar konur
og kom ævilega fram við þær að virðingu.
Hann afi minn var góður maður.
Eigið góðan sunnudag, kærleikskveðja
                 Milla.

[Tiger, 1.7.2008 kl. 01:39]

Jamm, alltaf eru ömmur langbestu englarnir - og sumir frændur líka náttúrulega sko!

Knús í loftið Millan mín ...