Fyrir svefninn.

                      Óhræsisnefndin.

                      Skemmtinefnd er fyrirbæri sem
                      segir öðrum hvað þeir eiga að gera

                      Oft er yfirnefndin
                      efnislega snauð.
                      Endaslepp er efndin
                      andagiftin dauð.
                      Blessað bjargarleysið
                      ber hún með sér núna.
                      Menn um mest allt pleisið
                      missa af þeim trúna.

                      Víst er hún á veiðum
                      vofir yfir jörð.
                      Eftir ýmsum leiðum
                      ásækir ´ún hjörð.
                      heimtar klám af krafti
                      klúra vísna nýtur.
                      Beitir klóm og kjafti
                      klórar fast og bítur.

                      Það að verjast vargi
                      virðist engin leið.
                      Undan ofurfargi
                      engin maður skreið.
                      Sagt var sverum rómi
                      semdu vísur margar.
                      Undan yfirdómi
                      engin leið til bjargar.

                      Elting ill var hafin
                      yfir gekk hún strax.
                      Tæknin vart er tafin
                      tölvur, sími og fax.
                      Eins og eldflaug þjóti
                      yfir liðið fríða.
                      Best að brosa á móti
                      beyja sig og hlýða.

                      Mæddir vísnavinir
                      voru hér um sinn.
                      landsins ljúfu synir
                      litu hérna inn.
                      Nefndin hreykin hlakkar. H
                      Hyggðu vinur góður
                      hverjum þú svo þakkar
                      þetta vísna fóður.

                      Þeir eru sjaldan sjálfir
                      sínu monti flíka
                      Auðmýkt andans þjálfir
                      aðrir finnast líka.
                      Er reisa háls og hnakka
                      hærra en augu á festir.
                      Minnst er þeim að þakka
                      er þykjast vera bestir.

Athugasemdir

[Erna Friðriksdóttir, 25.7.2008 kl. 22:45]

Sæl Milla mín, væri þú til í að senda mér þetta á netfangið mitt   [e-mail]            æji ég er að safna svona allskonar :) bestu kveðjur til þín ... alltaf ......... þín

[Tiger, 26.7.2008 kl. 16:59]

  Haha .. þetta var athyglisvert og bara skemmtilegt að lesa. En eftir hvern var það svo?

Takk fyrir þetta Millan mín og verndarvængur ...