Fyrir svefninn.

Í sláturhúsinu á Húsavík var Þormóður Torfason
á Birningsstöðum í Laxárdal einn af fláningarsmönnunum.
Á þeim árum stóðu yfir fjárskipti vegna mæðiveiki, og voru
öll þau mál mjög til umræðu meðal manna.
Þóttust sumir hafa hitt og þetta að athuga við ákvarðanir
og úrskurði mæðuveikinefndar.
Nú varð mönnum sem oftar tilrætt um þessi vandamál
í sláturhúsinu.
Þá skaut Þormóður inn þessari athugasemd:
,, Það er ekki mæðuveikin, sem er mesta plágan, piltar!
Það er mæðuveikisnefndin."

          Þegar maður þyrfti að vera á mörgum
          stöðum í einu, væri þægilegt að geta
          klónað skepnuna.

                Ef bæta þarf brýnasta vandann
                má biðja um aðstoð að handan.
                En bóndinn er sár
                með bænirnar klár
                ef klóna þeir kerlingarfjandann.

Eftir hana Ósk að sjálfsögðu.

Munið svo elskurnar mínar, það er forbannað að
borða eftir kvöldmat.

                                 Góða nótt

Athugasemdir

[Jóhanna Magnúsar- og Völudóttir , 14.8.2008 kl. 21:31]

 ... sleppi mat eftir mat, lofa!

[Ásdís Sigurðardóttir, 14.8.2008 kl. 21:39]

Alltaf jafn gott það sem kemur frá Ódu, ég ætla að fá mér smá súkkulaði, fékk sent frá Sviss uppáhaldið mitt. Knús og GN

[Erna, 14.8.2008 kl. 21:39]

Takk fyrir þetta Milla mín, ég lofa líka að sleppa öllu áti eftir kvöldmat  Góða nótt