Fyrir svefninn

         Til skóla mæta góðir ungar
          til að vitkast betur,
         sálargreyin við skilnað, þungar,
         en við sjáum nú hvað setur.

Fórum að Laugum í dag, þar fór fram skólasetning,
að vanda var hún  gefandi og skemmtileg. Síðan var
boðið til veislu  í matsal skólans, og þarf vart að taka
það fram  að veitingar voru afar góðar.

Mér þykir með eindæmum ljúft að fylgjast með öllu því
sem fram fer í skólanum, og hef ég gert það síðan
englarnir mínir byrjuðu sem nemendur þarna.

                 *********************
Langar líka til að segja ykkur að það er vigtardagur hjá mér
á sunnudögum, og í vikunni sem var að líða missti ég 900 gr.
og er ég bara ánægð með það, þetta eflir mann og styrkir til
að vera enn þá duglegri.

                Alla morgna glöð ég vakna
                en að komast fram úr tekur á,
                alla-vega þess ei mun ég sakna
                er aukakílóin eru frá.

                Stuðningur vina er mér kær
                veitir mér þrek og vilja
                til að færast markinu nær
                og allt í kringum það skilja.

Takk fyrir mig.
                                         Góða nótt.

                                         

Athugasemdir

[Huld S. Ringsted, 31.8.2008 kl. 21:37]

[Sigrún Jónsdóttir, 31.8.2008 kl. 21:37]

Þú ert að standa þig vel í átakinu.  Góða nótt Milla mín

[Ásdís Sigurðardóttir, 31.8.2008 kl. 21:43]

Knús og kærleikur til þín elsku Milla mín.

[Guðrún Emilía Guðnadóttir, 31.8.2008 kl. 21:46]

Knús til ykkar vinur mínar.

[Róslín A. Valdemarsdóttir, 31.8.2008 kl. 21:50]

Góða nótt elsku Millan mín

[Ragnheiður , 31.8.2008 kl. 22:54]

Ég er að hugsa um að taka mig á og reyna að tapa nokkrum kílóum í leiðinni

[Kristín Gunnarsdóttir, 1.9.2008 kl. 07:13]

Góðan daginn Milla mín, góður árángur hjá þér.

Kærleikskveðjur

[Ía Jóhannsdóttir, 1.9.2008 kl. 08:45]

Flott hjá þér Milla 900gr á viku er bara meiriháttar!  Farðu samt ekki of geyst, það borgar sig aldrei.  Kveðja inn í góðan dag.

[Linda Linnet Hilmarsdóttir, 1.9.2008 kl. 08:47]

[Guðrún Emilía Guðnadóttir, 1.9.2008 kl. 09:08]

Góðan daginn bestu skjóður heims.
Stína mín flott myndin af þér krúsin mín, Ía þetta fór bara en svo hægir alltaf á er fram í sækir, þeir tala um 500 gr á viku sé gott, svo 1 kg á mánuði, held að ég yrði nú ekki ánægð með það.
Ragga mín ertu ekki bara fín eins og þú ert?
Knús á þig Rósin mín.
og til þín Búkollan mín fagra.
Linda mín bestu kveðjur.

Knús kveðjur á allar skjóðurnar mínar.
Milla