Fyrir svefninn.

Er ekki bara best eftir allar gleðifréttirnar undanfarna daga
að halda bara áfram í gríninu, eða hafa kannski ekki verið
neinar gleðifréttir?
En samt fáið þið grín.

Stúlka ein fékk dágóða peningaupphæð í happadrættisvinning
og var miðin númer 51.
Einhver spurði hana hvort hún hefði dregið þetta númer eða valið.
" Valið það," svaraði stúlkan, " Mig dreymdi sjö nætur í röð
töluna sjö, og sjö sinnum sjö eru nú einu sinni fimmtíu og einn,"
sagði hún hróðug.

Tveir fermingardrengi, ræddu um " Faðir vorið" og merkingu þess
og fannst öðrum það óþarfi að hafa yfir daglega,
gef oss í dag vort daglegt brauð, vikulega væri nóg.
Hinn var ekki á sama máli, því hann taldi það nú alltaf best nýbakað.

                     Þessi er ekki fyrir viðkvæma.

                        Gamall húsgangur:

                     Sjálfs manns höndin hollust er.
                     Hér er sönnun fengin.
                     lekanda úr lófa sér
                     liðið hefur enginn.

                                           Góða nótt.

Athugasemdir

[Helga Magnúsdóttir, 1.10.2008 kl. 20:59]

[Vilborg Auðuns, 1.10.2008 kl. 21:22]

Þú ert frábær Milla mín.......... yndislegir brandarar

Kærleiksknús Vibba

[Brynja skordal, 1.10.2008 kl. 21:31]

 Góða nótt Milla mín Elskuleg

[Ólöf Karlsdóttir, 1.10.2008 kl. 22:54]

Þú þarft að kenna dúlunni  að drekka kaffi  heherugludalladósin

[Kristín Gunnarsdóttir, 2.10.2008 kl. 07:22]

Góðan daginn Milla mín

[Guðrún Emilía Guðnadóttir, 2.10.2008 kl. 08:35]

Góðan daginn skjóðurnar mínar, þið eruð rúbínar í dag, það snjóar.

Sérð þú eitthvað dóno Dóra mín? Neró er ætíð knúsaður og nú er hann farinn að stökkva upp í hjónarúmið og bíða eftir að ég komi inn, því þá fær hann smá klór.

Helga mín knús til þín.

Takk sömuleiðis Vibba mín knús

Knús á þig Brynja mín

Lady Vallý hvað ertu gömul? Dónó! þetta er gamall húsgangur.
knús

Kærleik til þín Silla mín

Óla ef þú kannt að spá þá drekkur hún kaffi

Knús til þín Stína mín