Ljós í myrkri.

 

Á þessum skammdegisdögum er nauðsyn að birta og ylur kærleiks
og vinskapar streymi um nágrenni okkar. Við þyrftum nú strax að
hvetja alla til að byrja á því sem kallað er -Ljós í myrkri-.
Í fyrstu væri einungis lifandi kertaljós í einum glugga, falleg kveðja
til nágrannans.

Þetta er í raun byrjun á ljósaskreytingu aðventunnar en væntanlega
meir með hvítum ljósum sem síður eru tengd sjálfum jólunum. Stígandi
væri í þessu sem byrjaði á kertaljósi í glugga og endar í fallegum
velupplýstum gluggum í byrjun aðventu.

Látið þetta berast.

                      Á jökultindinum
                      lýsir bergkristallinn
                      langar leiðir
                      allt í kringum hann
                      svífa ljóðin
                      fjólublá
                      turkís rauð
                      í morgunkyrrð.

                      Við göngum
                      inn í ljósið
                      ljóðin
                      ljóðlýst
                      í tindinn.

Úr ljóðabók um Hvannadalshnjúk
Hallfríður Ingimundardóttir.
                                                  Góða nótt.

Athugasemdir

[Guðrún Jónína Eiríksdóttir, 7.11.2008 kl. 21:50]

Kvitt og knús.

[Anna Guðný , 7.11.2008 kl. 21:51]

Setti svörin inn, geturkíkt á þau ef þú hefur áhuga.

Annars bara hafðu það gott um helgina.

[Hólmdís Hjartardóttir, 7.11.2008 kl. 22:35]

[Erna, 8.11.2008 kl. 01:28]

Góða nótt elsku Milla

[Guðrún Emilía Guðnadóttir, 8.11.2008 kl. 08:45]

Góðan daginn skjóðurnar mínar.
Eigið allar yndislegan dag í dag
Milla.

[Jóhanna Magnúsar- og Völudóttir , 8.11.2008 kl. 12:25]

Mikið er þetta fallegt.