Fyrir svefninn.

Dagurinn í dag var bara góður fór í þjálfun í morgun,
fer ekkert í næstu viku þjálfarinn minn er að fara í smá aðgerð.

Fengum okkur kaffi og brauð er heim kom áður en við fórum út
aftur, til að panta jólakjötið sem upp á vantaði, fór í apótekið
Að sjálfsögðu til að byrgja mig upp á hinum ýmsu lyfjum fyrir jól.

Versluðum smá í kaskó, það er alltaf eitthvað sem vantar.
Var svo bara heima að dandalast þangað til ég fór á afar
skemmtilegan fyrirlestur hjá henni Láru Ómars hann var haldin
í þekkingarsetrinu, afar skemmtilegt, fróðlegt og snjallar ráðleggingar
sem hún kom með.

Litla ljósið mun svo koma á morgun til okkar á meðan mamma hennar
fer í klippingu fyrir jólin. þau munu svo verða í mat því það tekur nú
tíma sinn að verða flottur um hárið.

Svo á hún Dóra mín afmæli á morgun en þær systur Milla og hún
munu bjóða til veislu þegar englarnir mínir koma í jólafrí.

Góða nótt kæru vinir
Milla

Athugasemdir

[Ásdís Sigurðardóttir, 3.12.2008 kl. 22:11]

Góða nótt Milla mín  eigið ljúfan dag á morgun og til lukku með stelpuna þína.

[Sigríður B Svavarsdóttir, 3.12.2008 kl. 22:15]

Góða nótt Ljúfust í draumalandinu þínu..  eigðu ljúfan dag á morgun með dúllunni þinni..

[Anna Guðný , 3.12.2008 kl. 23:14]

Til hamingju með stelpuna  á morgun.

Hafð það gott

[Sigrún Jónsdóttir, 4.12.2008 kl. 00:29]

Til hamingju með afmælisstelpuna  Góða nótt

[Erna, 4.12.2008 kl. 01:58]

Góða nótt Milla mín og innilegar hamingjuóskir með flottu stelpuna þína sem mér þykir svo vænt um

[Tiger, 4.12.2008 kl. 02:21]

  Hey sko .. ljúfa Millan mín! Ég á sko TVO bræður sem eiga líka afmæli á morgun (í dag) - sama dag og Dóran þín sko ...

Óska þér til lukku með þessa skrukku ... neinei segi bara svona!

Knús og kreist á þig Milla mín - hafðu ljúfan daginn með Dóru og öllum þínum skottum. Megi dagurinn verða í alla staði ljúfur og vel heppnaður! 

[Guðrún Emilía Guðnadóttir, 4.12.2008 kl. 09:02]

Góðan daginn elskurnar mínar og takk fyrir kveðjurnar.

Dóra alltaf jafn góð við mömmu sína er að reyna að gera mig yngri en ég er, en ég var 19 + er ég átti þig skjóðan mín.

Tiger til hamingju með bræður þína, var ekki gott að eiga svona eldri bræður sem pössuðu þig er þú varst lítill, Dóra mín er elst svo hún var alltaf að passa sín yngri.
Svo máttu alveg kalla hana skrukku, hún er það ásamt því að vera
hjartahlý, bóngóð og alveg bráðskemmtileg.
Hún var nú ekki kosinn starfsmaður Laugaskóla um daginn fyrir ekki neitt, það voru nemendur sem kusu.

Jæja við munum ekki hittast í dag það var ákveðið að þær systur mundu halda upp á afmælin sín saman þegar þær mæðgur kæmu í frí
Milla á sko afmæli 19 des, en ljósin mín munu verða hér í dag.
Erna mín kærleikurinn á milli ykkar Dóru er bara yndislegur.

Eigið öll yndislegan dag í dag
Milla.