Fyrir svefninn

Jæja ég fór nú í kaffið í dag og sé ekki eftir því.
Fullt af börnum sem eru að læra á hljóðfæri spiluðu og svo söng
kórinn sem Viktoría mín er í og var hún ein af þeim sem söng einsöng
hún spilaði einnig á þverflautu og auðvitað er maður ofsa montin
maður er nú einu sinni amman.
Þarna var fullt af fólki og allir skemmtu sér hið besta.
Myndin hér að ofan er af jólasveinunum sem komu í heimsókn við
misjafnar undirtektir þeirra litlu.
Litla ljósið mitt sat í fanginu á pabba sínum lokaði augunum og
hreyfði sig ekki, það var eiginlega bara best að gleyma þessum körlum
einn settist við hliðina á mér og reyndi að tala við hana en allt kom fyrir ekki.
Vonandi getur hún einhvern tíman sagt frá þessu sem í minningunni yrði
þá kannski eigi svo rosalegt.

Er ég var stelpuskott fór ég ávalt á jólatrésskemmtun sem haldin var í
Sigtúni hinu gamla við Tjarnagötu og að mig minnir á vegum sjálfstæðis-
flokksins, en það skiptir ekki máli, man bara að þangað komu margir
jólasveinar í svona rauðum fötum, gáfu okkur nammí í poka og epli.
Ávallt var á þessari skemmtun boðið upp á heitt súkkulaði og rjómatertu
svona gamaldags það voru svampbotnar með sultu, ávöxtum og rjóma
síðan voru að mig minnir upprúllaðar pönnukökur.
En það var nú þá.

Góða nótt

Athugasemdir

[Linda Linnet Hilmarsdóttir, 13.12.2008 kl. 19:55]

Knús knús í hús og ljúfar yndislegar kveðjurog góða nóttina elsku vinkona

[Einar Áskelsson (IP-tala skráð) 13.12.2008 kl. 20:04]

Og sem betur fer hefur gleði barnanna að fara á jólatréskemmtanir ekki breyst.  Frábært að lesa að þið hafið skemmt ykkur svona vel.  Takki fyrir daginn kæra Milla og góða nótt á móti..  Leyfum Stúf að taka vel á móti okkur á morgun.

[Guðrún Emilía Guðnadóttir, 13.12.2008 kl. 20:15]

Elsku Linda hugljúfar kveðjur til þín og þinna.
Milla

Nei sem betur fer og maður getur ekki annað en skemmt sér við allan jólasönginn og börnin eru svo glöð að allir koma og hlusta á þau.
Stúfur er bara ljúfur.
ljós og gleði til þín og þinna
Milla.

[Ásdís Sigurðardóttir, 13.12.2008 kl. 20:24]

Þeir hafa breyst sveinkarnir heima, en þetta er flott mynd.  Krúttkveðja inn í næturhúmið

[Guðrún Emilía Guðnadóttir, 13.12.2008 kl. 20:28]

Ásdís mín þessir eru ekta koma frá Dimmuborgum og höfðu meira að segja farið í bað sko fyrir viku, en eigi var slæmt að fá þá sér við hlið.
Ljós til þín
Milla.

[Brynja Dögg Ívarsdóttir, 13.12.2008 kl. 21:02]

Sæl, hafðu það sem best um helgina og bið að heilsa Stúf.

Kv úr rigninunni Brynja og Emma.

[Sigríður B Svavarsdóttir, 13.12.2008 kl. 21:21]

Alltaf finnst mér jafn skrítið  sjá karlana ekki í rauðabúningnum,  sennilega er ég svona barnaleg en þá. En svona er nú bara minningin og hefðin sterk. Góða nótt Elskuleg eigðu  ljúfa drauma

[Erna, 13.12.2008 kl. 22:29]

Sendi góðar kveðjur í kærleikskot

[Hólmdís Hjartardóttir, 13.12.2008 kl. 23:15]

[Heiða Þórðar, 13.12.2008 kl. 23:33]

Góða og draumfagra nóttina

[Sigrún Jónsdóttir, 14.12.2008 kl. 00:26]

Góða nótt Milla mín

[Guðrún Emilía Guðnadóttir, 14.12.2008 kl. 08:33]

Góðan daginn kæru vinir.
Sitt sýnist hverjum um jólasveinanna, mér finnst nú þessir frábærir í þæfðum buxum, prjónuðum peysum og meira að segja axlaböndin voru
að ég held prjónuð eða ofin, bara flottir.
Ljós til ykkar allra
Milla.